JOSHUA 7:26 - Hakcipta - Biatah Bidayuh

²⁶ Ngara nugung batuh di tunduh tadang Achan; tugung batuh anŭ gibabŭ diginŭ ndŭg andu ati. Anŭ meh sabab tarun anŭ gibabŭ dog kadŭn Rubān Pinyusah. Muko anŭ TUHAN mbŭh dŭh tia baji.

JOSHUA 7:26 Iomraidhean Croise

2 SAMUEL 18:17

Ngara tambit tadang Absalom, taran-i ka darŭm rubang adi tŭrŭp di darŭm tarun anŭ, ka nutu-i ngga tibande tugung batuh. Sopŭrŭg daya Israel bu ka kupo adŭp ngara.

2 SAMUEL 21:14

Komŭnŭ ngara kubur turang turang Saul ngga Jonathan di kubur Kish adi sama Saul, di Zela di tarun tana Benjamin, nanyam ka pesan raja. Ka ripas anŭ, Tapa nam dua ngara yŭn rais anŭ.

2 KRONIKEL 29:10

“Aku mbŭh ndai pikir ku raan ndai ndi simanya ngga TUHAN, adi Tapa Israel, isa Ayŭh dŭh tia baji ngga ata.

EZRA 10:14

Bada bara pinurung rŭŭ di Jerusalem ka ngatur har ati. Komŭnŭ bada ngara adi sawŭn dayung bangsa bŭkŭn mandŭg di jam adi dog miratak, samŭn bara pinguru ngga akim kupo ngara. Simŭnŭ baji Tapa di har anŭ bisa dog kadi so ata.”

MAZMUR 85:4

Taban kieh ngga pari, O Tapa adi pinyikudip ami, ka dŭh tia dŭh munos asŭng ngga kieh!

PINYIRUAH 32:12

Patut kah daya Egypt nang Kaam taban daya Mai ngga ruah so Egypt, yŭn re an siŭ ngara di arong darŭd ka pirarap ngara? Dŭhnyah tia baji; ngubah pikir Mai ka dŭhnyah taban pinyirusag ati ka daya Mai.

ISAIAH 40:2

Ngatat daya Jerusalem. Kidaan di ngara nang mbŭh tui ngara sukup sangsara ka dosa ngara mbŭh dog apun madin. Aku mbŭh ngukum ngara ngga sipuno-i amai sopŭrŭg dosa ngara.”

ISAIAH 65:10

Ngara re nyambah Aku ka re nguru biri biri ngga sapi sapi ngara ka tarun tana kupai di Rabak Sharon di parad ka barat ka di Rubān Pinyusah di parad ka timor.

PUĀS 3:53

Ngara taran aku ka darŭm rubang ka nutu baba rubang anŭ ngga batuh.

HOSEA 2:15

Aku re nggen pari teya anggor-i ka bada Rubān Pinyusah jadi tiban pingarap. Ayŭh re pari ka Aku diginŭ nimun adŭp-i adi gi-mara dawŭ-i, di tika ayŭh mandŭg so Egypt.

HOSEA 2:17

Aku re dŭh bada ayŭh tia nyabŭt dŭn Baal.

JOEL 2:13

Bada atin ngan anŭ adi keya ka asur kiren susah ngan; nyiratak piraka ngan dŭh-i sadang.” Pari ka TUHAN adi Tapa ngan. Ayŭh inŭh mandis ka raru masi; Ayŭh tŭtŭd ka ingat janji-I; Ayŭh ari sidia an apun ka dŭh-I an ngukum.

JOEL 2:18

Komŭnŭ TUHAN kiren adŭp-I mbit bat di tana-I; Ayŭh masi di daya-I.

JONAH 1:15

Komŭnŭ ngara tunduk Jonah ka taran ayŭh ka darŭm rawŭt, ka sabak ribut rasu rŭŭ.

ZECHARIAH 6:8

Komŭnŭ malaikat anŭ nyirais nang di aku, “Kuda kuda adi panu ka parad ka utara nuju Babylonia mbŭh kadud baji TUHAN.”

PINYIKIANG 25:8

tunda dari ngga dayung anŭ ka darŭm bari ka tabŭk so-duwŭh ngara anŭ ngga jarok. Simŭnŭ inŭh sesak-andam adi pirabur daya Israel dog pirŭŭ,

DITRONOMI 13:17

Dŭhnyah tambit yŭn adŭp ngan tadŭ tadŭ kayuh adi mbŭh dog ngŭtŭ dŭh siŭn dŭh dog pirabur; ka TUHAN re dŭh tia raru baji ka re kiren masi-I di angān. Ayŭh re masi di angān ka re bada angān jadi daya adi raru bagŭ, nimun adi Ayŭh muko janji di tayung-babuk ngan,

DITRONOMI 13:18

kambŭi angān tunda sopŭrŭg pesan adi aku nggen di angān andu ati, buang ndai anŭ adi Ayŭh raan.

JOSHUA 10:27

Kan batŭh andu mbŭh simŭdŭp Joshua nggen pinganang, ka tadang ngara dog bisor ka dog taran ka darŭm tang adi ko ngara yŭn bisukan. Batuh batuh adi baga dog na di baba tang anŭ ngga nabat-i, ka-i babŭ diginŭ madin.

JOSHUA 7:24

Joshua ngga sopŭrŭg daya Israel muak Achan, tambit pirak anŭ, jipo anŭ, panggar mas anŭ, samŭn bara anak dari ngga anak dayung-i, dudu sapi, kaldi, biri, ngga sopŭrŭg buat rata-i, ka taban ngara di ka ndi rubān adi dŭn Rubān Pinyusah.

JOSHUA 8:29

Ayŭh kideng raja Ai di atuh kayuh ka tandah tadang-i diginŭ ndŭg singumi andu. Ngga simŭdŭp batŭh andu Joshua nggen ukum bada tadang-i dog kadi, ka-i dog taran dŭh jo so tiban-bās kupo. Ngara nugung tibande batuh di tunduh tadang-i, adi gibabŭ diginŭ ndŭg andu ati.