MATTHEW 1:12 - Hakcipta - Biatah Bidayuh

^12-16 So andu ripas daya Israel dog taran ka Babylon ndŭg andu pinyibranak Jesus, taris tayung-babuk agi simuti: Jehoiachin, Shealtiel, Zerubbabel, Abiud, Eliakim, Azor, Zadok, Achim, Eliud, Eleazar, Matthan, Jacob, ka Joseph adi banŭh Mary adi sindŭ Jesus adi dog kadŭn Kristus.

MATTHEW 1:12 Iomraidhean Croise

2 RAJA 24:14

Nebuchadnezzar taban bara daya Jerusalem ngga bu jadi daya-takap, sopŭrŭg anak raja, ka sopŭrŭg pinguru; 10,000 naan prungun ngara. Ayŭh taban ngga bu gŭh bara tukang adi pandai, samŭn tukang basi, tingge kaŭs-i daya adi sirata di Judah.

2 RAJA 25:27

Di sawa adi ngga-i jadi raja Babylonia, Evilmerodach mandis ngga Jehoiachin adi raja Judah ka pirupas ayŭh so ramin jer. Kayuh anŭ jadi di andu adi 27 darŭm buran simŭng duwŭh di sawa adi 37 ripas Jehoiachin mbŭh dog taban ngga bu jadi daya-takap.

1 KRONIKEL 3:17

Ati inŭh bara sesang Raja Jehoiachin, adi dog tambit daya Babylonia jadi daya-takap. Jehoiachin biyŭn ju madis anak dari: Shealtiel,

EZRA 3:2

ka Joshua anak Jehozadak, bara dingan-i adi samah imam, ka Zerubbabel anak Shealtiel, samah ngga madis-i, pari pijog mija-sambah Tapa Israel, isa ngara dapŭd badang sadis di tunduh-i nanyam ka atur adi dog nuris di Ukum-adat Moses, adi urun Tapa.

EZRA 5:2

Kan Zerubbabel anak Shealtiel ngga Joshua anak Jehozadak dingah pinganang ngara, ngara piguru pari pijog Ramin TUHAN di Jerusalem, ka soduwŭh nabi anŭ turung ngara.

NEHEMIAH 12:1

Ati inŭh susud dŭn bara imam ka bara daya Levi adi mari ripas ko dog taran, ayō Zerubbabel anak Shealtiel ka ayō Joshua adi Imam bās:

JEREMIAH 22:24

TUHAN nang di Raja Jehoiachin adi anak Jehoiakim so Judah, “Siragi Aku ati Tapa adi udip, sunggu kambŭi-i kuu sisin patis di trinju tauh Ku, Aku re tarik kadi kuu

JEREMIAH 22:28

Aku nang, “Agi kah Raja Jehoiachin jadi keya ka tipayan adi pape adi dog taran ka mating daya raan-i? Anŭ kah sabab ayŭh ngga bara anak-i dog taran ka rais tami, rais adi dŭh ngara puan?”

JEREMIAH 22:30

“Daya anŭ inŭh dog nunggu ka dog natu anak anak-i re mating, jadi daya adi re bŭn mujur. Ayŭh re dŭh biyŭn sesang adi re mritah di Judah nimun bara daya adi gati David. Aku, adi TUHAN, mbŭh minyu.”

HAGGAI 1:1

Darŭm sawa adi duwŭh Darius jadi raja-empaya Persia, dog ngga andu adi ndi darŭm buran nŭm, TUHAN minyu so baba nabi Haggai. Pinganang anŭ yŭn Zerubbabel anak Shealtiel adi gabenor Judah, ka yŭn Joshua anak Jehozadak adi Imam Bās.

HAGGAI 1:12

Komŭnŭ Zerubbabel ngga Joshua ngga sopŭrŭg daya adi mbŭh pari so dog taran di Babylonia, ndai kayuh adi TUHAN Tapa bada ngara ndai. Ngara taru ka nundok di Haggai, adi pinyisung TUHAN.

HAGGAI 1:14

TUHAN kies atin barang naan daya bada pijog Ramin TUHAN: Zerubbabel adi gabenor Judah; Joshua adi Imam Bās, ka sopŭrŭg daya adi mbŭh pari so dog taran. Ngara piguru pari pijog Ramin TUHAN Bisa-pŭrŭg, adi Tapa ngara,

HAGGAI 2:2

Ayŭh bada Haggai minyu di Zerubbabel adi gabenor Judah, di Joshua adi Imam Bās, ngga di bara daya,

HAGGAI 2:23

Di andu anŭ Aku re tambit kuu, Zerubbabel adi urun Ku, ka Aku re tijuan kuu bada mritah ngga adŭn Ku. Kuu inŭh adi Aku mbŭh mien.” TUHAN Bisa-pŭrŭg mbŭh minyu.

MATTHEW 1:17

Jadi meh, agi simŭng-pat turap so jaman Abraham ndŭg jaman David, ka simŭng-pat turap so jaman David ndŭg andu adi ngga daya Israel dog taran ka Babylon, ka simŭng-pat turap so andu anŭ ndŭg andu pinyibranak Kristus.

LUKE 3:27

anak Joanan, anak Rhesa, anak Zerubbabel, anak Shealtiel, anak Neri,