LUKE 5:1 - Hakcipta - Biatah Bidayuh

¹ Agi ndi sidah, Jesus mijog di tabing Rawŭt Gennesaret, ka bara daya birabut an nyindŭk Ayŭh an dingah pinganang Tapa.

LUKE 5:1 Iomraidhean Croise

PINYIKIANG 34:11

So nŭ-i re mūn ka siratan ka Harbel, tura ka timor Ain, ka radus ndŭg tarun tana sandah tura ka timor tabing Danu Galilee,

MATTHEW 11:12

So andu John nyuse ajar-i ndŭg andu ati Pinyipritah Tapa mbŭh dog nyerang, ka daya ganas suba an nguasa-i ngga gaya adi kasar.

MATTHEW 14:34

Ngara mutas danu anŭ ka mandŭg ka deyŭh di Gennesaret,

MARK 3:9

Bara daya mbŭh raru bagŭ, ka Jesus bada bara murid-I sidia arud yŭn-I, isa daya dŭh nyikidŭn Ayŭh.

MARK 4:1

Jesus piguru ngajar dinge di bŭngŭn Danu Galilee. Bara daya adi tikuruk maning Ayŭh mbŭh raru bagŭ ndŭg ka Ayŭh mindah ka guru darŭm arud. Arud anŭ di piin, ka bara daya mijog di tabing sindŭk piin.

MARK 5:24

Jesus rasu panu tunda ayŭh. Daya raru bagŭ tunda Ayŭh ndŭg ka mbŭh nyikidŭn Ayŭh so barang parad.

MARK 6:53

Ngara mutas rawŭt anŭ ka mandŭg ka tabing Gennesaret, di yŭn ngara mŭŭng arud ngara ka deyŭh.

LUKE 12:1

Darŭm biribu ribu bara daya mbŭh tikuruk, ndŭg ka agi adi digang kaja dingan-i, Jesus diŭ kidaan di bara murid-I, “Jaga adŭp ngan so ragi daya Pharisee, anŭ inŭh pingandai kadong ngara.

LUKE 5:2

Ayŭh kiris duwŭh buah arud di tabing rawŭt; pinakap iken mating dieh, mbŭh ruah di ngu jaring.

LUKE 8:22

Jadi ndi andu, Jesus mŭrŭt arud ngga bara murid-I ka nang di ngara, “Ja ata mutas ka pah mandi rawŭt ati.” Jadi ngara matak.

LUKE 8:23

Darŭm ngara birayar, Jesus bŭŭs. Ka gŭgŭh agi sabak ribut di rawŭt anŭ, ka ngara mbŭh raru taru buang susah kan piin piguru ngisi arud ngara.

LUKE 8:33

Ngara ruah so daya anŭ ka mŭrŭt ka darŭm bara ayo anŭ. Ndi kaban ayo anŭ bikaduh mūn jenjang ka darŭm rawŭt ka rŭnggŭd.

LUKE 8:45

Jesus siken, “Asi tama Aku?” Sopŭrŭg daya mating ngaku, ka Peter nang, “Gurū, bara daya bagŭ maning buang nyikidŭn Kaam.”

JOHN 1:40

Ndi so ngara inŭh Andrew, jurud Simon Peter.

JOHN 6:1

Ripas anŭ, Jesus mutas Danu Galilee (puan kah Danu Tiberias, dŭn-i anŭ ndi).

DITRONOMI 3:17

Di tura ka barat, buka tarun tana ngara jeh ndŭg Yang Jordan so Danu Galilee di tura ka utara mūn ka Rawŭt Pide tura ka siratan, ka ndŭg sigŭn Darŭd Pisgah tura ka timor.

HEBREW 13:7

Ingat bara pinguru ngan adi mbŭh, adi ko piagah agah Tapa di angān. Ingat munki ngara ko udip ka kabŭs, ka nanya meh pinyabah ngara.

JOSHUA 12:3

samŭn Rubān Jordan so Danu Galilee ka siratan nuju Beth Jeshimoth (tura ka timor Rawŭt Pide) ka nuju sigŭn Darŭd Pisgah.

JOSHUA 13:27

Di Rubān Jordan, anŭ samŭn Beth Haram, Bethnimrah, Sukkoth, ngga Zaphon, kada so tarun tana adi dog mritah Raja Sihon so Heshbon. Baat ngara di tura ka barat inŭh Yang Jordan jeh ndŭg Danu Galilee di tura ka utara.