MARK 4:3 - Hakcipta - Biatah Bidayuh

³ “Dingah ati! Agi ndi sidah, ndi naan daya matak di nabur bine.

MARK 4:3 Iomraidhean Croise

MAZMUR 34:11

Mandŭg bara jerā ku adi mara, ka dingah aku, ka aku re ngajar angān stabi di TUHAN.

MAZMUR 45:10

Kuu adi re jadi sawŭn raja, dingah pinganang ku — kambŭt daya mu ngga bara madis mu.

PITAS 7:24

Ngapŭi meh, bara anak ku, dingah aku. Nakit dingah kayuh adi aku nang.

PITAS 8:32

“Madin, angān adi mara, dingah aku. Tunda pinyitayan ku, ka angān re sanang.

EKLISIASTIS 11:6

Purun bine mu ngga isan isan ka ngga singumi andu. Kuu dŭh re puan bait-i sopŭrŭg-i re timbu, bait kah aki ndi adi re piruah bagŭ dŭ buwa.

ISAIAH 46:12

“Dingah Aku, angān daya adi baking adi pikir pimanang gibabŭ jo.

ISAIAH 46:3

“Dingah Aku, sesang Jacob, sopŭrŭg daya Ku adi siramat. Aku mbŭh nyiran angān so angān dog biranak.

MATTHEW 13:24

Jesus kidaan di ngara upama adi bŭkŭn: “Kan Tapa mritah, kayuh agi keya ka ndi naan daya adi nabur bine di ŭmŭh.

MATTHEW 13:26

Kan bine mbŭh timbu ka piguru pijadi tundun gandom, nganŭ gŭh uduh tatŭng.

MATTHEW 13:3

Ayŭh pakai upama ngga kidaan bagŭ masam kayuh di ngara. “Agi ndi sidah, ndi naan daya matak di nabur bine.

MARK 4:14

Ayŭh adi nabur bine nabur agah Tapa.

MARK 4:2

Ayŭh pakai upama ngga ngajar ngara pasar bagŭ masam kayuh; Ayŭh nang di ngara:

MARK 4:23

Dingah garang, kambŭi angān biyŭn kajit!”

MARK 4:4

Darŭm ayŭh nabur bine, kada bine rabu di aran, ka manuk mandŭg di man-i.

MARK 4:9

Ka Jesus nang, “Dingah meh garang, kambŭi angān biyŭn kajit!”

PINGANDAI 2:14

Jadi Peter mijog ngga bara pinyuruh adi simŭng-ndi naan, ka minyu ngga sirŭŭn bana di bara daya bagŭ: “Bara dingan ku daya Jahudi samŭn angān adi rŭŭ di Jerusalem, nakit dingah kayuh adi re ku nang.

DITRONOMI 4:1

Komŭnŭ Moses nang di bara daya, “Sita sopŭrŭg ukum-adat adi aku ko ngajar di angān, ka angān re udip ka ngisi tarun tana adi TUHAN, adi Tapa tayung-babuk ngan, nggen di angān.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

PINANDŬNG 2:11

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Ngara adi mbŭh manang dŭh re kinaman da pinyikabŭs adi numbor duwŭh.

PINANDŬNG 2:29

“Ayŭh adi biyŭn kajit, dingah meh garang kayuh adi Roh Kudus nang di barang eklisia!

PINANDŬNG 2:7

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen hak da man buwa so tŭngŭn kayuh adi nggen udip, adi timbu di teya Tapa.