JOSHUA 7:11 - Hakcipta - Biatah Bidayuh

¹¹ Israel mbŭh bidosa! Ngara mbŭh miranggar pekat-janji adi Aku bada ngara tunda. Ngara mbŭh tambit kada kayuh adi patut dog pirabur. Ngara mbŭh naku kayuh anŭ, kadong pasar kayuh anŭ, ka gaur-i ngga pimakai adŭp ngara.

JOSHUA 7:11 Iomraidhean Croise

2 RAJA 18:12

Samaria rabu sabab daya Israel dŭh an dingah pinganang TUHAN adi Tapa ngara, ka miranggar simanya adi-I ndai ngga ngara ka nyibireu sopŭrŭg ukum-adat adi dog nggen Moses, adi urun TUHAN. Ngara dŭh an dingah pinganang buang dŭh tŭtŭd.

2 RAJA 5:24

Kan ngara mbŭh ndŭg sandah adi yŭn Elisha rŭŭ, Gehazi tambit duwŭh kambut anŭ ka taban-i ngga mŭrŭt ramin. Komŭnŭ ayŭh bada daya-gaji Naaman pari.

ISAIAH 24:5

Ong mbŭh sembar amai manusia miranggar ukum ukum-adat Tapa ka mbŭh miranggar simanya adi Ayŭh ngga manusia mbŭh ndai yŭn adu adu.

JEREMIAH 31:32

Anŭ re dŭh mun simanya amba adi Aku ndai ngga tayung-babuk ngara kan Aku taban ngara ngga tangan adŭp Ku ruah so Egypt. Sunggu Aku mbŭh keya ka banŭh di ngara, ngara dŭh sita simanya anŭ.

HOSEA 6:7

“Pak kan ngara mbŭh mŭrŭt tarun tana Adam, ngara miranggar simanya adi Aku mbŭh ndai ngga ngara.

LEVITICUS 5:15

Kambŭi tadŭ tadŭ so angān ngga dŭh singaja dŭh nggen pinganggen anŭ adi kudus ka TUHAN, angān siŭn taban ndi dari biri puan kah kambing adi pidanah ndu sadis bayar gati rugi ka TUHAN. Rega-i siŭn dog ngŭtŭ nanyam ka anŭ adi mbŭh dog miratak di Bari TUHAN.

HABAKKUK 2:6

Ngara adi dog ngarah re kinuas ka ngamun daya adi ngarah ngara. Ngara re nang, “Mbŭh payah inŭh angān adi tambit kayuh adi dŭh angān dapu! Ndŭg sinde angān re babŭ jadi kaya amai takan daya bayar utang?”

ZECHARIAH 5:4

TUHAN Bisa-pŭrŭg nang adŭp-I re pait pangu anŭ ka ramin ramin sopŭrŭg pinaku ngga ramin ramin daya adi bipayu ngga aran adi kadong. Pangu anŭ re rŭŭ di ramin ramin ngara ka pirubuh-i.”

MATTHEW 22:21

“Caesar,” ngara nam. Jadi Jesus nang di ngara, “Amai simŭnŭ, nggen di Caesar kayuh adi Caesar dapu, ka nggen di Tapa kayuh adi Tapa dapu.”

PINGANDAI 5:9

Jadi Peter nang di ayŭh, “Mani kuu ngga banŭh mu bipekat an suba Roh Tuhan? Bara daya adi ko kubur banŭh mu, madin mbŭh agi di tiban, ka ngara re tawek gŭh kuu ka sapa!”

DITRONOMI 17:2

“Nyamtadar-i angān dingah darŭm ndi so kupo kupo ngan kada dari puan kah dayung mbŭh bidosa rawan TUHAN ka miranggar simanya-I,

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.

JOSHUA 23:16

Kambŭi angān dŭh sita simanya adi TUHAN adi Tapa ngan mbŭh pesan angān da sita ka kambŭi angān bituan ka nyambah tapa tapa adi bŭkŭn, darŭm baji-I Ayŭh re ngukum angān, ka angān re rasu mating tia dŭm rŭŭ di tana adi kana ati adi Ayŭh mbŭh nggen di angān.”

JOSHUA 7:1

Pinyipesan TUHAN di Israel bada dŭh tambit so Jericho tadŭ tadŭ kayuh adi re dog pirabur dŭh dog tunda. Ndi naan daya dŭn Achan nyibireu atur anŭ, ka TUHAN meh raru baji di bara daya Israel. (Achan inŭh anak Carmi ka sukuh Zabdi, so manak Zerah, so tibaran-asar Judah.)

JOSHUA 7:10

Ka TUHAN nang di Joshua, “Makat! Mani kuu guring di tana mun anŭ?

AKIM 2:20

Sabab anŭ TUHAN baji di Israel ka nang, “Bangsa ati mbŭh miranggar simanya adi Aku mbŭh bada tayung-babuk ngara sita. Amai ngara mbŭh nyibireu Aku,

1 SAMUEL 14:38

Komŭnŭ Saul nang di bara pinguru daya-i, “Mandŭg kamati ka jiroh ani dosa adi ko dog ndai andu ati.