1 Juan 1:2 - Tagbanwa

² Eeꞌ baꞌ, kanya ngaytung puꞌun it kaꞌgenan, itiyanyag nat amen. Talagang naltegan namen kanya. Aypaꞌ ka ipagpamatuud namen na, baw ipagpangadal namen nat imyu i pasar it kanya ngaytu nga egen it egay kaskedan. Garing it tagnaꞌ paꞌ, duꞌun kanya nga lagi it adapan it Diyus Amaꞌ, baw kayti, itiyanyag na kanya situt amen.

1 Juan 1:2 Iomraidhean Croise

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 1:4

Kanya ngaytung pagpangaranan it Ampang, kanyang kaꞌgenan, ega basta-basta, nga yanay puꞌun it kaꞌgenan it muꞌsang taw. Baw kanya ngaytu i piyakatidaw isaꞌun maꞌyagan i mga taw.

Juan 10:28

Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 15:27

Baw kamu, kaꞌilangan nga ipamatuud mi gasiꞌ aku, sabap garing it pagpapuꞌun it buwat ku ngaytu nga magpangadal, kaꞌiba-iba ku na kamu.

Juan 16:28

Talagang garing aku duꞌut Amaꞌ bawnga limnampud aku nga naꞌasitut banwa ngaytu. Ta kayti, limꞌid aku na situt sinirungat langit ka muliꞌ aku na duꞌun it Amaꞌ.”

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 17:5

Aypaꞌ kayti, Amaꞌ, in asan aku sit imu, ibgay mu sit aken i kabantugan nga aken nang lagi, iyan asan aku paꞌ ngayat imu, parabir giyuna i banwa ngaytu.”

Juan 19:35

Iyan nakalteg kaytu i magpamatuud isaꞌun mamayaꞌ kamung banar. Matuud tuy ipagpamatuud ya ngaytu. Talagang magkaꞌrutan ya nga kamatuudan i ipagsugid ya ngaytu.

Juan 21:14

Ituy ikatlu nga pakikita ni Jesus it mga alagad ya, pagkaꞌgen ya ngaytit paꞌuliꞌ.

Juan 3:13

Egay magkaꞌrut in magꞌuꞌunu i duꞌut langit sabap egay nakaꞌbut duꞌun nga pakaꞌrut. Temed aku nga Taga Langit nga Ipiyanganak it Taw i magkaꞌrut ka, duꞌun i giyaringan ku.

Juan 7:29

Temed aku, kilala ku kanya, ka duꞌun i garing ku, baw kanya i nagtaꞌeg it aken it paꞌasitu.”

Juan 8:38

Ipagsugid ku i mga naltegan ku duꞌut Amaꞌ ku. Atkayan nagay imyu, pagbuwaten mi i in unu-unu nga nagnegan mi duꞌut amaꞌ mi.”

Mga Binwat 1:22

garing it pagpamawtis ni Juan seked it miyuliꞌ na si Jesus duꞌun it langit, ka idungag it kadakel namen nga manigpamatuud it pagꞌegen ni Jesus ngaytu it paꞌuliꞌ.”

Mga Binwat 10:41

Sabagay ega na muꞌsang taw i nakalteg it kanya. In daꞌga, kami na lamang nga, garing it tagnaꞌ, piniliꞌ it Ampuꞌang Diyus nga pamatuud it pagꞌegen ngaytu ni Jesus. Baw yay matuud, pagkaꞌgen ya, ega desang naltegan namen kanya, in daꞌga nagkaraꞌnen-karaꞌnen kami paꞌ.

Mga Binwat 2:32

Ta, paꞌaaten ya ngaytu, si Jesus nga inggen it Ampuꞌang Diyus it paꞌuliꞌ. Baw kami ngaytung muꞌsa i magpamatuud kaytu, ka pagkaꞌgen ya ngaytit paꞌuliꞌ, nakitaen namen naga kanya.

Mga Binwat 3:15

Baliswaꞌ talagay binwat mi ka, si Jesus ngayti, kanya i puꞌun it kaꞌgenan ta, temed kamataynen i itiyumbas mit kanya. Takaꞌ inggen kanyat Ampuꞌang Diyus it paꞌuliꞌ, baw magpamatuud kami kaytu, ka pagkaꞌgen ya ngaytit paꞌuliꞌ, nakitaan namen naga kanya.

Mga Binwat 5:32

Ta kami ngaytu, talagang magpamatuud kami nga kamatuudan i muꞌsa ngaytu. Baw magpamatuud naga i Espiritu Santo nga ipagpasarum it Ampuꞌang Diyus kat mga magsunud it kanya.”

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

2 Timoteo 1:10

Temed kayti mana ngaytu natanyag, iyan piyapaꞌasitu ya nat denaꞌ si Cristo Jesus nga Manriribri tami. Natanyag nga diyaꞌeg ya talagay kamataynen, baw ipiyatanyag ya kat Magayen ngaytung Baritaꞌ nga maꞌaten nay kaꞌgenan nga egay kaskedan.

Tito 1:2

Baw matantuwan nira nga sabap it pamayaꞌ baw pagpasakep nirat Magayen ngaytung Baritaꞌ, makanira talaga i kaꞌgenan nga egay kaskedan. Ka itu ngaytu, talagang isiyanggup naytu nga lagi it Ampuꞌang Diyus parabir giyuna yay banwa. Baw basta Ampuꞌang Diyus, talagang ega kanya magꞌambut.

1 Pedro 5:1

Ta kayti, kamu nga mga magpamaalaꞌ it mga magpamayaꞌ asan it imyung rugar, may ireg ku nga sugiden it imyu. Ka aku, esa gasing manigpamaalaꞌ, baw manigpamatuud sabap it mga kakuriꞌan nga nalabayan ni Cristo nga nagpasar kat mata ku. Esa aku nagang may kaꞌuyutan it kagayenan ya nga ipatanyag ya kat pagdadarapaꞌen.

1 Juan 1:1

Pagsuratan ku kamu pasar it ki Jesu-Cristo, kanya nga pagpangaranat Ampang nga magbegay it kaꞌgenan nga egay kaskedan. May kanya naytung lagi it tagnaꞌ paꞌ, iyan ega pay banwa. Baw kami nga mga alagad ya, talagang nagnegan namen i mga ampang ya, baw talagang naltegan namen kanya. Naꞌeket-eket namen baw naꞌipuꞌ it alima namen.

1 Juan 2:25

Baw ituy isiyanggup it aten it Ampuꞌang Diyus, kaꞌgenan nga egay kaskedan.

1 Juan 3:5

Magkaꞌrutan mi nga piyalampud na pasiꞌ si Jesu-Cristo situt banwa isaꞌun matanggung ya nay mga kasalaꞌan ta. Baw kanya, talagang egay kakasalaꞌan.

1 Juan 3:8

Temed iyan nga magbuwat pat kasalaꞌan, ki Satanas payan, sabap garing paꞌ it tagnaꞌ magsisigi nang magkasalaꞌan si Satanas ngaytu. Aypaꞌ ka piyalampud situt aten i Anak it Ampuꞌang Diyus, isaꞌun ranggaꞌen yay buwat ni Satanas ngaytu.

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.

1 Juan 4:2

Magꞌaꞌatkaytu yan i ikaꞌrut mi in talagang Espiritu Santo nga piyapasarum it Ampuꞌang Diyus i magpanakem it esang taw. Iyan nga magpamatuud nga si Jesu-Cristo, nagbalyu talaga nga taw nga banar baw limnampud situt banwa, siguradung Espiritu Santo it Ampuꞌang Diyus i magpanakem it kanya.

1 Juan 5:11

Ka ituytu i pamatuud ya ngaytu. Kaꞌgenan nga egay kaskedan i begay it Ampuꞌang Diyus it aten, baw maꞌaten tu sabap duꞌun it pamayaꞌ baw pagsarig tat Anak ya ngaytu.

1 Juan 5:13

Itung mga bagay, ipagsurat kuytu asat imyu nga mga magpamayaꞌ baw magsarig it Anak it Ampuꞌang Diyus, isaꞌun masiguru mi nga kamu, may kaꞌgenan na nga egay kaskedan.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.