JOSHUA 17:18 - Hakcipta - Biatah Bidayuh

¹⁸ Rais tarun tana sandah anŭ re jadi tung jangān. Sawŭ sunggu-i gibabŭ tarun, angān re sayan-i ka dapu-i so bŭngŭn ndi ndŭg bŭngŭn andi. Jeja ka daya Canaan anŭ, angān re pibu ngara so nŭ, sunggu ngara daya adi bake ka biyŭn krita krita kuda adi dog ndai so basi.”

JOSHUA 17:18 Iomraidhean Croise

TIBIRIK 49:24

Pak jangi bawŭh babŭ kana, ka tangan-i tanŭ ka jadi bake ngga kuasa Tapa Jacob, adi Bikuasa, ngga Pingingat-biri adi jadi Pinyigrindung Israel.

2 SAMUEL 18:6

Bara soldadu David di ka sapa rais ka bisaad ngga daya Israel di Tarun Ephraim.

ROME 8:31

Darŭm ko dingah sopŭrŭg anŭ, ani re ta bisa nang? Kambŭi Tapa agi ngga ata, asi re tungang rawan ata?

ROME 8:37

Dŭh, di sopŭrŭg kayuh anŭ ata biyŭn sukup pimanang so ka Ayŭh adi rindu ata.

DITRONOMI 33:17

Joseph biyŭn pinyibake dari sapi, ka biyŭn tanduk dari sapi tarun, tanduk-i inŭh sesang manasseh adi biribu ribu, ka sesang Ephraim bipuru ribu. Ngga ngara Ayŭh nanduk bagŭ bangsa daya, ka turak ngara ndŭg bŭngŭn ong.”

HEBREW 13:6

Jadi pus meh ata, ka nang, “Tuhan inŭh pinurung ku, Aku dŭh re taru. Ani meh bisa daya ndai di tunduh ku?”

JOSHUA 13:6

Anŭ samŭn sopŭrŭg tarun tana daya Sidon, adi rŭŭ di rais tarun tana sandah di asah dudu Darŭd Lebanon ngga Misrephoth Maim. Aku re pibu sopŭrŭg ngara anŭ kan bara daya Israel nyerang ngara. Kuu dŭh siŭn dŭh kutung tarun tana anŭ dupan bara daya Israel, nimun adi Aku muko pesan di kuu.

JOSHUA 15:9

So nŭ baat anŭ ndŭg rubang rubang piin Nephtoah ka ruah tambus kupo kupo adi sindŭk Darŭd Ephron. Diginŭ ayŭh biruit nuju Baalah (puan kah Kiriath Jearim),

JOSHUA 17:17

Joshua nang di tibaran-asar Ephraim ngga tibaran-asar Manasseh Barat, “Sawŭ bagŭ angān, ka angān mbŭh raru bake gŭh. Angān re trima rabis so ndi utung.

JOSHUA 20:7

Jadi sabab anŭ meh di tura ka barat yang Jordan ngara miratak kupo Kadesh adi di Galilee, di rais tarun tana sandah Naphtali; kupo Shechem, di rais tarun tana sandah Ephraim; ka kupo Hebron, di rais tarun tana sandah Judah.

1 SAMUEL 1:1

Agi ndi naan daya dŭn Elkanah, adi so tibaran-asar Ephraim. Ayŭh rŭŭ di kupo Ramah di rais tarun tana sandah Ephraim. Ayŭh inŭh anak dari Jeroham ka sukuh Elihu, so rawang Tohu kada manak Zuph.