1 Juan 1:9 - Tagbanwa

⁹ Temed in pagꞌaminen tami duꞌun it Ampuꞌang Diyus i mga kasalaꞌan ta, masiguru ta nga ipasinsiya yat aten i mga itu ngaytu, baw limpiyuꞌun ya kita kat muꞌsang karaꞌe-raꞌetan ta, sabap purus kamatuudan i kanya baw talagang mataldeng.

1 Juan 1:9 Iomraidhean Croise

Nehemias 1:6

Kayti, magpasanguꞌ-sanguꞌ aku it imu nga pagnegan mu i ipagpanalangin ku ngaytu, aku nga manigsirbi mu. Delem-aldaw i panalangin ku kaytu asan it imu sabap it bangsa namen ngaytu nga Israel nga mga manigsirbi mu. Talagang pagꞌaminen ku nga nagkasalaꞌan kami asan it imu, sang kamiyan it mga kagiyaringanan namen, pati aku baw mga kagiyaringanan kut aken.

Exodo 34:7

Ipagpasigi kuy ildaw ku seked it maski rinibu na nga tungtung-inapuꞌ, baw magsisigi nga pagpasinsiyaen ku i mga karaꞌe-raꞌetan baw kasalaꞌan nga magkabwat nira. Temed iyan mga magkayli it kasalaꞌan, rigaen ku naga pati mga anak nira seked it ikaꞌpat nga tungtung-inapuꞌ.”

Mga Panganin-anin 3:23

Aldaw-aldaw ipagpaꞌabut ya situt aten i kaꞌildaw ya ngaytu. Adat mu ngaytu nga maꞌildaw, AMPUꞌANG DIYUS, talagang ega magꞌugad-ugad.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 3:6

Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Marcos 1:5

Mamagpuꞌsa-puꞌsa it paꞌaduꞌut kanya i mga taw duꞌun it mga lansangan nga sakep it Judea, pati mga taga Jerusalem. Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan, nga magpamatuud it indiꞌan na niray kasalaꞌan.

Lucas 22:57

Temed piyayluwan ni Pedro, nga magꞌaat, “Bilaꞌ, daꞌga! Ega bayan magkakilalaan ku kanya.”

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Mga Binwat 19:18

Garing duꞌun kayti, dakel i mga magpamayaꞌ nga subuk nasulag. Aypaꞌ ipiyalbaw nira baw sininguliꞌan i mga kasalaꞌan nira duꞌun it adapan it kadakel.

Roma 3:26

temed kayti, inukumanan ya na i kasalaꞌan ngaytu kat kamataynen ni Jesus. Aypaꞌ, kayti, magkatantuwan ta nga purus kataldengan i ipagpapanaw ya baw mapakay na nga ipagpabetang ya nga ega nay kasalaꞌan it kumpur magsarig baw magpamayaꞌ it ki Jesus.

1 Corinto 1:9

Talagang magkasiguru mi nga buwaten it Ampuꞌang Diyus i muꞌsa ngaytu, kanya nga nagpanakem it imyu nga pakilagpit it Anak ya nga si Jesu-Cristo nga Ampuꞌan tami.

1 Corinto 6:11

Iyan katꞌesa may atkayan naga yan asat imyu. Temed kayti, linimpiyuꞌ kamu na kat mga kasalaꞌan mi, baw ipiyasiguru kamu na duꞌun it Ampuꞌang Diyus nga mga taawan ya na. Ipagpabetang ya na kamu nga ega nay kakasalaꞌan kat panleteg ya. Muꞌsa ngaytu, kat keseg it binwat it Ampuꞌan nga si Jesu-Cristo baw guna it Espiritu Santo it Ampuꞌang Diyus nga ipiyapasarum ya situt bilug ta.

Efeso 5:26

Binwat yaytu isaꞌun mapakay nga tanggapen sirat Ampuꞌang Diyus sabap it nalimpiyuꞌ na sira kat panleteg ya duꞌun it pagbawtis nira baw kat pagneg baw pamayaꞌ nira it ampang ya.

1 Timoteo 1:15

Matuud talagay paꞌaaten nga dapat pamayaꞌnen it puꞌsa, nga si Cristo Jesus, naꞌasitu kanya nga matuud it sinirungat langit isaꞌun iribri ya i mga makasalaꞌan, nga talagang aku naytuy gimpuꞌun.

Tito 2:14

Nangganti kanyat aten isaꞌun iribri ya kita kat pagsakep it karaꞌe-raꞌetan, baw isaꞌun mabwat ya kita nga limpiyuꞌ na nga naꞌawaꞌ nay kasalaꞌan tami. Binwat yaytu isaꞌun mabwat ya kita nga kanya talaga nga mga taawan, nga maꞌireg nga banar muwat it mga buwat nga magagayen.

Hebreo 10:23

Kaꞌilangan nga papaꞌgenen tami i pagꞌinawar tami it mga magagayeng bagay nga isiyanggup it Ampuꞌang Diyus it aten, iyang mga bagay nga ipagpamatuud tami nga pirmi. Daꞌtami magduwa-duwa sabap egaytu maꞌakal i simnanggup ngaytu.

Hebreo 11:11

Sabap gasiꞌ it pamayaꞌ baw pagsarig nira it Ampuꞌang Diyus nanganak naga na Abraham, duwa ni Sara, maski gurang na sirang gurang baw si Sara, ega magpanganak nga babay. Ka yay kat pikir ni Abraham, purus kamatuudan i kat Ampuꞌang Diyus, nga ega mapakay nga ega tumanen ya i isiyanggup ngaytit kanya.

Hebreo 6:10

Ka talagang mataldeng i Ampuꞌang Diyus. Ega lipaten ya i mga binwatan mi baw pagmaꞌal mit kanya nga ipiyalteg mi, baw seked kayti ipagpalteg mi paꞌ, kat pagsirbi mit mga kasubung mi nga magpamayaꞌ it ki Jesus.

1 Juan 1:7

Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.

Mga Ipiyalteg 15:3

Pagkantaꞌen niray kantaꞌ ni Moises nga esang manigsirbi it Ampuꞌang Diyus it tagnaꞌ paꞌ, baw kantaꞌ it paꞌaaten ngayting Uꞌuybun It Tupa, nga magꞌaat, “Ampuꞌang Diyus nga landaw nga gunaan, mabantug baw kalililuꞌan i mga buwat mu. Ikaw nga Adiꞌ it muꞌsang bangsa, mataldeng baw kamatuudan i mga ipiyabetang-betang mu.