MATTHEW 3:6 - Hakcipta - Biatah Bidayuh

⁶ Ngara ngaku dosa ngara, ka ayŭh baptisa ngara di Yang Jordan.

MATTHEW 3:6 Iomraidhean Croise

EZRA 10:1

Sitadŭn Ezra mutu ubak-i bidua di jawin Ramin TUHAN, sien ka ngaku sopŭrŭg dosa anŭ, ndi tibaran daya Israel — dari, dayung, ngga anak-anya — mandŭg ka tikuruk maning ayŭh, bandar bandar sien.

MAZMUR 32:5

Komŭnŭ aku ngaku dosa ku di Kaam; aku dŭh sukan pingandai sarah ku. Aku mbŭh natu an ngaku-i di Kaam, ka Kaam apun sopŭrŭg dosa ku.

PITAS 28:13

Kuu dŭh re mujur darŭm pimudip mu kambŭi kuu sukan dosa mu. Ngaku dosa mu ka dŭh tia bidosa, ka Tapa re masi di kuu.

EZEKIEL 36:25

Aku re masik piin bisig di angān, angān adi sembar bada tibudo ka bada barang masam kayuh.

DANIEL 9:4

Aku bidua ka TUHAN adi Tapa ku ka ngaku dosa daya bangsa ku. Aku nang, “TUHAN Tapa, Kaam inŭh bās, ka kieh stabi di Kaam. Kaam inŭh tŭtŭd ngga simanya Mai ka kiren pinyirindu adi dŭh bisa birubah di ngara adi rindu di Kaam ka adi ndai kayuh adi Kaam pesan.

LEVITICUS 16:21

Ayŭh siŭn na so-duwŭh tangan-i di tunduh ubak kambing anŭ ka ngaku di tunduh-i sopŭrŭg arap, dosa ngga sopŭrŭg pinyakar adi arap adi muko daya Israel ndai, ngga mindah sopŭrŭg sarah anŭ ka ubak kambing anŭ. Komŭnŭ kambing anŭ siŭn dog taban ndi naan daya adi ko dog tijuan, ngga bu ka tarun tana-pajam.

LEVITICUS 26:40

“Pak bara sesang ngan re ngaku dosa ngara ngga dosa dosa tayung-babuk ngara, adi nyipunok Aku ka adi rawan Aku,

PINYIKIANG 5:7

angān dŭh siŭn dŭh an ngaku sarah ngan ka bayar gati rugi ngga sipuno-i, ngga 20 piratus tambah-i, di sianŭ adi yŭn angān ndai sarah.

MATTHEW 3:11

Aku baptisa angān ngga piin ngga kiren angān mbŭh dŭh tia bidosa, pak sianŭ adi mandŭg sundis so aku re baptisa angān ngga Roh Kudus ka apui. Ayŭh agi bās dŭ so aku; ka aku dŭh sadang kana re sirabi ka tukang taban kasut-I.

MARK 1:5

Bagŭ daya so tarun tana Judea ngga so kupo Jerusalem mandŭg an dingah John. Ngara ngaku dosa, ka John baptisa ngara di Yang Jordan.

LUKE 1:16

ka ayŭh re taban bagŭ daya Israel pari ka Tuhan adi Tapa ngara.

LUKE 3:16

Jadi John nang di sopŭrŭg ngara, “Aku baptisa angān ngga piin, pak Ayŭh adi rabis bās so aku re mandŭg. Bŭŭng kasut-I bina, dŭh aku pus re kuka. Ayŭh re baptisa angān ngga Roh Kudus ka ngga apui.

PINGANDAI 1:5

John baptisa ngga piin, pak dŭh tui te angān re dog baptisa ngga Roh Kudus.”

PINGANDAI 11:16

Ka aku ingat kayuh adi Tuhan ko nang: ‘John baptisa ngga piin, pak angān re dog baptisa ngga Roh Kudus.’

PINGANDAI 19:18

Bagŭ meh ngara adi mbŭh sabah di Jesus mandŭg ka ngaku buang kidaan di sirung jawin daya bagŭ sopŭrŭg pingandai sarah adi ngara ko ndai.

PINGANDAI 22:16

Ka madin, ani meh kajŭn mu? Makat di baptisa, siŭn dosa mu dog musor darŭm kuu bidua ka Ayŭh.’

1 CORINTH 10:2

Di abun ngga di rawŭt sopŭrŭg ngara dog baptisa jadi pinunda Moses.

COLOSSAE 2:12

Amai kan angān dog baptisa, angān dog kubur ngga Kristus, ka darŭm baptisa angān gŭh dog pakat ngga Kristus so ka pinyabah ngan di kuasa kraja pingandai Tapa, adi pakat Ayŭh so kabŭs.

HEBREW 6:2

ajar pasar baptisa, pasar na tangan di tunduh ubak daya; pasar pinyimakat so kabŭs ka ukum ruro.

HEBREW 9:10

amai kayuh anŭ kaŭs-i pasar pinguman, nok, ka barang masam adat pibisig. Sopŭrŭg anŭ batur-i atur adi tungang dog kiris adŭ, adi dog pakai ndŭg ka tipuh adi ngga Tapa nukar-i ngga atur adi bauh.

JAMES 5:16

Jadi meh, ngaku sarah ngan di dingan ngan buang simayang yŭn dingan ngan, isa angān dapŭd bua. Dua daya adi ndai pinyiraan Tapa biyŭn kuasa buang ngasi.

JOSHUA 7:19

Joshua nang di ayŭh, “Nak, kidaan ngga sawŭ digiti, di sirung jawin TUHAN, adi Tapa Israel, ka kidaan di aku madin kayuh adi ko mu ndai. Dŭhnyah miman so aku.”

1 PETER 3:21

adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

1 JOHN 1:9

Pak kambŭi ata ngaku dosa ta ka Tapa, Ayŭh re ingat janji-I ka ndai nanyam patut: Ayŭh re apun dosa ta ka pibisig ata so sopŭrŭg pingandai sarah ta.