MATTHEW 2:11 - Hakcipta - Biatah Bidayuh

¹¹ Ngara mŭrŭt ramin anŭ, ka kan ngara kiris Anak anŭ ngga sindŭ-I Mary, ngara sidikang ka nyambah Ayŭh. Ngara kisak pinganggen ka jugan mas, kimanyan, ngga myrrh ka Ayŭh.

MATTHEW 2:11 Iomraidhean Croise

TIBIRIK 43:11

Sama ngara nang di ngara, “Kambŭi sakanŭ, taban garang kayuh kayuh adi siabo kana so rais ta. Misŭn-i ndu pinganggen ka gabenor: dambar, ju banyis, rapah rapah, kasang pistasio, ka buwa buwa almond.

1 RAJA 10:10

Ayŭh nggen di Raja Solomon pinganggen adi taban-i: mas adi mbŭh rabis so 4,000 kilogram ngga dudu rapah samŭn batuh brega. Kiang rapah adi ayŭh nggen di Solomon mbŭh raru bagŭ so anŭ adi ko Solomon trima tian-ti.

1 RAJA 10:2

Ayŭh taban bagŭ pinurung-i, samŭn onta onta adi kabis rapah, batuh brega, ka dudu mas. Kan ayŭh ngga Solomon bidapŭd, ayŭh siken barang masam kayuh adi ayŭh tungang siken.

MAZMUR 2:12

kimŭtŭr ka mutu ubak ngan ka Ayŭh; kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.

MAZMUR 45:8

Barung dagŭn myrrh ngga gaharu inŭh di piraka mai; bara pimain musik nyiramŭn kaam di istana adi dog ngabuh ngga bŭbŭt bŭbŭt gajah.

MAZMUR 72:10

Raja raja di Spain ka di purau purau re jugan pinganggen ka ayŭh; raja raja di Sheba ngga Seba re taban ka yŭn-i pinganggen.

MAZMUR 72:15

Siramat ambu umbur tuan raja! Isa-i ayŭh dog nggen mas so Sheba; isa-i dua adu adu dog nang yŭn-i; isa-i Tapa ari nyiberkat ayŭh!

MAZMUR 95:6

Mandŭg, ja ata mutu ubak ta ka nyambah Ayŭh; ja ata sidikang di sirung jawin TUHAN, pinapa ta!

PINYIRUAH 30:23

“Tambit rapah rapah adi siabo kana: 6 kilogram ju myrrh, 3 kilogram kurit kayuh adi buuh ramak, 3 kilogram tabuh wangi,

PINYIRUAH 30:34

TUHAN nang di Moses, “Tambit bada nyikiang rapah rapah adi buuh ramak: pŭtŭk myrrh, kabang rukan, pŭtŭk raksamala, ngga tigŭrŭ kimanyan.

RAGU 3:6

Ani anŭ adi mandŭg so tarun tana-pajam mun jambung asuh, buuh kimanyan ngga myrrh, kimanyan adi dog jua daya dagang?

ISAIAH 60:6

Bara pinunggang onta re mandŭg, so Midian ngga Ephah. Ngara re mandŭg so Sheba, taban mas ngga kimanyan. Daya re kidaan agah kana pasar kayuh adi TUHAN mbŭh ndai!

LEVITICUS 6:15

Komŭnŭ ayŭh siŭn tambit tibaduk anŭ ndi agŭm, ngga inyo, ka ngga kimanyan adi di tunduh-i, ka badang-i di tunduh mija-sambah jadi tandā sopŭrŭg-i muko dog jugan ka TUHAN. Dagŭn sadis anŭ pimunos asŭng TUHAN.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

MATTHEW 1:18

Simuti inŭh dundan pinyibranak Jesus Kristus. Sindŭ-I Mary bitunang ngga Joseph, pak diŭ so ngara jadi banŭh sawŭn, ayŭh dapŭd adŭp-i bite so kuasa Roh Kudus.

MATTHEW 12:46

Jesus gi-aŭn minyu di daya kan sindŭ ngga bara jurud-I mandŭg. Ngara mijog di sapa, mite adŭp-i minyu ngga Jesus.

MATTHEW 14:33

Jadi di arud bara murid nyambah Jesus. “Sawŭ inŭh Kaam Anak Tapa!” ngara nang.

MATTHEW 2:2

ka siken, “Diki sipira anŭ dog biranak adi re jadi raja daya Jahudi? Kieh agi kiris bitang-I tatŭng di timor, ka kieh meh mbŭh mandŭg an nyambah Ayŭh.”

LUKE 2:16

Jadi ngara bigaut panu ka dapŭd Mary ngga Joseph ka kiris sipira anŭ guring darŭm durang dāng.

LUKE 2:38

Di jam anŭ ayŭh mandŭg ka nggen trima kaseh di Tapa, ka minyu pasar Anak anŭ di sopŭrŭg ngara adi kajŭn Tapa pirupas Jerusalem.

JOHN 19:39

Nicodemus, adi ko tudu Jesus singarŭm, sua ngga Joseph, buang taban taruh puru kilogram rapah, myrrh bigaur ngga gaharu.

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.

PINANDŬNG 5:8

Darŭm-I ndai simŭnŭ, pat dāng udip anŭ samŭn bara nyamba adi duwŭh puru-pat naan sidikang nyambah Anak Biri. Barang naan biyŭn kachapi ngga makuk mas puno ngga kimanyan, adi dua bara daya adi Tapa mbŭh mien.

1 SAMUEL 10:27

Pak kada daya adi dŭh biguna nang, “Ani bisa daya anŭ ndai yŭn ta?” Ngara ngamun Saul ka dŭh taban tadŭ mun pinganggen ka yŭn-i.