MATTHEW 5:3 - Hakcipta - Biatah Bidayuh

³ “Sanang inŭh ngara adi puan adŭp-i biguna di Tapa; ngara inŭh adi kinyam Pinyipritah Tapa!

MATTHEW 5:3 Iomraidhean Croise

2 KRONIKEL 33:12

Darŭm sangsara ayŭh pirapat adŭp-i, pari ka TUHAN adi Tapa-i, ka bandar mite turung so Ayŭh.

2 KRONIKEL 33:19

Dua raja samŭn pinyinam-i so Tapa, ka dundan pasar dosa adi ayŭh mbŭh ndai sibayuh ayŭh marik pimudip-i pari ka Tapa — arap adi-i ndai, tarun tarun yŭn bisambah adat karŭm ngga tandā tandā pinatŭng tapa Asherah adi-i ndai ngga tibudo adi-i nyambah — mbŭh dog nuris sopŭrŭg-i darŭm Surat Dundan bara Nabi.

2 KRONIKEL 33:23

Pak dŭh mun sama-i, ayŭh dŭh pirapat adŭp-i ka TUHAN; ayŭh mbŭh rabis bidosa so sama-i.

2 KRONIKEL 34:27

ka kuu mbŭh marik pimudip mu pari ka Aku ka pirapat adŭp mu di sirung jawin Ku, nyiratak piraka mu ka sien, ka kuu dingah Aku re ngukum Jerusalem ngga daya-i. Aku mbŭh dingah dua mu,

2 KRONIKEL 7:14

kambŭi ngara bidua ka Aku ka marik pimudip ngara pari ka Aku ka dŭh tia ndai arap, Aku re dingah ngara so shorga, apun dosa ngara, ka bada tana ngara pari damŭn.

JOB 42:6

Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

MAZMUR 1:1

Sanang inŭh ngara adi turak pinyitayan daya arap, adi dŭh tunda urah-rakah daya bidosa puan kah sua tunda ngara adi napat Tapa.

MAZMUR 112:1

Muji meh TUHAN! Sanang inŭh daya adi stabi di TUHAN, adi gaŭn tunda pinganang-I.

MAZMUR 128:1

Sanang inŭh ngara adi dingah pinganang TUHAN, ngara adi udip ngga pinyipesan-I.

MAZMUR 146:5

Sanang inŭh ngara adi biyŭn Tapa Jacob nyiramat ngara ka adi bisangan di TUHAN adi Tapa ngara,

MAZMUR 2:12

kimŭtŭr ka mutu ubak ngan ka Ayŭh; kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.

MAZMUR 34:18

TUHAN sindŭk ngara adi dog pijimŭ; Ayŭh nyiramat ngara adi manyap pingarap.

MAZMUR 41:1

Sanang inŭh ngara adi mbit bat daya sirata; TUHAN re turung ngara kan ngara dog susah.

MAZMUR 51:17

Sadis ku inŭh atin rapat ku, O Tapa; Kaam dŭh re tirawan atin rapat ngga atin ku adi raan marik pimudip ku pari ka Kaam.

MAZMUR 84:12

TUHAN adi Bisa-pŭrŭg, sanang inŭh ngara adi sabah di Kaam!

PITAS 16:19

Kana dŭ pirapat adŭp buang udip sirata so nŭŭh jadi ndi so daya adi sambuh ka sua dapu kayuh sirapas ngara.

PITAS 29:23

Atin sambuh re pirabu kuu, pak kambŭi kuu pirapat adŭp mu, kuu re dog stabi.

PITAS 8:32

“Madin, angān adi mara, dingah aku. Tunda pinyitayan ku, ka angān re sanang.

ISAIAH 30:18

Pak TUHAN taŭn-i kajŭn tika-I masi di angān. Ayŭh mbŭh sidia an masi di angān sabab Ayŭh taŭn ari ndai kayuh adi batur. Sanang inŭh ngara adi na pinyabah ngara di TUHAN.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

MATTHEW 11:6

Munki masam sanang inŭh ngara adi dŭh kurang sabah di Aku!”

MATTHEW 13:16

“Mun angān, mbŭh raru binasip! Batŭh ngan kiris ka kajit ngan dingah.

MATTHEW 19:14

Jesus nang, “Bada bara anak-sŭ anŭ mandŭg ka Aku ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.”

MATTHEW 24:46

Ruai nang bituah-i daya-gaji anŭ kan tuan-i dapŭd ayŭh ndai simŭnŭ di jam-i mari!

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

MATTHEW 3:2

“Dŭh tia bidosa pak marik pimudip ngan pari ka Tapa,” ayŭh nang, “sabab dŭm dŭh tui Tapa re mritah!”

MATTHEW 8:11

Puan meh! bagŭ re mandŭg so timor ngga barat ka guru ngga Abraham, Isaac, ka Jacob darŭm gawai darŭm Ong Bauh Tapa.

MARK 10:14

Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

LUKE 11:28

Pak Jesus nam, “Rabis bituah inŭh ngara adi dingah pinganang Tapa ka tunda-i!”

LUKE 18:14

Aku kidaan di angān,” Jesus nang, “daya pinsuke anŭ, dŭh-i daya Pharisee anŭ, adi dog trima Tapa kan-i maad ka ramin-i. Amai daya adi katuh adŭp-i re dog pirapat, ka daya adi pirapat adŭp-i re dog katuh.”

LUKE 22:29

ka nimun Sama Ku mbŭh nggen di Aku hak ngga mritah, simŭnŭ gŭh Aku re nggen-i di angān.

LUKE 22:30

Angān re man nok ngga Aku ka mritah samah ngga Aku kan Aku mbŭh jadi raja. Angān re guru di takta mritah simŭng-duwŭh tibaran-asar Israel.

LUKE 4:18

“Roh Tuhan agi ngga Aku, sabab Ayŭh mbŭh mien Aku da taban agah kana ka daya sirata. Ayŭh mbŭh pait Aku da piagah pinyirupas di daya-takap, pinyibua di daya adi karak, ka pinyirupas di daya adi dog kinanyuh,

JOHN 20:29

Jesus nang di ayŭh, “Kuu sabah sabab kuu kiris Aku kah? Sanang inŭh ngara adi sabah pŭn-i dŭh kiris Aku!”

DITRONOMI 8:2

Ingat simuki TUHAN adi Tapa ngan mbŭh nguru angān di pimanu adi raru jo mutas tarun tana-pajam pat puru sawa; bada angān jera ngga-I suba angān, yŭn-I an puan kayuh adi re ngan ndai, ka re ngan tunda kah dŭh pinyipesan-I.

JAMES 1:10

ka daya Kristen adi kaya dŭh siŭn dŭh an gaŭn kan Tapa pirapat ngara. Amai daya kaya re manyap mun rarak bunga tarun.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

PINANDŬNG 19:9

Komŭnŭ malaikat anŭ nang di aku, “Nuris ati: Sanang inŭh daya adi mbŭh dog bagan ka gawai sawan Anak Biri.” Ka malaikat anŭ nang, “Ati inŭh sawŭ pinganang Tapa.”

PINANDŬNG 22:14

Sanang inŭh ngara adi ngu piraka ambu ngara da bisig ka biyŭn hak man buwa so tŭngŭn kayuh adi nggen udip, ka mŭrŭt so tiban di ka darŭm kupo.

PINANDŬNG 3:17

Kuu nang, ‘Aku ati kaya ka mbŭh udip sanang; aku biyŭn sopŭrŭg kayuh adi aku biguna.’ Pak kuu dŭh puan munki masam payah ka susah-i kuu! Kuu sirata, sitagor, ka karak.