JOSHUA 7:1 - Hakcipta - Biatah Bidayuh

¹ Pinyipesan TUHAN di Israel bada dŭh tambit so Jericho tadŭ tadŭ kayuh adi re dog pirabur dŭh dog tunda. Ndi naan daya dŭn Achan nyibireu atur anŭ, ka TUHAN meh raru baji di bara daya Israel. (Achan inŭh anak Carmi ka sukuh Zabdi, so manak Zerah, so tibaran-asar Judah.)

JOSHUA 7:1 Iomraidhean Croise

TIBIRIK 34:27

Ripas muko siŭ ngara, anak dari Jacob adi bŭkŭn di sirapas kayuh kayuh di kupo anŭ ngga maras mangŭh adi muko dog ndai di tunduh jurud dayung ngara.

2 SAMUEL 24:1

TUHAN baji dinge di daya Israel, ka Ayŭh bada David taban pito di ngara. TUHAN nang di ayŭh, “Panu di mirang daya Israel ngga daya Judah.”

2 RAJA 5:24

Kan ngara mbŭh ndŭg sandah adi yŭn Elisha rŭŭ, Gehazi tambit duwŭh kambut anŭ ka taban-i ngga mŭrŭt ramin. Komŭnŭ ayŭh bada daya-gaji Naaman pari.

1 KRONIKEL 21:7

Tapa dŭh munos asŭng-I di kayuh adi mbŭh jadi, jadi Ayŭh ngukum Israel.

2 KRONIKEL 24:18

Ka daya mbŭh dŭh tia nyambah di Ramin TUHAN, adi Tapa tayung-babuk ngara, ka piguru nyambah tibudo ngga gayŭn tapa Asherah. Sarah ngara adi piguru dosa anŭ bada Tapa baji di Judah ngga Jerusalem.

EZRA 9:6

Aku nang, “O Tapa, aku mbŭh raru mangŭh re pakat ubak ku nyigura Kaam. Dosa ami mbŭh bitugung, bigatung so ubak ami; sopŭrŭg-i mbŭh bitugung ndŭg rangit.

JOB 35:8

Daya bŭkŭn sangsara amai dosa mu, ka pingandai kana mu turung ngara.

EKLISIASTIS 9:18

Pinyibijak kana dŭ so sinyata, pak ndi naan daya bidosa bisa pirusak raru bagŭ kayuh kana.

DANIEL 9:7

Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

LEVITICUS 10:6

Komŭnŭ Moses nang di Aaron ngga anak-i Eleazar ngga Ithamar, “Dŭhnyah tandah ubok ngan dŭh dog nyinod, puan kah nyiratak piraka ngan ngga kiren adŭp ngan ngurid. Kambŭi angān ndai simŭnŭ, angān re kabŭs, ka TUHAN re baji di sopŭrŭg daya Israel. Pak sopŭrŭg daya Israel adi bŭkŭn bisa ngurid di pinyikabŭs anŭ adi jadi so apui adi TUHAN mbŭh pait.

JONAH 1:7

Ngara adi tukang pimanu kapar nang di dingan-i, “Ja taran dadu ngga jiroh asi dapu sarah adi bada ata dog pinyusah adi mun ati.” Ngara sawŭ taran dadu, ka dŭn Jonah meh adi dog.

JOSHUA 22:16

ka minyu yŭn sopŭrŭg daya TUHAN, ngara nang di ngara, “Mani angān ndai kayuh adi arap ati rawan Tapa Israel? Angān mbŭh rawan TUHAN darŭm angān pijog mija-sambah anŭ yŭn adŭp ngan! Angān mbŭh dŭh tia tunda Ayŭh!

JOSHUA 22:18

Angān re abah tunda Ayŭh madin kah? Kambŭi angān rawan TUHAN andu ati, Ayŭh re baji di barang naan ata di Israel sipagi.

JOSHUA 22:20

Ingat munki Achan anak Zerah dŭh an tunda pinganang pasar kayuh adi mbŭh dog ngŭtŭ dŭh siŭn dŭh dog pirabur; sopŭrŭg kaum Israel dog ukum sabab anŭ. Dŭh-i Achan sadi adŭ adi kabŭs sitagar dosa-i.”