MATTHEW 2:2 - Hakcipta - Biatah Bidayuh

² ka siken, “Diki sipira anŭ dog biranak adi re jadi raja daya Jahudi? Kieh agi kiris bitang-I tatŭng di timor, ka kieh meh mbŭh mandŭg an nyambah Ayŭh.”

MATTHEW 2:2 Iomraidhean Croise

MAZMUR 2:6

“Di Zion, sandah kudus Ku,” Ayŭh nang, “Aku mbŭh piguru raja Ku.”

MAZMUR 45:11

Ramus mu re bada raja ripong di kuu; ayŭh inŭh tuan mu, jadi kuu dŭh siŭn dŭh nundok di ayŭh.

ISAIAH 60:3

Bangsa bangsa mandŭg tudu jawa mu, Ka raja raja mandŭg tudu jawa isan isan mu.

JEREMIAH 23:5

TUHAN nang, “Tika-i re mandŭg adi ngga Ku re mien bada jadi raja ndi naan sesang David adi tŭnggŭn. Raja anŭ re mritah ngga bijak ka ndai kayuh adi batur ka tŭnggŭn di ndi tarun tana rais.

JEREMIAH 30:9

Ngara re bituan di Aku, adi TUHAN Tapa ngara, ka di sesang David, sianŭ adi Aku re piguru di takta jadi raja.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

PINYIKIANG 24:17

Aku tingga tipuh adi re mandŭg, ka aku kiris bangsa daya Israel. Ndi naan raja, keya ka bitang adi nyirinyak, re makat so bangsa anŭ. Keya ka suat bitang ayŭh re mandŭg so Israel. Ayŭh re pirandŭk bara pinguru Moab ka ngarah sopŭrŭg daya Seth adi miruap ka ganas.

MATTHEW 2:3

Kan Raja Herod dingah kayuh anŭ, ayŭh mbŭh raru susah, ka simŭnŭ gŭh barang naan daya bŭkŭn di Jerusalem.

MATTHEW 21:5

“Kidaan di Kupo Zion, Tingga, Raja mu mandŭg ka kuu! Ayŭh pirapat adŭp-I ka nunggang kaldi ngga anak kaldi.”

MATTHEW 27:11

Jesus mijog di sirung jawin Gabenor Pilate, adi siken Ayŭh, “Kuu kah raja daya Jahudi?” ayŭh siken. “Adŭp mu mbŭh nang,” nam Jesus.

LUKE 19:38

“Tapa nyiberkat raja adi mandŭg ngga adŭn Tuhan! Damai di shorga ngga bragah ka Tapa!”

LUKE 2:11

Di andu ati darŭm Kupo David, Pinyikudip ngan mbŭh dog biranak, Kristus adi Tuhan!

LUKE 23:3

Pilate siken Ayŭh, “Kuu raja daya Jahudi kah?” “Adŭp mu mbŭh nang” Jesus nam.

LUKE 23:38

Nyirungan ubak-I agi dog nuris sakati: “Ati inŭh Raja daya Jahudi”

JOHN 1:49

“Gurū,” Nathanael nam, “Kaam Anak Tapa! Kaam Raja Israel!”

JOHN 12:13

Ngara ndu daan daan kurma ka ruah di ngadā Jesus, buang nyirais nang, “Puji ka Tapa! Tapa nyiberkat Ayŭh adi mandŭg ngga adŭn Tuhan! Tapa nyiberkat Raja Israel!”

JOHN 18:37

Ka Pilate nang di Ayŭh, “Jadi Kuu ati raja, meh?” Jesus nam, “Adŭp mu mbŭh nang Aku raja. Aku dog biranak di ong yŭn ndi pinŭtŭn, an minyu pasar kayuh adi sawŭ. Asi asi adi trima kayuh adi sawŭ, dingah Ku.”

JOHN 19:19

Pilate nuris pinganang di supek papan ka bada daya pirakat-i di sambu rigang. “Jesus so Nazareth, Raja daya Jahudi,” inŭh kayuh adi-i nuris.

JOHN 20:28

Thomas nam Ayŭh, “Tuhan ku ka Tapa ku!”

JOHN 5:23

isa sopŭrŭg bisa kibās Anak nimun ngara kibās Sama. Asi asi adi dŭh kibās Anak, dŭh kibās Sama adi pait Ayŭh.

JOHN 9:38

“Aku sabah Tuhan!” daya anŭ nang ka-i sidikang nyambah Jesus.

HEBREW 1:6

Pak kan Tapa mbŭh re an pait Anak pinuai-I ka ong, Ayŭh nang, “Sopŭrŭg malaikat Tapa dŭh siŭn dŭh nyambah Ayŭh.”

PINANDŬNG 22:16

“Aku, Jesus, mbŭh pait malaikat Ku da kidaan kayuh kayuh ati di barang eklisia. Aku ati sesang David; Aku ati bitang adi jawa nyekar isan isan.”