MARK 7:3 - Hakcipta - Biatah Bidayuh

³ Amai daya Pharisee, ka simŭnŭ gŭh daya Jahudi adi bŭkŭn, tunda ajar adi ngara trima so tayung-babuk ngara: ngara dŭh man kambŭi dŭh mbe nanyam ka gaya adi mbŭh dog nggen;

MARK 7:3 Iomraidhean Croise

MARK 7:13

Simuti inŭh meh ajar adi angān nggen di daya mbŭh kinating pinganang Tapa. Ka bagŭ gŭh adi bŭkŭn, adi mun ati, adi angān ndai.”

MARK 7:5

Jadi bara daya Pharisee ka gurū Ukum-adat Jahudi siken Jesus, “Mani bara murid Mai man dŭh mbe, dŭh tunda ajar so tayung-babuk ta?”

LUKE 11:38

Daya Pharisee anŭ gŭgŭh kan-i kiris Jesus dŭh mbe diŭ so man.

JOHN 2:6

Diginŭ agi nŭm tibande tipayan batuh, adi daya Jahudi pakai ngga sita adat pibisig. Tiap tipayan anŭ tungang muat kurang rabis siratus lita piin.

GALATIA 1:14

Aku agi rabis dŭ so daya Jahudi adi tuba takar adŭp ku darŭm pinyita Ukum-adat Jahudi, ka mbŭh tŭtŭd dŭ di adat tayung-babuk ta.

COLOSSAE 2:8

Dŭhnyah bada daya piurun angān ngga pinyibijak manusia adi dŭh biguna adi bisa kinanyap angān. Ajar anŭ dŭh-i mandŭg so Kristus, pak ajar manusia adi mūn so sesang ndi ndŭg sesang andi, buang-i ajar adi mandŭg so roh roh adi nguasa rangit ngga ong.

1 PETER 1:18

Amai angān puan ani adi mbŭh dog bayar ngga pirupas angān so pimudip adi dŭh biguna adi angān trima so tayung-babuk ngan. Dŭh-i kayuh adi bisa dog pirusak, mun mas bait pirak;