JOSHUA 13:13 - Hakcipta - Biatah Bidayuh

¹³ Sunggu mŭnŭ bara daya Israel dŭh pibu bara daya Geshur ngga daya Maacah; ngara gibabŭ rŭŭ di Israel.

JOSHUA 13:13 Iomraidhean Croise

TIBIRIK 35:22

Sitadŭn Jacob rŭŭ di tarun tana anŭ, Reuben raban ngga Bilhah, ndi so dayung nyikŭn sama-i; Jacob raru baji kan-i dingah kayuh anŭ. Jacob biyŭn simŭng-duwŭh madis anak dari.

2 SAMUEL 10:6

Daya Ammon rada adŭp ngara mbŭh bada David jadi pinganyu ngara, jadi ngara ngupah 20,000 naan soldadu daya Syria so Bethrehob ngga Zobah, 12,000 naan daya so Tob, samŭn raja so Maacah ngga 1,000 daya-i.

2 SAMUEL 3:3

Chileab, sindŭ-i Abigail, uban Nabal, so Carmel; Absalom, sindŭ-i Maacah, anak dayung Raja Talmai so Geshur;

PINYIKIANG 33:55

Pak kambŭi angān dŭh pibu daya adi rŭŭ diginŭ, ngara anŭ adi dŭm diginŭ re jadi pinyusah keya ka taŭn di batuh ngan ka reja di tigang ngan, ka re makat rawan angān.

DITRONOMI 3:14

Jair, so tibaran-asar Manasseh, tambit ndi tarun tana Argob, anŭ inŭh Bashan, jeh ndŭg baat Geshur ngga Maacah. Ayŭh kadŭn anak anak kupo anŭ tunda dŭn adŭp-i, ka gibabŭ dog kadŭn kupo kupo Jair.)

JOSHUA 12:5

Tarun adi-i mritah inŭh samŭn Darŭd Hermon, Salecah, ngga sopŭrŭg tarun tana Bashan jeh ndŭg baat Geshur ngga Maacah, samŭn sitangah tarun tana Gilead, jeh ndŭg tarun tana Raja Sihon di Heshbon.

JOSHUA 13:11

Samŭn tarun tana Gilead, gadung Geshur ngga Maacah, ndi abong abong Darŭd Hermon, samŭn ndi abong abong Bashan, jeh ndŭg Selecah.

JOSHUA 13:12

Anŭ samŭn tarun tana adi dog mritah Og, sikasŭn raja adi so daya Rephaim, adi muko mritah di Ashtaroth ngga Edrei. Moses muko ngarah ngara ka pibu ngara.

JOSHUA 13:14

Moses dŭh nggen tana di tibaran-asar Levi. Nimun adi TUHAN muko kidaan di Moses, adŭ ngara bisa trima ndu utung ngara inŭh ndi utung so sadis adi dog badang di tunduh mija-sambah yŭn TUHAN adi Tapa daya Israel.

1 SAMUEL 27:8

Di tipuh anŭ, siraru-i David ngga bara daya-i di nyerang daya Geshur, daya Girzi, ka daya Amalek, adi taŭn mbŭh raru tui rŭŭ di abong anŭ. Ayŭh mŭrŭt tarun tana ngara jeh ndŭg Shur, ndi abong abong tarun ndŭg Egypt,