JOSHUA 8:1 - Hakcipta - Biatah Bidayuh

¹ TUHAN nang di Joshua, “Taban sopŭrŭg soldadu ka di ka kupo Ai. Dŭhnyah taru bait jimŭ. Aku re nggen di angān pimanang, ngarah raja di Ai; bara daya-i, kupo-i, ngga tana-i re jadi tung jangān.

JOSHUA 8:1 Iomraidhean Croise

MAZMUR 27:1

TUHAN inŭh jawa ku ka pinyiramat ku; aku dŭh re taru asi asi. TUHAN grindung aku so sopŭrŭg pinyusah; aku dŭh re taru.

MAZMUR 44:3

Daya Mai dŭh ngarah tarun tana anŭ ngga pedang; ngara dŭh dapŭd-i ngga kuasa adŭp ngara; pak ngga kuasa ka pinyibake Mai, ngga Kaam adi sawŭ agi ngga ngara, adi kiren Kaam rindu ngara.

MAZMUR 46:11

TUHAN Bisa-pŭrŭg agi ngga ata; Tapa Jacob inŭh pinyigrindung ta.

ISAIAH 12:2

Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

ISAIAH 43:2

Kan kuu mutas rawŭt adi tŭrŭp, Aku re agi ngga kuu; pinyusah mu re dŭh ngarah kuu. Kan kuu mutas apui, kuu re dŭh sau; pisuba adi bat adi dog kuu re dŭh kandam kuu.

JEREMIAH 46:27

“Daya Ku, dŭhnyah taru, angān daya Israel, dŭhnyah tikaran. Aku re nyiramat angān so rais adi jo anŭ, so rais adi yŭn ngan jadi daya-takap. Angān re mari ka udip darŭm damai; angān re udip pagŭng, ka mating daya re bada angān taru.

JEREMIAH 49:3

Daya Heshbon, sien meh! Ai mbŭh dog pirabur! Bara dayung Rabbah, panu di sua ngurid! Nēn piraka banang guni ka ngurid. Bikaduh kandang-kandŭ meh. Tapa ngan Molech re dog taran ka rais tami, samah ngga bara imam-i ka bara pinguasa-i.

DANIEL 2:21

Ayŭh nguasa masā ngga tipuh; Ayŭh garar raja ka taran raja; Ayŭh inŭh adi nggen pinyibijak ngga pinyimirati.

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

MATTHEW 8:26

“Mani angān tikaran?” Jesus nam. “Mani angān kurang sabah di Aku?” Jesus makat ka mritah sabak ribut ngga girumbang da rŭŭ, ka sopŭrŭg-i mbŭh tanang.

DITRONOMI 31:8

Adŭp TUHAN re nguru angān ka re agi ngga angān. Ayŭh dŭh re tandah angān puan kah tagan angān, jadi dŭhnyah jimŭ puan kah taru.”

DITRONOMI 7:18

Dŭhnyah taru ngara; ingat kayuh adi TUHAN adi Tapa ngan mbŭh ndai di tunduh raja Egypt ngga sopŭrŭg rayat-i.

DITRONOMI 7:21

Ngapŭi dŭhnyah taru bara daya anŭ. TUHAN adi Tapa ngan agi ngga angān; Ayŭh inŭh Tapa adi bās ka Ayŭh inŭh adi patut ata taru.

JOSHUA 1:9

Ingat Aku mbŭh pesan di kuu nang kuu dŭh siŭn dŭh birani buang dŭhnyah bada atin mu arot! Dŭhnyah taru puan kah jimŭ; Aku, TUHAN adi Tapa mu, agi ngga kuu di barang ka yŭn kuu panu.”

JOSHUA 10:7

Jadi Joshua ngga sopŭrŭg bara soldadu-i, samŭn bara soldadu adi siabo pandai biperang matak so Gilgal.

JOSHUA 10:8

TUHAN nang di Joshua, “Dŭhnyah taru ngara. Aku mbŭh nggen di kuu pimanang. Ndi naan so ngara anŭ dŭh gŭh re tungang ngarah kuu.”

JOSHUA 2:24

ka komŭnŭ nang, “Kieh mbŭh puan nang TUHAN mbŭh sawŭ nggen ndi tarun tarun tana rais anŭ di ata. Sopŭrŭg daya diginŭ mbŭh raru taru di ata.”

JOSHUA 6:2

TUHAN nang di Joshua, “Aku na Jericho ka darŭm tangan mu, samŭn raja-i ngga sopŭrŭg soldadu-i adi pagan.

JOSHUA 7:9

Daya Canaan ngga sopŭrŭg daya bŭkŭn adi di rais ati re dingah pasar kayuh anŭ. Ngara re kirurung kieh ka siŭ barang naan kieh! Simuki meh Kaam re tak bragah adŭn Mai?”