JOSHUA 18:16 - Hakcipta - Biatah Bidayuh

¹⁶ So nŭ baat anŭ mūn ka sigŭn darŭd adi muā Rubān Hinnom, di tŭbŭn Rubān Rephaim tura ka utara. Komŭnŭ baat anŭ nuju siratan kadŭg Rubān Hinnom, tura ka siratan dūg Jebus nuju Enrogel.

JOSHUA 18:16 Iomraidhean Croise

2 SAMUEL 17:17

Jonathan anak Abiathar ngga Ahimaaz anak Zadok agi kajŭn di rubang piin Enrogel, di sapa Jerusalem, sabab ngara dŭh raan dog kiris mŭrŭt kupo anŭ. Ndi naan daya-gaji adi dayung, siraru-i di ka kidaan di ngara kayuh adi mbŭh jadi, ka komŭnŭ ngara di kidaan di Raja David.

2 SAMUEL 5:18

Bara daya Philistine mbŭh ndŭg Rubān Rephaim ka rŭŭ diginŭ.

1 RAJA 1:9

Ndi andu Adonijah jugan sadis biri, dari sapi, ka anak anak sapi di Batuh Jippŭh, sindŭk rubang piin Enrogel. Ayŭh bagan bara anak dari Raja David adi bŭkŭn ka bara pinurung raja adi so Judah, bada mandŭg ka gawai sadis anŭ,

2 RAJA 23:10

Raja Josiah nyembar gŭh Topheth, tarun yŭn bisambah adat karŭm di Rubān Hinnom, isa daya dŭh dapŭd nyadis anak dari bait anak dayung ngara ndu sadis badang ka tapa Molech.

1 KRONIKEL 14:9

Daya Philistine mandŭg di rubān Rephaim ka piguru mirupak.

2 KRONIKEL 28:3

badang kimanyan di Rubān Hinnom, ka badang anak anak adŭp-i ndu sadis yŭn tibudo, nanya adat sipŭ daya adi TUHAN muko pibu so tarun tana anŭ di tipuh daya Israel masang mŭrŭt-i.

2 KRONIKEL 33:6

Ayŭh nyadis anak anak dari adŭp-i di Rubān Hinnom ndu sadis badang. Ayŭh nanung ka ndai biruri karŭm ka bisiken ngga daya adi pandai kidaan nasip ka ngara adi pandai minyu ngga simangi daya adi mbŭh kabŭs. Ayŭh mbŭh bana bidosa rawan TUHAN ka mbŭh kinuas Ayŭh.

ISAIAH 30:33

Ndun jah agi ndi tarun yŭn muko dog sidia yŭn badang raja-empaya Assyria. Tarun yŭn anŭ tŭrŭp ka bayah ka puno ngga tugung uwang ungon. TUHAN re ngasŭng ka piruah jireb apui ngga badang tugung uwang ungon anŭ.

JEREMIAH 19:11

ka bada aku kidaan di ngara nang TUHAN Bisa-pŭrŭg mbŭh nang, “Aku re pirandŭk bara daya ati ngga kupo ati, ka-i re jadi mun pape tipayan anŭ ka dŭh dapŭd dog ndai bada pari kana. Daya re kubur dingan ngara adi kabŭs di Topheth ani, sabab mating tarun bŭkŭn re yŭn kubur ngara.

JEREMIAH 19:2

ngga ruah so Tiban Potsherd di ka Rubān Hinnom. Diginŭ aku dŭh siŭn dŭh piagah pinganang adi-I bada aku taban.

JEREMIAH 19:6

Ngapŭi meh, tika-i re mandŭg adi ngga tarun ati re dŭh tia dog kadŭn Topheth bait Rubān Hinnom. Tarun ati re dog kadŭn Rubān Siŭ.

JEREMIAH 32:35

Ngara mbŭh pijog mija mija-sambah yŭn Baal di Rubān Hinnom, yŭn nyadis anak anak dari ngga anak anak dayung ngara ka tapa Molech. Aku mating pesan ngara bada ndai simŭnŭ, ka bŭn-i di pikir Ku nang ngara re ndai kayuh adi mun anŭ ngga bada daya Judah bidosa.”

JOSHUA 15:63

Pak bara daya Judah dŭh tungang pibu bara daya Jebus, adi rŭŭ di Jerusalem. Bara daya Jebus gibabŭ rŭŭ diginŭ ngga bara daya Judah.

JOSHUA 18:28

Zela, Haeleph, Jebus (puan kah Jerusalem), Gibeah ngga Kiriath Jearim: Simŭng pat kupo, ngga anak anak kupo adi maning-i. Anŭ inŭh tana adi bara rawang tibaran-asar Benjamin trima jadi utung ngara.

AKIM 1:21

Pak daya tibaran-asar Benjamin dŭh pibu daya Jebus adi rŭŭ di Jerusalem, sabab anŭ meh daya Jebus babŭ diginŭ ndŭg madin, bigaur ngga daya Benjamin.

AKIM 1:8

Daya Judah nyerang Jerusalem ka sirabut-i. Ngara siŭ bara daya adi darŭm-i, ka sigot kupo anŭ.

AKIM 19:10

Pak daya Levi anŭ abah nyirŭmŭn dinge diginŭ, ka ayŭh ngga dayung nyikŭn-i panu adŭ, ngga daya-gaji ngara ka ngga duwŭh kaldi anŭ adi mbŭh dog na tapas-pinyiguru dieh. Andu mbŭh rambat kan ngara mbŭh re ndŭg Jebus, (anŭ inŭh Jerusalem). Ka daya-gaji anŭ nang di tuan-i, “Mani ata dŭh rŭŭ adŭ ka nyirŭmŭn di kupo daya Jebus ati?”