MATTHEW 5:5 - Hakcipta - Biatah Bidayuh

⁵ Sanang inŭh ngara adi pirapat adŭp-i; ngara re kambat kayuh adi Tapa ko bijanji an nggen!

MATTHEW 5:5 Iomraidhean Croise

MAZMUR 147:6

Ayŭh pakat ngara adi pirapat adŭp-i, pak bada asur di tana daya ginaka.

MAZMUR 149:4

TUHAN munos asŭng-I di daya-I; Ayŭh nggen pimanang di ngara adi pirapat adŭp-i.

MAZMUR 22:26

Daya sirata re man sikiang kiang ngara raan; ngara adi mandŭg ka TUHAN re muji Ayŭh. Isa-i ngara mujur adu adu!

MAZMUR 25:13

Ngara re ari mujur, ka bara anak ngara re dapu tarun tana anŭ.

MAZMUR 25:9

Ayŭh nguru daya adi pirapat adŭp-i di aran adi batur ka ngajar ngara pinyiraan-I.

MAZMUR 37:11

adi pirapat adŭp-i re dapu tarun tana ati ka kinyam udip mujur ngga damai.

MAZMUR 37:22

Ngara adi dog nyiberkat TUHAN re dapu tarun tana ati, pak ngara adi dog mangu-I re dog pibu.

MAZMUR 37:29

Daya adi tŭnggŭn re dapu tarun tana ati ka adu adu rŭŭ dieh.

MAZMUR 37:34

Na pingarap ngan di TUHAN ka tunda pinyipesan-I; Ayŭh re nggen di angān tarun tana ati ngga-I stabi di angān, ka angān re kiris daya adi ginaka dog pibu.

MAZMUR 37:9

Ngara adi sabah di TUHAN re dapu tarun tana ati, pak adi ginaka re dog pibu.

MAZMUR 69:32

Kan daya adi dog kinanyuh kiris ati, ngara re gaŭn; ngara adi nyambah Tapa re dog ngatat.

ISAIAH 11:4

Ayŭh re tingga arap kana daya sirata ngga pinyitŭnggŭn ka ngibān hak ngara adi dŭh bigaya. Ngga pinyipesan-I daya re dog ukum, ka daya arap re kabŭs.

ISAIAH 29:19

Daya sirata ngga daya adi dog pimangŭh re pari dapŭd udip sanang so TUHAN, Tapa kudus Israel.

ISAIAH 60:21

Sopŭrŭg daya mu re ndai kayuh adi batur, ka re dapu tarun tana ati ndŭg situi tui. Aku purun ngara, Aku ndai ngara, ngga pinandŭng bās Ku di sopŭrŭg.

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

PINYIKIANG 12:3

(Moses inŭh daya adi pirapat adŭp-i. Ayŭh pirapat adŭp-i rabis so daya bŭkŭn adi di ong.)

MATTHEW 11:29

Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān.

MATTHEW 21:5

“Kidaan di Kupo Zion, Tingga, Raja mu mandŭg ka kuu! Ayŭh pirapat adŭp-I ka nunggang kaldi ngga anak kaldi.”

ROME 4:13

Di andu Tapa bijanji ngga Abraham ka ngga bara sesang-i nang ong re dog dapu-i, ayŭh sawŭ dapu, dŭh sabab Abraham sita Ukum-adat, pak sabab ayŭh sabah buang mbŭh Tapa ngitong tŭnggŭn.

GALATIA 5:23

atin tŭkŭn, ka pandai jaga adŭp so pinyiripong adi sarah. Mating ukum-adat adi re bisa rawan sopŭrŭg anŭ.

EPHESUS 4:2

Angān an siraru pirapat adŭp ngan, duduh ngga daya, ka sabar ngga daya. Turung dingan ngan ngga pinyirindu.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

2 TIMOTHY 2:25

kuu an duduh darŭm kuu ngika ka ngajar daya adi matah kuu; amai sawŭ, nŭŭh dŭh puan kadŭ Tapa re nggen di ngara aran ngga marik pimudip ngara pari ka adŭp-I ka natŭng ajar adi sawŭ.

TITUS 3:2

Kidaan di ngara da dŭh kinarap ngamun tadŭ daya, pak udip darŭm damai buang pinyijerā, ka siraru duduh ngga sopŭrŭg daya.

JAMES 1:21

Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

JAMES 3:13

Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.

1 PETER 3:15

Pak stabi di Kristus darŭm atin ngan, ka kibās Ayŭh nimun Tuhan. Ari sidia nggen pinyinam di tadŭ daya adi mite angān kidaan rati pingarap adi angān biyŭn.

1 PETER 3:4

Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.