MATTHEW 5:4 - Hakcipta - Biatah Bidayuh

⁴ Sanang inŭh ngara adi ngurid; Tapa re nyaduh ngara!

MATTHEW 5:4 Iomraidhean Croise

ISAIAH 12:1

Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

ISAIAH 25:8

TUHAN Raja re siŭ pinyikabŭs ndŭg situi tui! Ayŭh re ngutos randang batŭh so batŭh barang naan daya, ka kadi mangŭh adi daya-I kinyam di ndi ong ong. Adŭp TUHAN mbŭh minyu!

ISAIAH 30:19

Angān adi rŭŭ di Jerusalem re dŭh tia muās. TUHAN taŭn-I masi, ka kan angān mite turung so Ayŭh, Ayŭh re nam angān.

ISAIAH 35:10

Ngara re ndŭg Jerusalem ngga sanang asŭng, biragu buang nyirais amai gaŭn. Ngara re sanang ndŭg situi tui, adu adu dŭh susah ka jera.

ISAIAH 57:18

“Aku mbŭh kiris urah ngara, pak Aku re pibua ngara. Aku re nguru ngara ka turung ngara, ka Aku re nyaduh ngara adi muās.

ISAIAH 66:10

Gaŭn ngga Jerusalem, angān adi rindu kupo anŭ! Gaŭn ngga ayŭh madin, sopŭrŭg ngan adi ko muās ayŭh!

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

EZEKIEL 7:16

Kada re bikaduh bu ka darŭd mun manuk asang mikabur bu so rubān. Sopŭrŭg ngara re muās amai dosa ngara.

EZEKIEL 9:4

“Panu ka barang yŭn darŭm kupo Jerusalem ka na tandā di arŭ barang naan daya adi susah ka adi bipito sabab sopŭrŭg kayuh sipŭ adi dog ndai darŭm kupo.”

ZECHARIAH 12:10

“Aku re nggen di sesang sesang David ngga di daya Jerusalem atin adi masi ngga atin adi gagā bidua. Ngara re tingga sianŭ adi ngara mbŭh tabŭk ndŭg ka kabŭs, ka ngara re ngurid-i mun ngurid anak tambŭ adŭp ngara. Ngara re bandar bandar ngurid, mun daya ngurid anak pinuai dari.

LUKE 16:25

“Pak Abraham nang, ‘Ingat nak, kuu darŭm pimudip ong mu mbŭh dog nggen sopŭrŭg kayuh kana, ka Lazarus kayuh arap. Pak madin ayŭh dog nyaduh digiti, ka kuu mbŭh sangsara.

LUKE 6:21

Sanang inŭh angān adi sikirau madin, amai angān re bisoh! Sanang inŭh angān adi muās madin, amai angān re tawŭh!

LUKE 6:25

Payah inŭh angān adi bisoh madin, amai angān re sibŭrŭk! Payah inŭh angān adi tawŭh madin, amai angān re ngurid ka muās!

LUKE 7:38

ka mijog di punok Jesus, tura ka kaja-I, sien buang misa kaja-I ngga randang batŭh-i. Komŭnŭ ayŭh nyibadŭh kaja-I ngga ubok-i, sium-i, ka susen wangi anŭ dieh.

LUKE 7:50

Pak Jesus nang di dayung anŭ, “Amai kuu sabah di Aku, kuu mbŭh dog nyiramat. Panu meh darŭm damai.”

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

PINANDŬNG 21:4

Ayŭh re ngutos randang batŭh ngara. Re mating tia pinyikabŭs, re mating tia pinyusah, sien bait sangsara. Kayuh adi amba mbŭh miyap.”