MATTHEW 8:2 - Hakcipta - Biatah Bidayuh

² Komŭnŭ ndi naan daya adi naman andam kurit adi bisā mandŭg tudu Ayŭh, sidikang di sirung jawin-I, ka nang, “Tuan, kambŭi Kaam raan, Kaam dapŭd bada aku bisig.”

MATTHEW 8:2 Iomraidhean Croise

2 SAMUEL 3:39

Sunggu aku raja adi dog mien Tapa, aku kinyam adŭp ku ramah andu ati. Di aku, anak anak Zeruiah anŭ mbŭh raru ganas. Isa-i TUHAN ngukum bara adi ginaka anŭ nanyam ka pingandai ngara.”

2 RAJA 15:5

TUHAN kudog Uzziah ngga andam kurit adi bisā sitŭkŭd umbur-i. Ayŭh rŭŭ di ramin sadi adŭp-i, dŭh tia ndai kraja, sitadŭn anak-i Jotham mritah rais.

2 RAJA 5:1

Naaman, adi pingibās bara soldadu Syria, adi ruai dog stabi ka ruai timagah di batŭh raja Syria, sabab so Naaman TUHAN mbŭh nggen pimanang di bara soldadu Syria. Ayŭh anŭ soldadu adi pagan, pak ayŭh naman andam kurit adi bisā.

2 RAJA 5:27

Ka madin andam Naaman re dog kuu, ka kuu ngga sesang mu re dog andam anŭ adu adu!” Kan Gehazi bu so nŭ, ayŭh mbŭh dog andam anŭ — kurit-i mbŭh buda mun salju.

PINYIKIANG 12:10

ka buang abun bu so Bari TUHAN, kurit Miriam mbŭh rasu puno ngga andam kurit adi bisā buang marui jadi buda mun salju. Kan Aaron kimat ayŭh ka kiris ayŭh puno ngga andam kurit anŭ,

MATTHEW 10:8

Pibua daya adi birandam, pakat daya adi kabŭs, pibua daya adi naman andam kurit adi bisā, ka pibu umot. Angān mbŭh kambat kuasa ati dŭh so angān bayar, jadi ndai meh sopŭrŭg-i dŭh kira bayar.

MATTHEW 13:58

Sabab ngara dŭh sabah di Ayŭh, Jesus dŭh ndai pingandai-nginga diginŭ.

MATTHEW 14:33

Jadi di arud bara murid nyambah Jesus. “Sawŭ inŭh Kaam Anak Tapa!” ngara nang.

MATTHEW 15:25

Dingah sakanŭ, dayung anŭ nyindŭk Jesus ka sidikang di kaja-I. “Turung aku, Tuan!” ayŭh nang.

MATTHEW 18:26

Daya-gaji anŭ sidikang di sirung jawin raja. ‘Sabar ngga aku,’ ayŭh mite, ‘ka aku re bayar sopŭrŭg-i!’

MATTHEW 2:11

Ngara mŭrŭt ramin anŭ, ka kan ngara kiris Anak anŭ ngga sindŭ-I Mary, ngara sidikang ka nyambah Ayŭh. Ngara kisak pinganggen ka jugan mas, kimanyan, ngga myrrh ka Ayŭh.

MATTHEW 20:20

Komŭnŭ sawŭn Zebedee mandŭg tudu Jesus ngga duwŭh madis anak-i, mutu ubak-i nura Jesus, ka mite kayuh so Ayŭh.

MATTHEW 26:6

Jesus mbŭh di Bethany di ramin Simon, daya adi ko naman andam kurit adi bisā.

MATTHEW 28:17

Kan ngara kiris Ayŭh, ngara nyambah Ayŭh, sunggu agi kada so ngara babŭ kurang sabah.

MATTHEW 28:9

Gŭgŭh Jesus bidapŭd ngga ngara ka nang, “Damai ka angān.” Ngara tudu Ayŭh, tama kaja-I, ka nyambah Ayŭh.

MATTHEW 4:9

“Sopŭrŭg ati aku an nggen di Kaam,” Siarap nang, “kambŭi Kaam sidikang ka nyambah aku.”

MATTHEW 8:1

Kan Jesus mūn so sandah anŭ, bara daya bagŭ tunda Ayŭh.

MATTHEW 8:25

Murid murid-I tudu Ayŭh ka kies Ayŭh. “Tuhan, nyiramat ata!” ngara nang. “Ata re rŭnggŭd!”

MATTHEW 9:18

Darŭm Jesus nang kayuh anŭ, ndi naan pingubak ramin simayang-Jahudi tudu Ayŭh, sidikang di sirung jawin-I, ka nang, “Anak dayung ku bauh kabŭs; pak ja na tangan Mai di tunduh-i, isa ayŭh udip.”

LUKE 4:27

Ka agi gŭh bara daya adi naman andam kurit adi bisā rŭŭ di Israel di jaman nabi Elisha; pak ndi so ngara mating gŭh dog pibua, adŭ-i Naaman adi daya Syria.”

JOHN 9:38

“Aku sabah Tuhan!” daya anŭ nang ka-i sidikang nyambah Jesus.

PINGANDAI 10:14

Pak Peter nang, “Dŭh Tuhan! Bŭn aku man kayuh adi sŭn adat nang kais puan kah sembar.”

PINGANDAI 10:25

Kan Peter mbŭh re mŭrŭt, Cornelius tudu ayŭh ka sidikang di kaja-i ka nyambah ayŭh.

1 CORINTH 14:25

Pikir-kira ngara adi bisukan re tatŭng, ka ngara re sidikang ka nyambah Tapa buang ngaku, “Sawŭ Tapa agi digiti ngga angān!”

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.