MATTHEW 6:2 - Hakcipta - Biatah Bidayuh

² “Jadi kan angān nggen kayuh di daya adi sutok, dŭhnyah ndai-i ngga atin mirawa, nimun bara pingadong ndai urah-i di ramin simayang ka di aran passar. Ngara ndai simŭnŭ isa daya muji ngara. Puan meh, ngara mbŭh dog bayar ngga sipuno-i.

MATTHEW 6:2 Iomraidhean Croise

MAZMUR 112:9

Ayŭh nggen ngga siabo asŭng di daya adi sirata, ka atin mandis-i dŭh re arah; ayŭh re puno ngga kuasa buang dog stabi.

MAZMUR 37:21

Adi ginaka nginjam ka bŭn gati, pak daya kana nggen ngga atin mandis-i.

PITAS 19:17

Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

PITAS 20:6

Barang naan daya minyu pasar munki masam tŭtŭd adŭp-i, pak suba jiroh asi adi sawŭ tŭtŭd!

EKLISIASTIS 11:2

Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

ISAIAH 10:6

Aku pait Assyria bada nyerang bangsa adi mbŭh taran pinyabah, ka adi mbŭh bada Aku baji. Aku pait ngara bada sirapas ka naku kayuh ngara ka bidigang di tunduh ngara mun digang tana di aran.”

ISAIAH 58:7

Samah pinguman ngan ngga daya adi sibŭrŭk ka kambat daya sirata adi dŭh biyŭn ramin arŭn ka darŭm ramin ngan. Nggen piraka di ngara adi dŭh biyŭn piraka, ka dŭhnyah abah turung madis adŭp ngan.

ISAIAH 9:17

Ngapŭi TUHAN dŭh re bada tadŭ tadŭ so daya adi mara rupas, ka Ayŭh dŭh re masi di tadŭ tadŭ dayung uban ngga anak tumang, sabab sopŭrŭg daya inŭh daya adi dŭh stabi di Tapa buang ginaka, ka barang masam kayuh adi ngara nang inŭh arap. Pak sunggu mŭnŭ, baji TUHAN dŭh re ko, ka babŭ pakat tangan-I re ngukum.

HOSEA 8:1

TUHAN nang, “Mambak trompet ngga nguga bara daya! Pinganyu mbŭh aŭn nyerang tarun tana Ku mun beuh mūn nyambar nakap dangah-i! Daya Ku mbŭh miranggar simanya adi Aku mbŭh ndai ngga ngara, ka mbŭh rawan ajar Ku.

MATTHEW 15:7

Angān pingadong! Mbŭh raru batur-i Isaiah kan ayŭh minyu-binabi pasar angān!

MATTHEW 16:3

Ka awar isan isan angān nang, ‘Re ujen andu, amai rangit agi bireh buang kruman.’ Angān pandai ninjau re ujen kah dŭh andu kan angān tingga rangit, pak angān dŭh pandai jiroh rati kayuh adi aŭn jadi di tika ati!]

MATTHEW 22:18

Jesus, taŭn-I puan akar arap ngara, ka-I nang, “Angān pingadong! Mani angān suba an kudog Aku?

MATTHEW 23:5

Ngara ndai bagŭ masam kayuh isa daya kiris. Tingga nŭh anak kutak adi brisi ngga ayat ayat pinganang Surat-kudus adi ngara na di arŭ ka di tangan ngara, ka tingga munki masam ramba-i! Ka ngatin gŭh munki masam ambu-i taris taris-abuh di jipo ngara!

MATTHEW 23:6

Ngara suka tarun yŭn adi rabis kana di tika gawai samŭn baku baku adi tura ka jawin di ramin simayang-Jahudi;

MATTHEW 24:51

Tuan anŭ re nŭtŭb ayŭh ka bada ayŭh kinyam nasip daya pingadong. Diginŭ ayŭh re sien buang sangsara.

MATTHEW 5:18

Ingat nŭh, siragi rangit ngga ong babŭ agi, ndi titik puan kah ndi batŭh turis adi siabo siit di Ukum-adat dŭh re dog taran sibayuh pimungan sopŭrŭg kayuh.

MATTHEW 6:16

“Kan angān bipusa, dŭhnyah kiren raŭn ngan susah mun ngara adi pingadong. Ngara ndai adŭp-i mun adi sangsara isa daya puan ngara bipusa. Puan meh, ngara mbŭh dog bayar ngga sipuno-i.

MATTHEW 6:3

Pak kan angān turung daya adi sutok, ndai-i darŭm bisukan ndŭg ka adŭp jerā ngan dŭh gŭh puan.

MATTHEW 6:5

“Kan angān simayang, dŭhnyah mun daya adi pingadong! Ngara suka mijog simayang di ramin simayang ka di sikuh tarun di aran passar, isa daya kiris ngara. Puan meh, ngara mbŭh dog bayar ngga sipuno-i.

MATTHEW 7:5

Angān pingadong! Diŭ nŭŭh kadi apŭg kayuh so batŭh adŭp ngan, ka komŭnŭ ka angān tungang granan kiris ka kadi taŭn so batŭh dingan ngan.

MARK 12:39

adi mien baku baku adi tura ka jawin di ramin simayang-Jahudi ka yŭn adi rabis kana di tika gawai.

MARK 7:6

Jesus nam ngara, “Batur pinganang nabi Isaiah kan ayŭh minyu-binabi pasar angān! Nimun adi nuris-i, angān pingadong: ‘Daya ati, Tapa nang, stabi di Aku ngga baba-i, pak atin ngara mbŭh sawŭ jo so Aku.

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

LUKE 11:43

“Mbŭh payah inŭh angān daya Pharisee! Angān suka baku adi tura ka jawin di ramin simayang-Jahudi ka suka dog tabi di arong passar.

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

LUKE 12:56

Angān pingadong! Angān pandai tingga tana ngga rangit ka ninjau re ujen kah dŭh andu; mani meh angān dŭh puan rati kayuh adi aŭn jadi madin?

LUKE 13:15

Tuhan nam ayŭh, “Kuu pingadong! Di andu Sabbath, adŭp ngan siraru piruah sapi puan kah kaldi so buwang ka taban-i da di nok piin.

LUKE 20:46

“Jaga meh adŭp ngan so gurū Ukum-adat Jahudi. Ngara suka panu nēn piraka ambu, ka rindu kambat tabi so daya di arong passar. Ngara mien baku adi tura ka jawin di ramin simayang-Jahudi ka tarun yŭn adi rabis kana di tika gawai.

LUKE 6:24

“Pak payah inŭh angān adi kaya madin, amai angān mbŭh udip gaŭn madin!

LUKE 6:42

Simuki meh angān re bisa nang di dingan ngan, ‘Bah, bada aku kadi taŭn so batŭh mu,’ pak dŭh rada apŭg kayuh di batŭh adŭp ngan? Angān pingadong! Diŭ kadi apŭg kayuh so batŭh adŭp ngan, komŭnŭ angān bisa granan kiris ka kadi taŭn adi di batŭh dingan ngan.

JOHN 13:29

Amai Judas mbŭh daya tukang digŭng duit, kada murid pikir Jesus bada ayŭh di miris kayuh yŭn andu gawai, puan kah di nggen kayuh di daya sirata.

JOHN 5:41

“Dŭh Aku jiroh puji so manusia.

JOHN 5:44

Angān suka kambat puji so dingan ngan, pak angān bŭn suba jiroh puji so sianŭ adi sadi-I Tapa; simuki meh garang angān re tungang sabah Aku?

JOHN 7:18

Daya adi minyu ngga kuasa adŭp-i taŭn suba an kibās adŭp-i; pak Ayŭh adi an kibās sianŭ adi bada Ayŭh mandŭg taŭn-I tŭnggŭn, ka mating kayuh kadong pasar Ayŭh.

PINGANDAI 10:2

Ayŭh daya adi biyŭn atin taru di Tapa; ayŭh ngga sopŭrŭg manak-i nyambah Tapa. Ka mbŭh bagŭ gŭh kayuh adi ko-i ndai ngga turung daya sirata, buang siraru bidua ka Tapa.

PINGANDAI 10:31

ka nang: ‘Cornelius! Tapa mbŭh dingah dua mu ka mbŭh kiris pingandai kana mu.

PINGANDAI 10:4

Ayŭh nakit tingga malaikat anŭ buang taru; ayŭh nang, “Ani, tuan?” Malaikat anŭ nam, “Tapa mbŭh munos asŭng-I di dua ngga di pingandai kana mu, ka mbŭh ingat kuu.

PINGANDAI 11:29

Bara murid natu nang niap naan ngara re pait nanyam tungang-i pinurung ka bara dingan adi sabah adi rŭŭ di Judea.

PINGANDAI 24:17

“Ripas ko bu so Jerusalem kudu kudu sawa, aku pari kamanŭ taban sidakah ka bara daya adŭp ku buang di jugan sadis ka Tapa.

PINGANDAI 9:36

Di Joppa agi ndi naan dayung dŭn Tabitha, adi sabah di Jesus. (Dŭn-i darŭm piminyu Greek inŭh Dorcas, rati “Peyu.”) Ayŭh taŭn dŭh masah ndai pingandai kana buang turung daya sirata.

ROME 12:8

Kambŭi-i ngatat daya, ata patut ngatat daya. Asi asi adi samah kayuh-i ngga daya bŭkŭn patut samah-i ngga siabo asŭng-i; asi asi adi jadi pinguru isa-i ayŭh bandar nyiraja; asi asi adi mandis ngga daya patut ndai simŭnŭ ngga atin gaŭn.

1 CORINTH 13:3

Aku nggen bait kani sopŭrŭg kayuh adi aku biyŭn, ndŭg ka nggen pŭrŭng ku yŭn dog badang ani, pak kambŭi aku dŭh biyŭn pinyirindu, kayuh anŭ mating pinyikana-i di aku.

GALATIA 2:10

Kaŭs ngara mite kieh ingat sinadan daya adi sirata so tibaran ngara, adi taŭn-i kayuh adi aku mbŭh gruwŭn an ndai.

EPHESUS 4:28

Daya adi pinaku, dŭhnyah-i tia naku pak nyiraja ngga nyiran adŭp-i pakai aran adi batur, siŭn-i dapŭd nggen di daya adi sirata.

1 THESSALONICA 2:6

Kieh dŭh suba an jiroh puji so asi asi, bait so angān, puan kah so daya bŭkŭn.

1 TIMOTHY 6:18

Ngajar ngara da ndai kayuh kana, da jadi kaya darŭm kraja kana, da dŭh bidagis buang sidia an samah kayuh ngga daya bŭkŭn.

PHILEMON 1:7

Pinyirindu mu, dingan ku, mbŭh bada aku gaŭn buang ngatat aku! Kuu mbŭh nyanang asŭng sopŭrŭg daya adi Tapa mbŭh mien.

HEBREW 13:16

Dŭhnyah kambŭt ndai pingandai kana ka turung dingan ngan, sabab anŭ inŭh sadis adi pimunos asŭng Tapa.

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

1 SAMUEL 15:30

“Aku mbŭh bidosa,” Saul nam. “Pak piji ka kiren stabi di aku di sirung jawin bara pinguru daya ku ka di sirung jawin sopŭrŭg Israel. Pari ngga aku isa aku dapŭd nyambah TUHAN adi Tapa mai.”