JOSHUA 18:14 - Hakcipta - Biatah Bidayuh

¹⁴ Baat anŭ pijuu ka biruit nuju siratan piguru so tura ka barat darŭd anŭ ka nuju Kiriath Baal (puan kah Kiriath Jearim) adi tibaran-asar Judah dapu. Anŭ inŭh baat tura ka barat.

JOSHUA 18:14 Iomraidhean Croise

2 SAMUEL 6:2

Ayŭh nguru ngara ka Baalah di Judah, siŭn taban so nŭ Pati Simanya Tapa, adi dog kadŭn TUHAN Bisa-pŭrŭg, adi bitakta di tunduh cherubim.

JOSHUA 15:60

Ka agi gŭh Kiriath Baal (puan kah Kiriath Jearim) ngga Rabbah: duwŭh kupo, samŭn anak anak kupo maning-i.

JOSHUA 15:9

So nŭ baat anŭ ndŭg rubang rubang piin Nephtoah ka ruah tambus kupo kupo adi sindŭk Darŭd Ephron. Diginŭ ayŭh biruit nuju Baalah (puan kah Kiriath Jearim),

JOSHUA 18:13

Baat anŭ nuju ired sandah di tura ka siratan Luz (adi dŭn Bethel gŭh), ka mūn nuju Ataroth Addar, di darŭd tura ka siratan di Saba Beth Horon.

JOSHUA 18:15

Baat di siratan, piguru so bŭngŭn Kiriath Jearim ka nuju Rubang Rubang piin Nephtoah.

JOSHUA 9:17

Jadi bara daya Israel matak ka panu, ka taruh andu ripas anŭ ngara mandŭg ka kupo kupo adi yŭn ngara anŭ rŭŭ: Gibeon, Chephirah, Beeroth, ka Kiriath Jearim.

1 SAMUEL 13:18

anŭ ndi matak nuju Beth Horon, ka adi ndi matak nuju baat adi nura Rubān Zeboim ngga tarun tana-pajam.