MATTHEW 16:8 - Hakcipta - Biatah Bidayuh

⁸ Jesus puan kayuh adi ngara nang, jadi Ayŭh siken, “Mani angān kirakar dupan adŭp ngan pasar dŭh biyŭn ruti? Angān paŭh kurang sabah di Aku!

MATTHEW 16:8 Iomraidhean Croise

MATTHEW 6:30

Adŭp Tapa inŭh adi sita kupai, kupai adi agi digiti andu ati ka mating sipagi, dog badang di apui. Dŭh kah Ayŭh rabis an sita angān? Angān kurang sabah di Aku!

MATTHEW 14:31

Jesus rasu nyapai ka digŭng ayŭh ka nang, “Kuu ati paŭh kurang sabah di Aku! Mani kan kuu panu di tunduh piin pinyabah mu bisa miyap?”

MARK 16:14

Sikasŭn-i, Jesus pinandŭng adŭp-I di ngara adi simŭng-ndi naan darŭm ngara guru man. Ngga tuas Ayŭh nang di ngara, sabab ngara kurang pinyabah buang paŭh baking dŭh an sabah ngara adi kiris Ayŭh udip.

MATTHEW 8:26

“Mani angān tikaran?” Jesus nam. “Mani angān kurang sabah di Aku?” Jesus makat ka mritah sabak ribut ngga girumbang da rŭŭ, ka sopŭrŭg-i mbŭh tanang.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.

JOHN 16:30

Madin kieh puan nang Kaam sawŭ puan sopŭrŭg kayuh, ka kieh dŭhsah tia siken kayuh di Kaam. Sabab anŭ, kieh sabah Kaam sawŭ mandŭg so Tapa.”

MATTHEW 16:7

Ngara rasu minyu dupan adŭp-i, “Ayŭh nang sakanŭ sabab ata dŭh taban ruti.”