JOSHUA 13:6 - Hakcipta - Biatah Bidayuh

⁶ Anŭ samŭn sopŭrŭg tarun tana daya Sidon, adi rŭŭ di rais tarun tana sandah di asah dudu Darŭd Lebanon ngga Misrephoth Maim. Aku re pibu sopŭrŭg ngara anŭ kan bara daya Israel nyerang ngara. Kuu dŭh siŭn dŭh kutung tarun tana anŭ dupan bara daya Israel, nimun adi Aku muko pesan di kuu.

JOSHUA 13:6 Iomraidhean Croise

MAZMUR 80:8

Kaam taban tŭngŭn anggor ruah so Egypt; Kaam pibu bangsa bangsa adi bŭkŭn ka purun-i di tana ngara.

PINYIKIANG 33:54

Kutung tarun tana anŭ dupan tibaran tibaran-asar ngga manak manak pakai dadu. Nggen utung baga di manak adi baga, ka utung siit di manak adi siit.

JOSHUA 1:6

Kuu dŭh siŭn dŭh birani ka dŭhnyah bada atin mu arot, amai kuu adi re jadi pinguru ngara ati darŭm ngara ngisi tarun tana adi Aku mbŭh bijanji di tayung-babuk ngara.

JOSHUA 11:12

Joshua sirabut sopŭrŭg kupo anŭ ngga raja raja-i, siŭ barang naan daya, nimun adi Moses, adi urun TUHAN mbŭh pesan.

JOSHUA 11:8

TUHAN nggen pimanang di Israel ngarah ngara. Bara daya Israel nyerang ka tadak ngara jeh ndŭg Misrephoth Maim ngga Sidon tura ka utara, jeh ndŭg Rubān Mizpah tura ka timor. Perang anŭ dŭh rŭŭ rŭŭ ndŭg ka ndi naan pinganyu ngara mating gŭh dŭm.

JOSHUA 13:7

Ngapŭi kutung meh tarun tana anŭ dupan tibaran-asar adi dŭm prii, ngga di sitangah tibaran-asar Manasseh, yŭn jadi tana adi ngara dapu.”

JOSHUA 23:13

angān re tatu puan nang TUHAN Tapa ngan re dŭh tia pibu bangsa bangsa anŭ darŭm angān masang. Bangsa bangsa anŭ re jadi pinyusah di angān keya ka jarat bait rubang, ka re mandam nyam pasut di punok ngan puan kah reja di batŭh ngan. Ka anŭ re tui ndŭg ka angān mbŭh mating tia dŭm di tarun tana adi kana ati adi TUHAN adi Tapa ngan mbŭh nggen di angān.

JOSHUA 23:4

Aku mbŭh pirutung ndu utung bara tibaran-asar ngan tarun tana bangsa bangsa ati adi gibabŭ dŭm, simŭnŭ gŭh tarun tana bangsa adi aku muko ngarah, so Yang Jordan adi di Timor ndŭg ka Rawŭt Mediterranean di tura ka barat.

JOSHUA 23:5

TUHAN adi Tapa ngan re bada ngara ngundur so angān, ka Ayŭh re pibu ngara darŭm angān masang. Angān re dapu tana ngara, nanyam adi TUHAN adi Tapa ngan mbŭh bijanji re nggen di angān.