JOSHUA 22:5 - Hakcipta - Biatah Bidayuh

⁵ Ingat nakit nŭh adŭp ngan tunda ukum-adat adi Moses mbŭh pesan angān bada tunda: rindu TUHAN adi Tapa ngan, ndai pinyiraan-I, tunda Pinyipesan-I, tŭtŭd di Ayŭh, ka bituan di Ayŭh ngga siabo atin ka ngga siabo simangi ngan.”

JOSHUA 22:5 Iomraidhean Croise

MAZMUR 106:3

Sanang inŭh ngara adi tunda pinyipesan-I, adi siraru ndai kayuh adi batur.

MAZMUR 78:7

Ngga simŭnŭ ngara gŭh re na pinyabah ngara di Tapa ka dŭh kambŭt kayuh adi-I mbŭh ndai, pak siraru tunda Pinyipesan-I.

PINYIRUAH 15:26

Ayŭh nang, “Kambŭi angān an tunda pinganang Ku ngga ndai anŭ adi Aku nang batur ka sita pesan Ku, Aku dŭh re ngukum angān ngga tadŭ mun andam anŭ adi Aku ko bada dog daya Egypt. Aku ati TUHAN adi pibua angān.”

PINYIRUAH 20:6

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

PINYIRUAH 23:13

“Tunda meh sopŭrŭg kayuh adi Aku adi TUHAN ngan mbŭh nang di angān. Dŭhnyah bidua ka tapa bŭkŭn; nyabŭt dŭn ngara dŭhnyah gŭh.

PINYIRUAH 23:25

Kambŭi angān nyambah Aku adi TUHAN ngga Tapa ngan, Aku re nyiberkat angān ngga pinguman ngga piin ka kadi sopŭrŭg andam udar ngan.

PITAS 4:23

Nakit kingat munki kuu bipikir; pimudip mu tunda suan pikir-kira mu.

ISAIAH 55:2

Mani miris kayuh adi dŭh pimunos asŭng? Mani nyiraja yŭn kayuh adi dŭh bada nŭŭh bisoh? Dingah Aku ka ndai kayuh adi Aku bada, ka angān re munos man pinguman adi siabo sidi.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

MATTHEW 22:37

Jesus nam, “ ‘Rindu Tuhan adi Tapa mu ngga siabo atin mu, ngga siabo asŭng mu, ka ngga siabo pikir mu.’

MATTHEW 4:10

Ka Jesus nam, “Bu, Shetan! Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

MATTHEW 6:24

“Mating daya bisa jadi urun duwŭh naan tuan; ayŭh re tiru di sianŭ ndi ka rindu di sianŭ ndi; ayŭh re tŭtŭd ngga sianŭ ndi ka ngamun sianŭ ndi. Angān dŭh bisa bituan di Tapa buang bituan di duit.

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 14:15

“Kambŭi angān rindu Aku, angān tatu an sita Pinyipesan Ku.

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 27:23

Amai singumi malaikat Tapa ku adi aku nyambah agi mandŭg ka aku.

ROME 1:9

Tapa inŭh saksi kayuh adi aku nang agi sawŭ; darŭm aku nyuse Agah Kana pasar Anak-I aku bituan di Ayŭh adi Tapa ngga siabo atin ku. Tapa puan aku ingat angān

ROME 12:9

Pinyirindu dŭh siŭn dŭh an so atin tŭnggŭn. Tiru di kayuh adi arap, ka bidigŭng tagap di kayuh adi kana.

ROME 8:28

Ata puan nang Tapa ngatur sopŭrŭg kayuh yŭn kana sopŭrŭg daya adi rindu Ayŭh, daya adi-I ko bagan nimun ka tujuan-I.

DITRONOMI 10:20

Stabi di TUHAN adi Tapa ngan, ka nyambah Ayŭh sadi adŭ. Tŭtŭd di Ayŭh ka ndai janji ngan darŭm adŭn-I sadi adŭ.

DITRONOMI 11:1

“Rindu TUHAN adi Tapa ngan ka ari tunda sopŭrŭg ukum adat-I.

DITRONOMI 11:13

“Ngapŭi, tunda sopŭrŭg pesan adi aku mbŭh nggen di angān andu ati; rindu TUHAN adi Tapa ngan ka bituan di Ayŭh ngga siabo abo atin ngan.

DITRONOMI 11:22

“Tunda ngga atin tŭtŭd sopŭrŭg kayuh adi aku mbŭh pesan di angān: Rindu TUHAN adi Tapa ngan, ndai sopŭrŭg kayuh adi-I pesan, ka tŭtŭd di Ayŭh.

DITRONOMI 13:4

Tunda TUHAN ka stabi di ayŭh; nurut pinganang-I ka sita pinyipesan-I; nyambah Ayŭh ka tŭtŭd di Ayŭh.

DITRONOMI 4:29

Diginŭ angān re jiroh TUHAN adi Tapa ngan, ka kambŭi angān jiroh Ayŭh ngga siabo atin ngan, angān re dapŭd ayŭh.

DITRONOMI 4:4

pak sinadan angān adi tŭtŭd di TUHAN adi Tapa ngan, gibabŭ udip ndŭg andu ati.

DITRONOMI 4:6

Sita-i ngga atin tŭtŭd, ka simŭnŭ angān re kiren di bangsa bangsa bŭkŭn munki masam bijak angān. Kan ngara dingah sopŭrŭg ukum-adat anŭ, ngara re nang, ‘Sawŭ bijak ngga mirati bangsa adi bās anŭ!’

DITRONOMI 4:9

Ari bijaga! Ingat batur batur ka dŭhnyah kambŭt, sitŭkŭd udip ngan, kayuh adi angān muko kiris ngga batuh adŭp ngan. Kidaan di bara anak ngan ngga di bara anak sukuh ngan,

DITRONOMI 5:10

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

DITRONOMI 6:17

Ingat nakit angān dŭh siŭn dŭh tunda sopŭrŭg ukum-adat adi Ayŭh muko nggen di angān.

HEBREW 12:15

Ingat dŭhnyah angān ngundur so pinyirasi-mandis Tapa. Dŭhnyah angān jadi mun anak tŭngŭn kayuh adi pa'it adi taban bagŭ pinyusah ngga rasun-i.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

JOSHUA 23:8

Angān patut tŭtŭd di TUHAN, nimun adi mbŭh ndŭg madin.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!

1 SAMUEL 12:20

“Dŭhnyah taru,” Samuel nam. “Sunggu angān mbŭh ndai pingandai adi sarah mun anŭ, dŭhnyah angān nyipunok TUHAN, pak bituan di Ayŭh ngga siabo atin ngan.

1 SAMUEL 12:24

Dingah pinganang TUHAN ka tŭtŭd bituan di Ayŭh ngga siabo atin ngan. Ingat kayuh bās adi Ayŭh mbŭh ndai yŭn ngan.

1 SAMUEL 7:3

Samuel nang di daya Israel, “Kambŭi angān an pari ka TUHAN ngga siabo atin ngan, angān dŭh siŭn dŭh taran sopŭrŭg tapa saruh ngga gayŭn gayŭn tapa Astart. Nitah adŭp ngan ngga sipuno puno-i ka TUHAN ka nyambah Ayŭh sadi adŭ, ka Ayŭh re piruah angān so kuasa daya Philistine.”