JOSHUA 21:43 - Hakcipta - Biatah Bidayuh

⁴³ Jadi TUHAN nggen di daya Israel sopŭrŭg tana anŭ adi Ayŭh muko bijanji ngga tayung-babuk ngara an nggen di ngara. Kan ngara mbŭh tambit tana anŭ, ngara rŭŭ diginŭ.

JOSHUA 21:43 Iomraidhean Croise

TIBIRIK 12:7

TUHAN nandŭng di Abram ka nang di ayŭh, “Ati inŭh tarun tana adi Aku re nggen di bara sesang mu.” Komŭnŭ Abram ndai ndi mija-sambah yŭn TUHAN diginŭ, adi ko nandŭng di ayŭh.

TIBIRIK 13:15

Aku re nggen di kuu ngga di sopŭrŭg sesang mu, sopŭrŭg tarun tana adi kuu kiris anŭ, ka-i re adu adu jadi tung jamu.

TIBIRIK 28:4

Isa-i Ayŭh nyiberkat kuu samŭn bara sesang mu, nimun Ayŭh mbŭh nyiberkat Abraham, ka isa-i kuu dapu tarun tana ati adi yŭn mu ko rŭŭ ka adi Tapa ko nggen di Abraham!”

2 KRONIKEL 20:8

Ngara mbŭh rŭŭ digiti ka mbŭh pijog ndi ramin yŭn nyambah Kaam, puan

NEHEMIAH 9:24

Ngara tambit tarun tana Canaan; Kaam ngarah daya adi rŭŭ diginŭ. Kaam nggen di daya Mai kuasa ngga ndai ani ani adi ngara raan di daya ka raja raja di Canaan.

NEHEMIAH 9:8

Kaam dapŭd ayŭh tŭtŭd di Kaam, ka Kaam ndai simanya ngga ayŭh. Kaam bijanji an nggen di ayŭh tana daya Canaan, tana daya Hitti ngga daya Amor, tana daya Periz, daya Jebus, ka daya Girgash, bada jadi tana di yŭn bara sesang-i rŭŭ. Kaam ingat janji Mai, sabab Kaam inŭh tŭtŭd.

MAZMUR 105:8

Ayŭh re digŭng simanya-I adu adu, janji-I yŭn siribu turap manusia.

MAZMUR 44:3

Daya Mai dŭh ngarah tarun tana anŭ ngga pedang; ngara dŭh dapŭd-i ngga kuasa adŭp ngara; pak ngga kuasa ka pinyibake Mai, ngga Kaam adi sawŭ agi ngga ngara, adi kiren Kaam rindu ngara.

MAZMUR 78:55

Ayŭh pibu daya adi rŭŭ di tarun tana anŭ darŭm daya-I masang mŭrŭt; Ayŭh kutung tana ngara di dupan tibaran tibaran-asar Israel ka nggen ramin arŭn ngara di daya-I.

PINYIRUAH 3:8

Ngapŭi Aku mandŭg re pirupas ngara so daya Egypt ka taban ngara ruah so Egypt ka tarun tana adi bayah, adi kaya ka damŭn, adi yŭn daya Canaan, daya Hitti, daya Amor, daya Periz, daya Hivi, ka daya Jebus rŭŭ madin.

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

PINYIKIANG 33:53

Ngisi tarun tana anŭ ka rŭŭ diginŭ, sabab Aku nggen-i di angān.

PINYIKIANG 34:2

atur-adat ati yŭn bara daya Israel: “Kan angān mŭrŭt Canaan, tarun tana adi Aku nggen di angān, baat baat tarun tana ngan re simuti:

DITRONOMI 11:31

Angān madin mbŭh aŭn re mutas Yang Jordan ka ngisi tarun tana adi TUHAN adi Tapa ngan nggen di angān. Kan angān tambit-i ka rŭŭ diginŭ,

DITRONOMI 12:29

“TUHAN adi Tapa ngan re pirabur sinadan bangsa adi angān nyerang tana-i, ka angān re ngisi-i ka rŭŭ dieh.

DITRONOMI 17:14

“Ripas angān mbŭh tambit tarun tana adi TUHAN adi Tapa ngan nggen di angān ka mbŭh bituku rŭŭ diginŭ, angān re natu adŭp ngan biyŭn raja mun sopŭrŭg bangsa bŭkŭn adi maning angān.

DITRONOMI 34:4

Ka TUHAN nang di Moses, “Anŭ inŭh tarun tana adi Aku mbŭh bijanji di Abraham, Isaac, ngga Jacob an nggen di sesang ngara. Aku mbŭh bada kuu ninjau-i adŭ, pak Aku dŭh re bada kuu di kamanŭ.”

JOSHUA 1:6

Kuu dŭh siŭn dŭh birani ka dŭhnyah bada atin mu arot, amai kuu adi re jadi pinguru ngara ati darŭm ngara ngisi tarun tana adi Aku mbŭh bijanji di tayung-babuk ngara.

AKIM 11:24

Kuu re suba tambit-i pari kah? Kuu bisa nyikŭn sopŭrŭg kayuh adi Chemosh tapa ngan mbŭh nggen di angān. Pak kieh taŭn re dapu sopŭrŭg anŭ adi TUHAN, Tapa ami, mbŭh tambit yŭn ami.

1 SAMUEL 12:8

Kan Jacob ngga rawang-i di ka Egypt ka daya Egypt kinanyuh ngara, tayung-babuk ngan bagan ka TUHAN mite turung, ka Ayŭh pait Moses ngga Aaron, adi taban ngara ruah so Egypt ka bada ngara rŭŭ di tarun tana ati.