JOSHUA 4:11 - Hakcipta - Biatah Bidayuh

¹¹ Kan sopŭrŭg daya mbŭh di pah mandi Yang Jordan, bara imam adi tawid Pati Simanya TUHAN panu diŭ di jawin daya bagŭ.

JOSHUA 4:11 Iomraidhean Croise

ISAIAH 52:12

Kari ati angān dŭhsah bigaut bu; angān dŭhsah suba pirupas adŭp ngan. TUHAN adi Tapa ngan re nguru angān ka grindung angān so barang parad.

JOSHUA 24:11

Angān mutas yang Jordan ka mandŭg ka Jericho. Bara daya adi di Jericho rawan angān, simŭnŭ gŭh daya Amor, daya Periz, daya Canaan, daya Hitti, daya Girgash, daya Hivi, ka daya Jebus. Pak Aku nggen di angān pimanang ngarah ngara.

JOSHUA 3:17

Atan bara daya panu mutas di tana badŭh, bara imam adi tawid Pati Simanya mijog di tana badŭh di yun Yang Jordan ndŭg ka sopŭrŭg daya mbŭh abo mutas.

JOSHUA 3:8

Kidaan di bara imam adi tawid Pati Simanya nang, kan ngara mbŭh ndŭg sungi, ngara dŭh siŭn dŭh mūn ka piin ka rŭŭ mijog sindŭk tabing.”

JOSHUA 4:10

Bara imam mijog di yun Yang Jordan ndŭg ka sopŭrŭg kayuh mbŭh kamas dog ndai, kayuh adi TUHAN mbŭh pesan Joshua da kidaan di bara daya da ndai. Anŭ, kayuh adi Moses mbŭh pesan. Daya Israel bigaut mutas sungi anŭ.

JOSHUA 4:12

Bara daya adi so tibaran-asar Reuben ngga tibaran-asar Gad, ngga sitangah bara so tibaran-asar Manasseh, mbŭh sidia yŭn re biperang, mutas diŭ so bara adi bŭkŭn, nimun adi Moses ko kidaan di ngara.

JOSHUA 4:18

ka kan bara imam mbŭh ndŭg tabing sungi, piin sungi anŭ pari aman, ka pari ngapuh tabing-i.