1 Juan 1:8 - Tagbanwa

⁸ Ta, in pagꞌaaten ta gasiꞌ nga kita, egay kakasalaꞌan, pagꞌambutan ta lamang i sadili ta, baw alaid it aten i kamatuudan.

1 Juan 1:8 Iomraidhean Croise

Isaias 53:6

Kitang muꞌsa, subuk mga tupa nga namagkateꞌag-teꞌag na nga nanganya-kanya nat piyanawan. Temed, iyan ukuman nga panriga nga pagꞌangutun it kasalaꞌan tami nga muꞌsa, ipiyalabay na it AMPUꞌANG DIYUS it kanya.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Roma 3:10

Sabap maꞌyag i tagnaꞌ nga ipiyasurat it Ampuꞌang Diyus nga magꞌaat, “Talagang egay taw nga mataldeng kat panleteg it Ampuꞌang Diyus. Maski esa, talagang ega.

Roma 3:23

Makasalaꞌan talagay muꞌsa baw alaid kat ega basta-bastang kataldengan it Ampuꞌang Diyus.

1 Corinto 3:18

Magayen, ega ambutan it maski siyu i sadili ya, ka in beteꞌ pagpikiren ya nga makaꞌrut kanya kayti kat pabetang it banwa ngaytu, magayen ibuntal ya na baw ipabetang i sadili ya nga subuk egay uru-urut kat pabetang it banwa, isaꞌun kumaꞌrut kanya kat kamatuudan nga kasepsep nga garing duꞌun it Ampuꞌang Diyus.

Galacia 6:3

Ka in beteꞌ pagpikiren it esang taw nga ega naga kaꞌilangan yang adaten i matiyabangen kanya it maꞌiba ya, pagꞌambutan ya lamang i sadili ya ka ipagpabetang ya i sadili ya nga mataꞌas, arit ega.

1 Timoteo 6:5

Mga taw ngaytu, pirmi na nga magpakidaꞌeg ka karaꞌe-raꞌetan nay nakapnuꞌ it pikir nira. Talagang naꞌlam nat kanira i kamatuudan. Pananu-tanud nira, pagsunud nirat Ampuꞌang Diyus, panulus nga ipagmanggad.

2 Timoteo 3:13

Ka iyan maraꞌe-raꞌet ngayan nga adat it taw nga maꞌakal, meget nayan it rumaꞌe-raꞌet, nga sumari na sira it paneꞌag-teꞌag it masigkataw nira, baw ta, unupat sira mismu, pagteꞌag-teꞌagen naga.

Santiago 1:22

Temed in yay seked ya, desang pagpagnegan mi i ampang ya, ka ega pagsunudun mi, pagꞌambutan mi na lamang i sadili mi. Kaꞌilangan talaga nga pagsunudun tami.

Santiago 1:26

Dedemdemen mi tu, nga maski yanay kat nakem it taw, matuud i pagsunud ya it Ampuꞌang Diyus, temed ega paꞌ magkapuꞌgunan ya i dilaꞌ ya, yay matuud, egay kapulusan it pagsunud ya ngaytu. Desang pagꞌambutan ya i sadili ya.

Santiago 3:2

Ka daꞌga, kita nga muꞌsa, pirmi naga nga magkamaliꞌ. Iyan lamang i talagang alaid na kat kasalaꞌan, taw nga ega magkamaliꞌ kat pangangampangan ya, ka kaya ya na nga masupil i sadili ya.

2 Pedro 2:13

Ka it ega magayen i siyari nirat buwat, iyan i tumbas it kanira, betanganan it ega naga magayen. Mga taw ngayti, isaꞌun lamang masumbayaꞌ niray maraꞌway ngaytu nga kaꞌirgan nira, kasasagyaan nirang pagbuwaten it maski aldawun i kasagyaan nira ngaytu nga maraꞌway. Talagang dakulaꞌ nga kaꞌeꞌyaꞌan baw sudi-sudi, ka mamagpanragiꞌ sirat pagkaraꞌnen mi nga uyut i pagbuwaten nga Apunan. Pagsagyaan nira talagay makapanluku it imyu.

1 Juan 1:10

In pagꞌaaten tami nga daꞌta magkasalaꞌan, subuk pagpakiꞌambutun tami i Ampuꞌang Diyus. In atkayan, ega paꞌ natantuwan tami i ampang ya.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

1 Juan 2:4

In may magꞌaat nga, “Kilala ku nayan kanya,” temed ega magsunud it mga urdin ya, ambut ya lamang. Talagang egay uru-urut yat kamatuudan.

1 Juan 4:20

In beteꞌ may magꞌaat nga, “Pagmaꞌalen ku nay Ampuꞌang Diyus,” temed in may sulsug ya paꞌ kat pamayaꞌ nga pagpakitabugan ya, ambut ya lamang i pagmaꞌal ya ngayan. Ka in ega pay raras yat kaꞌibaan ya nga lelete-letegan ya nat kaꞌlay, magꞌuꞌunu maꞌalen yay Ampuꞌang Diyus nga ega magkaltegan ya?

2 Juan 1:2

Pagmaꞌalen namen kamu sabap nakagamut na kat nakem tami i kamatuudan ngaytu, nga egaytu mablag situt aten seked it kaꞌnu-kaꞌnu.

3 Juan 1:3

Ka talagang masagyang-masagya aku pagꞌabut sinit pirang mga sulsug ta kat pamayaꞌ nga garing asan, sabap itiyuturan nirat aken nga pagteꞌteꞌan muy kamatuudan nga panulduꞌ, baw uyun nga pirmi kat kamatuudan ngaytu i pangaꞌgenan mu.