JOSHUA 11:12 - Hakcipta - Biatah Bidayuh

¹² Joshua sirabut sopŭrŭg kupo anŭ ngga raja raja-i, siŭ barang naan daya, nimun adi Moses, adi urun TUHAN mbŭh pesan.

JOSHUA 11:12 Iomraidhean Croise

DITRONOMI 7:2

Kan TUHAN adi Tapa ngan na bara daya anŭ ka darŭm kuasa ngan ka angān ngarah ngara, angān dŭh siŭn dŭh siŭ sopŭrŭg ngara. Dŭhnyah bipambit ngga ngara puan kah kiren masi di ngara.

DITRONOMI 9:3

Pak madin adŭp ngan re kiris TUHAN adi Tapa ngan re panu diŭ so angān mun apui adi bijagu. Ayŭh re ngarah ngara buang angān masang, isa angān pibu ngara ka rikas pirabur ngara, nanyam janji-I.

JOSHUA 10:20

Joshua ngga bara daya Israel siŭ ngara, sunggu agi adi bŭkŭn tungang nyiramat adŭp-i di darŭm kupo ka dŭh dog siŭ.

JOSHUA 10:28

Joshua nyerang ka sirabut kupo Makkedah samŭn raja-i andu anŭ. Ayŭh bada barang naan daya di kupo anŭ dog siŭ; ndi naan mating gŭh dog kidŭm. Ayŭh ndai di raja Makkedah nimun ayŭh mbŭh ndai di raja Jericho.

JOSHUA 10:30

TUHAN nggen gŭh di bara daya Israel pimanang sirabut kupo anŭ ka ngarah raja-i. Ngara dŭh kidŭm asi asi, pak siŭ barang naan daya adi agi diginŭ. Ngara ndai di raja anŭ nimun ngara mbŭh ndai di raja Jericho.

JOSHUA 10:32

TUHAN nggen di bara daya Israel pimanang, ngarah Lachish di andu adi duwŭh darŭm tipuh biperang anŭ. Nimun adi mbŭh ngara ndai di Libnah, ngara dŭh kidŭm asi asi, pak siŭ barang naan daya di kupo anŭ.

JOSHUA 10:35

Ngara sirabut kupo anŭ andu anŭ gŭh ka siŭ barang naan daya adi agi diginŭ, nimun ngara mbŭh ndai di Lachish.

JOSHUA 10:37

ka sirabut-i. Ngara siŭ raja-i ngga barang naan daya di kupo anŭ samŭn di anak anak kupo adi maning anŭ. Joshua pirabur kupo anŭ, nimun adi mbŭh-i ndai di Eglon. Ndi naan daya mating gŭh dŭm.

JOSHUA 11:13

Sunggu mŭnŭ, daya Israel dŭh sigot tadŭ tadŭ kupo adi dog pijog di anak sandah, adŭ-i Hazor adi dog sigot Joshua.

JOSHUA 11:15

TUHAN mbŭh nggen pinyipesan-I di urun-I Moses, Moses mbŭh nggen-i di Joshua, ka Joshua tunda sopŭrŭg-i. Ayŭh ndai barang masam kayuh adi TUHAN pesan di Moses.

JOSHUA 13:6

Anŭ samŭn sopŭrŭg tarun tana daya Sidon, adi rŭŭ di rais tarun tana sandah di asah dudu Darŭd Lebanon ngga Misrephoth Maim. Aku re pibu sopŭrŭg ngara anŭ kan bara daya Israel nyerang ngara. Kuu dŭh siŭn dŭh kutung tarun tana anŭ dupan bara daya Israel, nimun adi Aku muko pesan di kuu.

JOSHUA 21:44

TUHAN nggen di ngara damai di ndi tarun tana anŭ, nimun adi Ayŭh mbŭh bijanji ngga tayung-babuk ngara. Ndi mating gŭh so bara pinganyu ngara adi re tungang ngarah ngara, sabab TUHAN mbŭh nggen pimanang di bara daya Israel ngarah sopŭrŭg pinganyu ngara.

JOSHUA 8:31

Ayŭh pijog-i nanyam atur adi Moses, adi urun TUHAN mbŭh nggen di bara daya Israel, nimun adi dog nang di Ukum-adat Moses: “mija-sambah dog ndai so batuh adi dŭh dog mŭŭt ngga pingakas basi.” Di tunduh-i ngara jugan sadis badang ka TUHAN, ka ngara jugan gŭh sadis bidingan ngara.

JOSHUA 8:8

Ripas angān muko sirabut kupo anŭ, angān rasu sigot-i, nimun adi mbŭh TUHAN pesan. Anŭ inŭh atur yŭn ngan.”

JOSHUA 9:24

Ngara nam, “Kieh ndai-i, tuan, sabab kieh mbŭh puan nang taŭn-i sawŭ inŭh TUHAN adi Tapa mai mbŭh pesan urun-I Moses bada kubo nggen tarun tana ati ka kaam ka siŭ sopŭrŭg daya adi rŭŭ dieh buang mai masang biperang. Kieh ndai simŭnŭ sabab kieh taru kaam; kieh siŭt asŭng ami.