LUKE 1:15 - Hakcipta - Biatah Bidayuh

¹⁵ Ayŭh re jadi daya adi bās di batŭh Tuhan. Ayŭh dŭh siŭn nok wain bait tadŭ kayuh nok adi bisā. So tika-i dog biranak ayŭh re brisi ngga Roh Kudus,

LUKE 1:15 Iomraidhean Croise

JEREMIAH 1:5

“Sibayuh Aku napa kuu darŭm tain sindŭ mu, ka sibayuh kuu dog biranak, Aku mbŭh mien kuu ka tijuan kuu bada jadi nabi yŭn bangsa bangsa.”

EPHESUS 5:18

Dŭhnyah mabuk, amai anŭ kayuh adi re pirusak angān; angān sipatut-i brisi ngga Roh Kudus.

GALATIA 1:15

Pak Tapa ngga pinyirasi mandis-I mbŭh mien aku sibayuh aku dog biranak, ka mbŭh bagan aku da bituan di adŭp-I. Ka kan Ayŭh mbŭh natu

PINGANDAI 2:4

Ngara mbŭh rasu dog nguasa Roh Kudus ka piguru minyu ngga piminyu bŭkŭn nanyam Roh bada ngara minyu.

LUKE 7:33

John Pembaptisa mandŭg, bipusa ka dŭh nok wain, ka angān nang, ‘Ayŭh dog mŭrŭt umot!’

JOSHUA 4:14

Kayuh adi TUHAN ndai di andu anŭ bada daya Israel stabi di Joshua keya ka di daya adi raru bās. Ngara stabi di ayŭh sitŭkŭd ayŭh udip, nimun ngara mbŭh stabi di Moses.

LUKE 7:28

Aku kidaan di angān, di ong ati mating daya adi rabis bās so John Pembaptisa. Pak ayŭh adi siabo sŭ di dupan ngara adi kinyam Pinyipritah Tapa agi bās dŭ so John.”

1 KRONIKEL 17:8

Aku agi ngga kuu di barang yŭn mu panu, ka Aku muko ngarah sopŭrŭg pinganyu mu darŭm kuu masang panu. Aku re bada kuu timagah mun bara pinguru adi bās di ong.

JOSHUA 3:7

TUHAN nang di Joshua, “Kayuh adi re Ku ndai andu ati re bada sopŭrŭg daya Israel piguru stabi di kuu keya ka di daya adi raru bās, ka ngara re rada nang Aku agi ngga kuu nimun Aku ari agi ngga Moses.

ZECHARIAH 9:15

TUHAN Bisa-pŭrŭg re grindung daya-I, ka ngara re pirabur pinganyu ngara. Ngara re nyirais darŭm perang mun daya mabuk ka re piruah deya pinganyu ngara; deya anŭ re aman mun deya sadis dog ren di tunduh mija-sambah so makuk.

MAZMUR 22:9

Kaam inŭh adi piruah aku ngga siramat di andu pinyibranak ku, ka kan aku gibabŭ pira, Kaam inŭh adi sita aku.

1 KRONIKEL 29:12

Sopŭrŭg pinyikaya mandŭg so Kaam; Kaam mritah sopŭrŭg kayuh ngga pinyibake ka kuasa Mai; ka Kaam inŭh adi tungang bada tadŭ daya bās ka bake.

TIBIRIK 48:19

Sama-i abah, buang nang, “Aku puan, nak, aku puan. Sesang Manasseh gŭh re jadi bara daya adi bās. Pak sude-i re jadi bās dŭ so ayŭh, ka bara sesang-i re jadi bangsa bangsa adi bās.”

TIBIRIK 12:2

Aku re nggen bagŭ sesang di kuu, ka ngara re jadi bangsa adi bās. Aku re nyiberkat kuu ka re bada dŭn mu timagah, isa kuu jadi daya adi biberkat yŭn bangsa bŭkŭn.

JOHN 5:35

John mbŭh keya ka prita, sakŭt buang nyekar, ka angān ko ndi sidah sua angan jawa-i.

LEVITICUS 10:9

“Kuu ngga anak anak dari mu dŭh siŭn mŭrŭt Bari Ku ripas ko nok wain, puan kah nok adi bisā; kambŭi angān ndai simŭnŭ, angān re kabŭs. Ati inŭh ukum-adat adi sopŭrŭg sesang ngan patut sita.

JEREMIAH 35:6

Pak ngara nam, “Kieh dŭh nok wain. Babuk ami Jonadab anak Rechab kidaan nang kieh bait bara sesang ami dŭh siŭn nok wain.

LUKE 1:14

Munki masam gaŭn ka sanang asŭng mu re, ka munki masam sanang asŭng daya bagŭ re kan ayŭh dog biranak!