1 Juan 2:1 - Tagbanwa

¹ Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

1 Juan 2:1 Iomraidhean Croise

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 13:33

Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 14:16

Upakaten kuy Amaꞌ ku nga begayan ya kamu it Manigtabang nga bilang ganti ku, nga kanyay kaꞌiba-iba mi nga pirmi seked it kaꞌnu-kaꞌnu.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 21:5

Piyataꞌwagan sira ni Jesus, maat ya, “Mga Anak, daꞌga egay napisiꞌ mi nga sedaꞌ?” Nagdenga-denganen i tubag nira nga magꞌaat, “Daꞌga bay napisiꞌ namen.”

Juan 5:14

Ega naꞌlay, naltegan ni Jesus i piyagayen ya ngayti duꞌun it Templo nga papagsambaan. Pagkalteg ya, inaat ya, “Ta, magayen ka na kayti. Iyan indiꞌan mu nay kasalaꞌan. Ka in kayliyan mu paꞌ, subraꞌ payan sikayan i mabetangan mu nga kakuriꞌan.”

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 8:11

Katubag i babay ngayti, maat ya, “Ta ega, Agalen.” “Ta maski aku,” maat ni Jesus, “ega rigaen ku ikaw. Mapanaw ka na baw pedkanan mu nay buwat it kasalaꞌan.”

Mga Binwat 7:52

Daꞌga baꞌ, mga prupitaꞌ it tagnaꞌ, daꞌgay-daꞌga piyakuriꞌan it mga kagiyaringanan mi ngayti? Baw inimatay nira paꞌ i mga piyapasugid it Ampuꞌang Diyus pasar it pangabut it mataldeng nga manigsirbi ya nga si Jesus. Ta kamu na kayti, kamu i subuk dimnagang it ki Jesus ngayti. Kamu i nagpaꞌimatay it kanya,

Roma 5:10

Sabap tagnaꞌ, mga kakuntraꞌ tami talaga it Ampuꞌang Diyus sabap it mga kasalaꞌan ta. Temed tiyanggap ya na kita nga subuk magagayeng iba-iba ya sabap it kamataynen it Anak ya nga si Jesus. Aypaꞌ in atkayay ildaw yat maski mga kakuntraꞌ ya, kayti, it mga iba-iba ya na kita, subraꞌ nang maribri ta kat panriga ya ka, lamang natay si Jesus, egen siꞌ kayti. Ipasiguru ya i karibriyan ta.

Roma 6:15

Ta unu, it kayti nga kat sakep ta na it ildaw it Ampuꞌang Diyus, mapakay na nga sumari ta nat buwat it kasalaꞌan sabap, yanayan, pagsisiguruun ta nga ega yay ikapisiꞌ tat karibriyan, pagsunud ngaytit mga urdin ni Moises? Talagang ega maat magꞌaꞌatkayan.

Roma 8:34

Aypaꞌ talagang ega na mapakay nga betanganan tami paꞌ it ukuman it maski siyu duꞌun it adapan it Ampuꞌang Diyus. Ka ipiyaturuꞌ ni Cristo Jesus i duguꞌ ya sabap it kasalaꞌan tami. Baw ega lamang iyan in daꞌga inggen kanyat paꞌuliꞌ, nga binggayan na kanyat ega basta-bastang kabantugan duꞌun it iwanang ayun it Ampuꞌang Diyus. Baw kayti pirmi ya kitang pagpanindegan duꞌun.

1 Corinto 15:34

Ipatarunus mi na i pikiran mi baw indiꞌan mi na i buwat it kasalaꞌan. Ka iyan beken asat imyu, egay kamatuudan nga pagkilala it Ampuꞌang Diyus. Ikaꞌeyaꞌ mi talagaytu.

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Galacia 4:19

Kamuy subuk mga anak ku. Dakulay nalabayan ku nga kakuriꞌan katꞌesa, nga kaꞌaat ka subuk siyaꞌgidan aku, isaꞌun kasakit na i pamayaꞌ mit ki Cristo. Kayti atkayan naga, subuk daꞌku talaga magkabara-baraꞌ mintras ega paꞌ magꞌuꞌunay i pagsarig mit ki Cristo baw magpasbung kamu nang banar it adat ya.

Efeso 2:18

Ka sabap it ki Cristo ngaytu, surubung tami na kayti nga pagtanggapen it Diyus Amaꞌ in magpatpad tami duꞌun it kanya kat tabang it Espiritu Santo nga magsasarum situt bilug tami nga muꞌsa.

Efeso 4:26

In beteꞌ may maꞌisgan mi, pataꞌliben mi lamang isaꞌun daꞌkamu na maꞌulug kat kasalaꞌan sabap it iseg mi ngayti. Baw ega pagdedemdemen mit maꞌlay, in daꞌga awaꞌen mi na kat nakem mi it ega paꞌ semdep i aldaw.

1 Timoteo 2:5

Sabap esa-esay Ampuꞌang Diyus, ega nay beken. Baw esa-esa gasiꞌ i ipiyasiguru nga magpanindeg it taw duꞌun it Ampuꞌang Diyus, si Cristo Jesus lamang nga nagbalyung taw.

1 Timoteo 3:14

Ireg ku sana kapaꞌasan akut imu it dumaliꞌ, temed barang maꞌatrasu aku. Aypaꞌ ka ipagsurat kuy mga munaꞌaw ngaytu ka ipataban asat imu, isaꞌun maꞌrutan mu in magꞌuꞌunu mabwat muy buwaten it Ampuꞌan nga pamaalaꞌ it mga magpamayaꞌ it kanya asan. Ka iyan kadakel it mga magpamayaꞌ ngaytu it Ampuꞌang Diyus, kanya nga egen it egay kaskedan, kaꞌalimbawaan nira, subuk arigi baw sulay it balay, sabap siray magpanindeg it kamatuudan nga garing duꞌut Ampuꞌang Diyus ngaytu.

Hebreo 9:24

Sabap, si Cristo, ega maat duꞌun i sinledan ya it Ega Basta-bastang Seled it Templo ngayti situt banwa, nga taw lamang i minwat baw ladawan lamang it matuud nga papagsambaan, in daꞌga talagang langit i sinledan ya. Ta kayti, duꞌun na kanyat adapan it Ampuꞌang Diyus, magpanindeg it aten.

Santiago 1:27

Temed iyan taw nga pagsunud ya, talagang magkapakay baw pagsagyaan it Amaꞌ tami nga Ampuꞌang Diyus, ega paglilipaten ya i mga taw nga magkakuriꞌan, nga subung it mga ilu-ilu baw mga babay nga balu, in daꞌga pagtabangen ya. Baw pagꞌinturun yay sadili ya, nga ega maduraꞌitan it karaꞌe-raꞌetan nga pagbuwaten it katataawan situt sinirungat langit.

Santiago 3:9

Sabagay, dilaꞌ ta ngaytu i ipagbantug tami it Ampuꞌang Diyus nga Amaꞌ tami. Temed iyan na gasiꞌ i ipagpanumpa tami it beken nga surubung tami nga giyuna it Ampuꞌang Diyus nga ipiyasbung ya naga it sadili ya.

1 Pedro 2:22

Ega talagay maski unu nga kasalaꞌan nga binwat ni Cristo. Maski ampang nga aꞌakal, talagang egay namuyaan duꞌut kanya.

1 Pedro 3:18

Subung it ki Cristo nga, maski egay kakasalaꞌan ya, temed piyakuriꞌan kanya nga inimatay sabap it aten nga makasalaꞌan. Kat kaꞌsa lamang ngayti nga binwat ya tiyanggung yay kasalaꞌan tami isaꞌun makapaꞌuliꞌ ya tami duꞌun it Ampuꞌang Diyus. Natay talagay bilug ya temed inggen naga kanya it guna it Espiritu Santo.

1 Juan 3:18

Kamu nga bilang anak ku, iyan bay magayen, ega desang ipagsugid ta nga magsigraras tami, in daꞌga ipagpalteg ta kat mga pagbuwaten ta nga kamatuudan i raras ta ngaytu.

1 Juan 3:5

Magkaꞌrutan mi nga piyalampud na pasiꞌ si Jesu-Cristo situt banwa isaꞌun matanggung ya nay mga kasalaꞌan ta. Baw kanya, talagang egay kakasalaꞌan.

1 Juan 3:7

Mga bilang anak ku, ayaw kamut pateꞌag-teꞌag it maski siyu. Iyan nga magbuwat it kataldengan, mataldeng nayan kat panleteg it Ampuꞌang Diyus, subung it ki Jesu-Cristo nga talagang mataldeng.

1 Juan 4:4

Kamu, mga bilang anak ku, mga anak kamu na it Ampuꞌang Diyus. Baw nakaꞌindaꞌeg kamu nat mga maꞌambut ngayang magpapru-prupitaꞌ. Naꞌindaꞌeg mi na sabap subraꞌ pang gunaan i Espiritu Santo nga magsasarum asat bilug mi, subraꞌ pat maraꞌe-raꞌet ngayting si Satanas nga magpanakem it mga taw nga ega nagpasakep it Ampuꞌang Diyus.

1 Juan 5:17

Yay matuud, kada mabwat ta nga kuntraꞌ it kaꞌirgan it Ampuꞌang Diyus, kasalaꞌan nayan. Temed magpuyrat iyan ngayang siyangpit ku, may kapasinsiyaan naga.

1 Juan 5:21

Mga bilang anak ku, magꞌintur kamu in unuy pagpamayaꞌnen baw pagsirbiyan mi. Siguruun mi nga egay maski unu nga iganti mi it matuud ngaytu nga Ampuꞌang Diyus.

3 Juan 1:4

Ega nay pasubraꞌ it kasagyaan ku basta nabaritaꞌan ku nga uyun kat kamatuudan i pangaꞌgenan it mga bilang anak ku.