JOSHUA 9:8 - Hakcipta - Biatah Bidayuh

⁸ Ngara nang di Joshua, “Kieh ati urun mai.” Joshua siken ngara, “Asi angān? So ki pimandŭg ngan?”

JOSHUA 9:8 Iomraidhean Croise

2 RAJA 10:5

Jadi sianŭ adi tukang kingat kayuh di istana ngga pinurung adi tukang ngatur kupo, samah ngga bara pingibās ngga bara adi tukang kingat jaga bara sesang Ahab, pait pinganang ati ka Jehu: “Kieh ati urun mai ka kieh mbŭh sidia an ndai nanyam pinyiraan mai. Pak kieh dŭh re tijuan asi asi jadi raja; ndai adŭ anŭ adi kaam pikir patut.”

DITRONOMI 20:11

Kambŭi ngara kuka tiban kupo ka nyerah adŭp-i, ngara sopŭrŭg re jadi urun ngan ka adi re angān takan da ndai kraja yŭn ngan.

JOSHUA 10:6

Daya Gibeon pait pinganang ka Joshua adi nganŭ bibari di Gilgal: “Dŭhnyah tandah kieh, tuan! Mandŭg rikas di turung kieh! Nyiramat kieh! Sopŭrŭg raja Amor di rais tarun tana sandah mbŭh nguruk adŭp-i ka mbŭh nyerang kieh!”

JOSHUA 9:11

Bara pinguru ami samŭn sopŭrŭg daya adi rŭŭ di tarun tana ami bada kieh sidia pinguman yŭn pimanu ami di dapŭd kaam. Kieh mbŭh dog kidaan bada jadi urun mai ka mite kaam ndai ndi pekat-damai ngga kieh.

JOSHUA 9:23

Sabab angān mbŭh ndai simŭnŭ, Tapa mbŭh ngukum angān. Angān re adu adu jadi urun, tukang kapŭg uwang ka muat piin yŭn ramin Tapa ku.”

JOSHUA 9:25

Madin kieh mbŭh di darŭm kuasa mai; ndai di kieh nimun adi batur di pikir mai.”

JOSHUA 9:27

Pak simŭnŭ gŭh ayŭh bada ngara jadi urun tukang kapŭg uwang ka muat piin yŭn daya Israel ka yŭn mija-sambah TUHAN. Ndŭg andu ati ngara babŭ ndai kraja anŭ di tarun adi TUHAN mbŭh mien yŭn adŭp-I dog nyambah.