JOSHUA 3:10 - Hakcipta - Biatah Bidayuh

¹⁰ Buang angān masang panu, Ayŭh tatu re pibu daya Canaan, daya Hitti, daya Hivi, daya Periz, daya Girgash, daya Amor, ka daya Jebus. Angān re puan nang Tapa adi udip agi di ruang ngan

JOSHUA 3:10 Iomraidhean Croise

TIBIRIK 15:21

daya Amor, daya Canaan, daya Girgash, ka daya Jebus.”

1 RAJA 22:28

“Kambŭi kaam pari ngga siramat” Micaiah nang, “rati-i TUHAN mating minyu so aku!” Ka ayŭh pijuu nang, “Dingah, sopŭrŭg ngan, kayuh adi aku mbŭh nang!”

2 RAJA 19:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang pimangŭh anŭ ka ngukum ngara adi nang pinganang anŭ. Ka bidua meh yŭn daya ta adi gibabŭ udip.”

1 KRONIKEL 1:14

Canaan gŭh tayung-babuk daya Jebus, daya Amor, daya Girgash,

MAZMUR 42:2

Aku jabŭng di Kaam, Tapa adi udip; sinde aku dapŭd di nyambah di yŭn pinyirŭŭ Mai?

MAZMUR 9:16

TUHAN mbŭh pinandŭng adŭp-I ngga ukum adat-I adi tŭnggŭn, ka daya ginaka dog nyijarat pingandai adŭp ngara.

PINYIRUAH 17:7

Tarun anŭ dog kadŭn Massah ngga Meribah, amai daya Israel mingungut buang suba TUHAN di andu ngara siken, “Agi kah TUHAN ngga ata?”

PINYIRUAH 3:8

Ngapŭi Aku mandŭg re pirupas ngara so daya Egypt ka taban ngara ruah so Egypt ka tarun tana adi bayah, adi kaya ka damŭn, adi yŭn daya Canaan, daya Hitti, daya Amor, daya Periz, daya Hivi, ka daya Jebus rŭŭ madin.

PINYIRUAH 33:2

Aku re pait malaikat da nguru angān, ka Aku re pibu daya Canaan, daya Amor, daya Hitti, daya Periz, daya Hivi, ka daya Jebus.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

JEREMIAH 10:10

Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

HOSEA 1:10

Daya Israel re mun sumat di rawŭt, rabis so tungang dog mirang bait dog ngŭkŭd. Madin Tapa nang di ngara, “Angān dŭh daya Ku,” pak andu-i re mandŭg adi ngga Ayŭh re nang di ngara, “Angān inŭh bara anak Tapa adi udip!”

PINYIKIANG 13:29

Bara daya Amalek rŭŭ di tura ka siratan tarun tana anŭ; daya Hitti, daya Jebus, ngga daya Amor rŭŭ di rais tarun tana sandah; ka bara daya Canaan rŭŭ di pang rawŭt Mediterranean, ka mapang Yang Jordan.”

MATTHEW 16:16

Simon Peter nam, “Kaam inŭh Kristus, Anak Tapa adi udip.”

JOHN 6:69

Kieh madin mbŭh sabah ka puan Kaam inŭh sianŭ adi Kudus adi mandŭg so Tapa.”

DITRONOMI 31:17

Kan kayuh adi mun anŭ jadi Aku re baji di ngara; ka Aku re tagan ngara, ka ngara re rarap. Bagŭ mun pinyirusag re dog ngara, ka ngara re rada nang sopŭrŭg kayuh anŭ nyatŭk ngara sabab Aku, adi Tapa ngara, mbŭh dŭh tia ngga ngara.

DITRONOMI 5:26

Mbŭh kah tadŭ tadŭ manusia gibabŭ udip ripas muko dingah Tapa adi udip minyu so darŭm apui?

DITRONOMI 7:1

“TUHAN adi Tapa ngan re taban angān mŭrŭt tarun tana adi angān re ngisi, ka Ayŭh re pibu bagŭ bangsa so dieh. Buang angān masang, Ayŭh re pibu ju bangsa adi bās dŭ ka bake dŭ so angān: bara daya Hitti, daya Girgash, daya Amor, daya Canaan, daya Periz, daya Hivi, ngga daya Jebus.

DITRONOMI 7:21

Ngapŭi dŭhnyah taru bara daya anŭ. TUHAN adi Tapa ngan agi ngga angān; Ayŭh inŭh Tapa adi bās ka Ayŭh inŭh adi patut ata taru.

1 THESSALONICA 1:9

Sopŭrŭg daya minyu nang angān agi nakit kambat kieh di andu kieh munan angān, ka simuki angān mbŭh bu mangān tibudo ka pari ka Tapa, an bituan di Ayŭh adi sawŭ ka adi udip.

HEBREW 10:31

Taŭn-i raru payah inŭh nŭŭh rabu ka darŭm tangan Tapa adi udip!

JOSHUA 11:3

Ayŭh pait gŭh pinganang ka daya Canaan di so-duwŭh parad yang Jordan, ka daya Amor, daya Hitti, daya Periz, daya Jebus di rais tarun tana sandah, samŭn daya Hivi adi rŭŭ di sigŭn Darŭd Hermon di tarun tana Mizpah.

JOSHUA 12:8

Tarun tana anŭ inŭh samŭn rais tarun tana sandah, sigŭn sandah tura ka barat, Rubān Jordan ngga sigŭn sigŭn sandah-i, ired ired sandah tura ka timor, ngga tarun tana badŭh tura ka siratan. Tarun tana anŭ, dawŭ-i mbŭh tarun yŭn rŭŭ daya Hitti, daya Amor, daya Canaan, daya Periz, daya Hivi, ngga daya Jebus.

JOSHUA 21:45

TUHAN bada bitŭtŭk sopŭrŭg janji adi Ayŭh mbŭh ndai ngga daya Israel.

JOSHUA 22:31

Phinehas, anak imam Eleazar, nang di ngara, “Madin ata puan TUHAN agi ngga ata. Angān mating rawan Ayŭh, ka angān mbŭh nyiramat daya Israel so ukum TUHAN.”

JOSHUA 24:11

Angān mutas yang Jordan ka mandŭg ka Jericho. Bara daya adi di Jericho rawan angān, simŭnŭ gŭh daya Amor, daya Periz, daya Canaan, daya Hitti, daya Girgash, daya Hivi, ka daya Jebus. Pak Aku nggen di angān pimanang ngarah ngara.

JOSHUA 3:9

Komŭnŭ Joshua nang di daya bagŭ, “Mandŭg kamati, ka nyiringa di kayuh adi TUHAN adi Tapa ngan nang.

JOSHUA 9:1

Pimanang daya Israel darŭm perang mbŭh dog puan bara raja adi rŭŭ tura ka barat Jordan — di gadung sandah, di sigŭn dudu sandah, ka di ndi abong tarun rabak mapang Rawŭt Mediterranean jeh ka utara ndŭg Lebanon. Ngara anŭ inŭh raja daya Hitti, raja daya Amor, raja daya Canaan, raja daya Periz, raja daya Hivi, ngga raja daya Jebus.

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 26:6

Komŭnŭ David siken Ahimelech adi daya Hitti, ka Abishai adi jurud Joab (sindŭ ngara Zeruiah), “Asi so angān duwŭh adi re di ayō aku ka bari Saul?” “Aku,”Abishai nam.