JOSHUA 14:9 - Hakcipta - Biatah Bidayuh

⁹ Amai aku mbŭh ndai simŭnŭ, Moses bijanji ngga aku nang bara anak ku ngga adŭp ku taŭn sawŭ re trima tarun tana adi muko ku kudak jadi utung jami.

JOSHUA 14:9 Iomraidhean Croise

MAZMUR 37:9

Ngara adi sabah di TUHAN re dapu tarun tana ati, pak adi ginaka re dog pibu.

PINYIKIANG 13:22

Ngara diŭ di ka siratan tarun tana anŭ ka mandŭg ka Hebron, di yŭn tibaran manak Ahiman, Sheshai, ngga Talmai adi bara sesang bangsa daya grigasi adi dog kadŭn Anakim rŭŭ. (Hebron inŭh kupo adi dog pijog ju sawa diŭ so Zoan di Egypt.)

DITRONOMI 1:36

Adŭ-i Caleb anak Jephunneh adi bisa mŭrŭt kamanŭ. Ayŭh agi sawŭ tŭtŭd di Aku, ka Aku re nggen di ayŭh ngga di bara sesang-i tarun tana anŭ adi muko-i pirasa.’

DITRONOMI 11:24

Sopŭrŭg tarun tana adi angān kudak re jadi tung jangān. Buka tarun tana ngan re so tarun tana-pajam tura ka siratan jeh ndŭg Darŭd Darŭd Lebanon tura ka utara, ka so Yang Euphrates di timor jeh ndŭg Rawŭt Mediterranean di barat.

JOSHUA 1:3

Nimun adi Aku mbŭh kidaan di Moses, Aku nggen di kuu ngga di sopŭrŭg daya Ku sopŭrŭg tarun tana adi angān re kudak anŭ.

JOSHUA 14:10

Pak madin, tingga meh, mbŭh pat puru-rimŭh sawa so andu TUHAN muko nang kayuh anŭ di Moses. Anŭ inŭh di tipuh bara daya Israel bigandon mutas tarun tana-pajam, ka TUHAN, nanyam janji-I, mbŭh bada aku babŭ udip ndŭg madin. Tingga aku! Aku madin mbŭh mai puru-rimŭh sawa

AKIM 1:20

Jadi, nimun adi Moses muko pesan, Hebron dog nggen di Caleb, adi mbŭh pibu taruh manak adi so sesang Anak so dieh.