JOSHUA 12:2 - Hakcipta - Biatah Bidayuh

² Ndi naan dŭn Sihon, raja Amor adi mritah di Heshbon. Sitangah tarun tana Gilead mŭrŭt pritah-i: so Aroer (di bŭngŭn Rubān Arnon) so kupo adi di yun rubān anŭ, jeh ndŭg Yang Jabbok, adi baat Ammon;

JOSHUA 12:2 Iomraidhean Croise

TIBIRIK 32:22

Ngarŭm anŭ gŭh Jacob makat, tambit duwŭh naan sawŭn-i, duwŭh naan dayung nyikŭn-i, ka simŭng madis anak-i, ka mutas Yang Jabbok.

1 KRONIKEL 5:8

ngga Bela, adi anak Azaz ka sukuh Shema, so manak Joel. Manak ati rŭŭ di tarun tana maning Aroer, ndŭg Nebo ngga Baal Meon di utara.

NEHEMIAH 9:22

“Kaam nggen di ngara pimanang ngarah bangsa ngga pritah adi bibaat ngga tung ngara. Ngara ngarah tarun tana Heshbon, di yŭn Sihon mritah, ka tarun tana Bashan, di yŭn Og jadi raja.

MAZMUR 135:11

Sihon, raja daya Amor, Og, raja daya Bashan, ka sopŭrŭg raja di Canaan.

JEREMIAH 48:19

Angān adi rŭŭ di Aroer, mijog di pang aran ka kajŭn; siken ngara adi bikaduh bu, pasar kayuh adi mbŭh jadi.

DITRONOMI 1:4

Anŭ inŭh ripas TUHAN muko ngarah Sihon adi raja daya Amor, adi mritah di kupo Heshbon, ngga Og adi raja Bashan adi mritah di kupo Ashtaroth ngga kupo Edrei.

AKIM 11:13

Raja daya Ammon nam pinyisung Jephthah, “Di tika bara daya Israel ruah so Egypt, ngara tambit tana ku so Yang Arnon ndŭg Yang Jabbok ngga Yang Jordan. Madin angān dŭh siŭn dŭh pari-i ngga aran damai.”

AKIM 11:22

Ngara ngisi sopŭrŭg tarun tana daya Amor so Arnon di tura ka siratan ndŭg Jabbok di tura ka utara ka so tarun tana-pajam tura ka timor ndŭg Jordan tura ka barat.