JOSHUA 7:21 - Hakcipta - Biatah Bidayuh

²¹ Bigaur ngga dudu kayuh adi kieh sirapas, aku agi dapŭd ndi jipo Babylonia adi raru ramus, pirak sindŭk 2 kilogram bat-i, ka ndi panggar mas adi rabis sitangah kilogram bat-i. Aku raru ripong di kayuh kayuh anŭ, ka aku tambit-i. Kaam bisa dapŭd dudu kayuh anŭ dog napuk darŭm tana darŭm bari ku, ka pirak anŭ agi di rasan-i.”

JOSHUA 7:21 Iomraidhean Croise

TIBIRIK 10:10

Jadi sibungas rais adi dog mritah-i inŭh Babylon, Erech, ka Accad, so taruh-i di Babylonia.

TIBIRIK 3:6

Dayung anŭ kiris munki raru sangŭn tŭngŭn kayuh anŭ buang buwa-i tatŭng sidi dog man. Ayŭh birundeng munki sawŭ pinyikana-i kambŭi nŭŭh jadi bijak. Jadi ayŭh tambit kada buwa-i ka man. Komŭnŭ ayŭh nggen kada-i di banŭh-i, ka ayŭh sua gŭh man-i.

TIBIRIK 34:27

Ripas muko siŭ ngara, anak dari Jacob adi bŭkŭn di sirapas kayuh kayuh di kupo anŭ ngga maras mangŭh adi muko dog ndai di tunduh jurud dayung ngara.

TIBIRIK 6:2

kada so malaikat kiris dayung dayung anŭ ramus, ka tambit ndu sawŭn sinadan adi raan ngara.

2 SAMUEL 11:2

Ndi andu, sindŭk singumi andu, David makat ko mŭnyŭp ka panu di tibung istana. Darŭm ayŭh panu diginŭ, ayŭh kiris ndi naan dayung mamuh. Dayung anŭ raru ramus.

2 RAJA 7:8

Kan pat naan ngara anŭ mbŭh ndŭg bŭngŭn tarun yŭn bibari, ngara mŭrŭt ndi bari, man nok kayuh adi agi diginŭ, tambit pirak, mas, ka piraka adi tungang ngara dapŭd, ka bu di sukan-i. Komŭnŭ ngara pari, mŭrŭt bari adi bŭkŭn, ka ndai simŭnŭ gŭh.

JOB 31:1

Aku mbŭh bipayu ka bijanji dŭh re tingga dayung.

MAZMUR 119:37

Pijo atin ku so kayuh adi dŭh biguna; kana ngga aku, nanyam ka janji Mai.

PINYIRUAH 20:17

“Dŭhnyah ripong di ramin daya; dŭhnyah ripong di sawŭn-i, urun-i, sapi sapi-i, kaldi-i, puan kah tadŭ tadŭ kayuh adi ayŭh dapu.”

PITAS 1:19

Daya adi jiroh utung ngga pinyiganas re bayar ngga asŭng adŭp-i.

PITAS 23:31

Dŭhnyah bada wain piripong kuu, sunggu-i wain adi bireh ka adi grua, sunggu-i mikirib darŭm saker mu, ka sidi dog tŭrŭn.

PITAS 28:22

Daya adi bidagis girungos an kaya ndŭg ka dŭh rada udip sirata re rikas nyatŭk adŭp-i.

PITAS 4:23

Nakit kingat munki kuu bipikir; pimudip mu tunda suan pikir-kira mu.

ISAIAH 28:15

Angān ngangŭn adŭp ngan mbŭh ndai simanya ngga pinyikabŭs ka ndai janji ngga ong daya adi mbŭh kabŭs. Angān nang adŭp ngan tatu re dŭh dog nyatŭk pinyusah kan-i mandŭg, sabab angān bisangan di pinganang kadong ngga tipu ngga nyiramat adŭp ngan.

ISAIAH 29:15

Payah inŭh ngara adi suba sukan atur pikir-kira ngara so TUHAN! Ngara ndai atur kraja pingandai ngara darŭm bisukan ka pikir daya mating kiris ngara bait dŭh puan kayuh adi ngara ndai.

HABAKKUK 2:9

Mbŭh payah inŭh angān! Angān mbŭh bada rawang ngan kaya ngga kayuh adi angān tambit ngga pinyiganas, ka mbŭh suba bada ramin arŭn adŭp ngan siramat so kayuh adi bisa kandam ka pirusak!

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 12:2

Tadŭ tadŭ kayuh adi dog nutu re dog kiren, ka sopŭrŭg rusia re dog puan.

EPHESUS 5:3

Amai angān mbŭh bara daya adi Tapa mbŭh mien, dŭh-i patut pingandai kais puan kah pimudip adi dŭh tatu puan kah tama dog nyabŭt di ruang ngan.

EPHESUS 5:5

Angān tatu mbŭh puan nang mating daya adi udip darŭm pingandai kais, pimudip adi dŭh tatu, puan kah tama (amai tama agi keya ka nyambah tibudo) re bisa dapŭd utung-i darŭm Pinyipritah Kristus ngga Tapa.

DITRONOMI 7:25

Sigot dudu tibudo ngara. Dŭhnyah ripong di pirak puan kah mas adi dog na di tibudo tibudo anŭ, ka dŭhnyah gŭh tambit-i yŭn adŭp ngan. Kambŭi angān ndai simŭnŭ, angān re dog nyatŭk pinyusah, amai TUHAN tiru di pingandai nyambah tibudo.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

HEBREW 13:5

Bada pimudip ngan jo so pinyiawang duit, ka bada adŭp ngan munos ngga anŭ adi angān mbŭh biyŭn. Amai Tapa mbŭh nang, “Aku dŭh re tandah angān; Aku dŭh re tagan angān.”

JAMES 1:15

Komŭnŭ kan ata nurut pinyiripong ta adi arap anŭ, dosa timbur; ka dosa, kan-i mbŭh jadi bās, ayŭh taban pinyikabŭs.

JOSHUA 7:20

“Sawŭ inŭh,” Achan nam. “Aku mbŭh bidosa rawan TUHAN, adi Tapa Israel, ka ati inŭh kayuh adi aku mbŭh ndai.

JOSHUA 7:22

Jadi Joshua pait kada daya. Ngara bikaduh di ka bari anŭ ka dapŭd sopŭrŭg kayuh anŭ sawŭ agi dog napuk diginŭ, ka pirak anŭ sawŭ agi di rasan-i.

2 PETER 2:15

Ngara mbŭh miriseu so aran adi tŭnggŭn ka mbŭh manyap. Ngara tunda aran adi dog kadŭg Balaam anak Beor, adi awang duit adi-i dapŭd so pingandai arap-i