JOSHUA 3:5 - Hakcipta - Biatah Bidayuh

⁵ Joshua nang di daya bagŭ, “Pibisig adŭp ngan, amai andu sipagi TUHAN re ndai pingandai-nginga di ruang ngan.”

JOSHUA 3:5 Iomraidhean Croise

JOB 1:5

Isan isan ripas barang gawai, Job an makat awar ka jugan sadis yŭn barang naan anak-i ngga pibisig ngara. Ayŭh ari ndai simŭnŭ sabab di pikir-i kadŭ agi anak-i dŭh rada adŭp-i mbŭh bidosa nang pinganang sarah rawan Tapa.

MAZMUR 77:15

Ngga kuasa Mai Kaam nyiramat daya Mai, sesang Jacob ngga sesang Joseph.

MAZMUR 86:10

Kaam inŭh bikuasa ka ndai kayuh adi saruh; Kaam sadi inŭh Tapa.

JOEL 2:16

Bada tikuruk sopŭrŭg daya; sidia ngara yŭn udung adi kudus; taban bara adi minyamba; nguruk bara anak-anya samŭn anak anak pira. Simŭnŭ gŭh ngara adi bauh ko sawan dŭh siŭn dŭh tingge birit ngara ka mandŭg.

LEVITICUS 10:3

Komŭnŭ Moses nang di Aaron, “Ati inŭh kayuh adi TUHAN mbŭh kidaan kan-I nang, ‘Sopŭrŭg daya adi bituan di Aku, dŭh siŭn dŭh an stabi di pinyikudus Ku; Aku re pinandŭng bragah Ku di daya Ku.’ ” Pak Aaron pirŭŭ adŭp-i adŭ.

LEVITICUS 20:7

Bada adŭp ngan kudus, sabab Aku ati TUHAN adi Tapa ngan.

PINYIKIANG 11:8

Manna rabu di tarun yŭn bibari singarŭm samah sipot-abun. Ngga isan isan bara daya ruah di sun-i, ngisar bait pŭh-i da jadi tibaduk, ka komŭnŭ tanŭk-i ka bada-i jadi kue-pipi. Sap-i nyam ruti adi dog ndai ngga inyo kanā.)

JOHN 17:19

Yŭn kana ngara Aku jugan adŭp Ku yŭn bituan di Kaam, siŭn ngara gŭh bisa jugan adŭp-i yŭn bituan di Kaam.

JOSHUA 3:13

Kan bara imam, adi tawid Pati Simanya TUHAN adi nguasa ndi ong ong, na kaja ngara di piin, piin Yang Jordan re ngŭndŭr, ka piin adi aman so sijo re tikandang ka tipaad di ndi yŭn.”

JOSHUA 3:4

Angān gi-bŭn di ka abong ati, jadi ngara re kiren aran di angān. Pak dŭhnyah nyindŭk Pati Simanya; bada sitangah batuh juan ngan jo so punok Pati Simanya.”

JOSHUA 3:6

Komŭnŭ ayŭh kidaan di bara imam bada tambit Pati Simanya ka taban-i ngga panu diŭ so bara daya bagŭ. Ngara ndai nimun adi ayŭh mbŭh kidaan.

JOSHUA 7:13

Makat! Pibisig sopŭrŭg ngara, ka bada ngara sidia yŭn re tikuruk bidapŭd ngga Aku. Kidaan di ngara bada sidia andu sipagi, amai Aku, TUHAN adi Tapa Israel re an minyu sakati: ‘Israel, angān mbŭh biyŭn kayuh kayuh adi Aku muko bada angān pirabur! Angān dŭh re tungang rawan pinganyu ngan kambŭi angān bayuh kubo pirabur dudu kayuh anŭ.’

1 SAMUEL 16:5

Samuel nam, “Taban damai. Aku mandŭg di jugan sadis ka TUHAN. Pibisig adŭp ngan ka sua ngga aku.” Ayŭh kidaan gŭh bada Jesse ngga bara anak dari-i pibisig adŭp ngara. Ka-i bagan ngara bada sua di ka yŭn jugan sadis.