JOSHUA 14:12 - Hakcipta - Biatah Bidayuh

¹² Ngapŭi meh, nggen di aku rais tarun tana sandah anŭ adi TUHAN mbŭh bijanji an nggen di aku di andu aku ngga bara daya ku nggen pinyiripot ami pasar tarun tana anŭ. Kieh kidaan di kaam nang bangsa grigasi adi dog kadŭn Anakim agi rŭŭ diginŭ darŭm kupo kupo adi bikuta. Kadŭ-i TUHAN re agi ngga aku, ka aku re pibu ngara so nŭ nanyam adi TUHAN muko nang.”

JOSHUA 14:12 Iomraidhean Croise

2 RAJA 19:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang pimangŭh anŭ ka ngukum ngara adi nang pinganang anŭ. Ka bidua meh yŭn daya ta adi gibabŭ udip.”

2 KRONIKEL 14:11

Asa bidua ka TUHAN adi Tapa-i, “O TUHAN, Kaam dapŭd turung bara tibaran soldadu adi ramah ngarah anŭ adi rabis bake. Turung kieh madin, O TUHAN Tapa ami, sabab kieh bisangan di Kaam, ka ngga adŭn Mai kieh mbŭh ruah di rawan soldadu ati adi raru bagŭ. TUHAN, Kaam inŭh Tapa; mating daya re birani nang adŭp-i an ngarah Kaam.”

MAZMUR 44:3

Daya Mai dŭh ngarah tarun tana anŭ ngga pedang; ngara dŭh dapŭd-i ngga kuasa adŭp ngara; pak ngga kuasa ka pinyibake Mai, ngga Kaam adi sawŭ agi ngga ngara, adi kiren Kaam rindu ngara.

MAZMUR 60:12

Amai Tapa turung kieh, kieh re manang; Ayŭh re ngarah pinganyu ami.

PINYIKIANG 13:28

Pak daya adi rŭŭ diginŭ agi raru bake, ka kupo kupo ngara agi bayah buang bikuta; nambah anŭ dinge kieh kiris sesang grigasi diginŭ.

PINYIKIANG 13:33

Kieh agi gŭh kiris bara grigasi diginŭ, adi bara sesang Anak. Kieh nyam adi raru sŭ mun kadis, ka tatu simŭnŭ inŭh kieh dog kiris ngara.”

PINYIKIANG 21:34

TUHAN nang di Moses, “Dŭhnyah taru ayŭh. Aku re nggen di kuu pimanang. Kuu re ngarah ayŭh, sopŭrŭg daya-i ngga tana-i. Ndai di ayŭh anŭ adi kuu mbŭh ndai di Sihon, raja daya Amor adi mritah di Heshbon.”

ROME 8:31

Darŭm ko dingah sopŭrŭg anŭ, ani re ta bisa nang? Kambŭi Tapa agi ngga ata, asi re tungang rawan ata?

DITRONOMI 1:28

Mani ata sah mŭrŭt kamanŭ? Ata taru. Ngara adi pait ta kidaan di ata nang daya adi rŭŭ di tarun tana anŭ agi baga bigatung buang bake so ata, ka nang ngara rŭŭ darŭm kupo kupo adi bikuta bigatung ndŭg rangit. Ngara kiris grigasi diginŭ!’

DITRONOMI 9:1

“Dingah, bara daya Israel! Madin angān mbŭh re mutas Yang Jordan ka ngisi tarun tana anŭ adi dog dapu bangsa bangsa adi rabis bās ka rabis bake so angān. Kupo kupo ngara bayah ka biyŭn sindung sindung adi bigatung ndŭg rangit.

DITRONOMI 9:3

Pak madin adŭp ngan re kiris TUHAN adi Tapa ngan re panu diŭ so angān mun apui adi bijagu. Ayŭh re ngarah ngara buang angān masang, isa angān pibu ngara ka rikas pirabur ngara, nanyam janji-I.

PHILIPPI 4:13

Aku biyŭn pinyibake so kuasa adi Kristus mbŭh nggen di aku ngga nura sopŭrŭg kayuh.

HEBREW 11:33

Ngga Pinyabah ngara nyerang ka ngarah barang rais. Ngara ndai kayuh adi batur ka kambat kayuh adi Tapa ko bijanji an nggen. Ngara tŭŭp baba singah,

JOSHUA 15:14

Caleb pibu bara sesang Anak so kupo anŭ — bara manak Sheshai, Ahiman, ngga Talmai.

AKIM 1:20

Jadi, nimun adi Moses muko pesan, Hebron dog nggen di Caleb, adi mbŭh pibu taruh manak adi so sesang Anak so dieh.

1 SAMUEL 14:6

Jonathan nang di bujang dari anŭ, “Ja ata di ka bari daya Philistine, daya adi dŭh puan Tapa. Kadŭ TUHAN re turung ata; kambŭi Ayŭh turung, Ayŭh re nggen di ata pimanang, nisŭ bait kani bara ta.”