JOSHUA 1:9 - Hakcipta - Biatah Bidayuh

⁹ Ingat Aku mbŭh pesan di kuu nang kuu dŭh siŭn dŭh birani buang dŭhnyah bada atin mu arot! Dŭhnyah taru puan kah jimŭ; Aku, TUHAN adi Tapa mu, agi ngga kuu di barang ka yŭn kuu panu.”

JOSHUA 1:9 Iomraidhean Croise

TIBIRIK 28:15

Ingat, Aku re agi ngga kuu ka grindung kuu di tadŭ ka kuu di, ka Aku re taban kuu pari ka tarun tana ati. Aku dŭh re tingge kuu ndŭg ka Aku muko ndai sopŭrŭg kayuh adi Aku ko janji di kuu.”

TIBIRIK 39:2

Joseph mujur darŭm sopŭrŭg kayuh amai TUHAN agi ngga ayŭh. Ayŭh rŭŭ darŭm ramin tuan-i adi daya Egypt,

TIBIRIK 39:3

adi kiris TUHAN agi ngga Joseph ka mbŭh bada ayŭh mujur darŭm sopŭrŭg kayuh adi ndai-i.

2 SAMUEL 13:28

ka muko nakit kidaan di daya gaji-i: “Nakit ngatin sinde Amnon nok bagŭ, ka komŭnŭ kan aku nggen pinganang ku, angān siŭ ayŭh. Dŭhnyah taru. Adŭp ku re dapu tanggong. Dŭhnyah taru, ndai adŭ!”

1 KRONIKEL 28:20

Raja David nang di anak-i Solomon, “Kuu dŭh siŭn bada atin mu arot pak birani. Piguru kraja anŭ ka dŭhnyah bada ani ani matŭn kuu. TUHAN Tapa, adi aku nyambah, re agi ngga kuu. Ayŭh dŭh re tagan kuu, pak re rŭŭ ngga kuu ndŭg ka kuu mbŭh ngamas kraja adi ngga pijadi ramin-I.

2 KRONIKEL 15:7

Pak angān dŭh siŭn dŭh bake ka dŭhnyah jimŭ. Kraja adi angān ndai re agi upah-i.”

MAZMUR 46:7

TUHAN Bisa-pŭrŭg agi ngga ata; ka Tapa Jacob inŭh pinyigrindung ta.

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

ISAIAH 43:1

Israel, TUHAN adi napa kuu nang, “Dŭhnyah taru — Aku re nyiramat kuu. Aku mbŭh bagan kuu ngga dŭn mu; kuu inŭh jaku.

ISAIAH 43:5

Dŭhnyah taru — Aku agi ngga kuu! “Jeh so timor ka jeh so barat, Aku re taban daya mu ngga pari.

ISAIAH 8:12

“Dŭhnyah bipekat ngga ngara, ka dŭhnyah taru kayuh adi ngara taru.

DANIEL 10:19

Ayŭh nang, “Tapa rindu kuu, ka dŭhnyah kuu susah bait taru.” Kan ayŭh nang sakanŭ, aku kinyam adŭp ku bitambah rabis bake ka nang, “Tuan, kidaan di aku kayuh adi re mai nang. Kaam mbŭh nggen di aku pinyibake.”

HAGGAI 2:4

Pak angān dŭhnyah asa, tadŭ tadŭ so angān. Ndai kraja ngan, amai Aku agi ngga angān.

HAGGAI 2:5

Di andu angān ruah so Egypt, Aku bijanji nang Aku re ari agi ngga angān. Aku babŭ agi ngga angān, jadi dŭhnyah taru.

PINGANDAI 4:19

Pak Peter ngga John nam, “Adŭp ngan bisa puan aki ndi batur di batŭh Tapa: tunda pinyiraan ngan kah tunda pinyiraan Tapa.

DITRONOMI 20:1

“Kan angān matak di biperang rawan pinganyu ngan ka kiris dudu krita kuda ngga dudu kuda ka bara soldadu adi bās dŭ so tung adŭp ngan, dŭhnyah taru ngara, TUHAN adi Tapa ngan adi piruah angān so Egypt re agi ngga angān.

DITRONOMI 31:23

Komŭnŭ TUHAN minyu di Joshua anak Nun ka nang di ayŭh, “Kuu dŭh siŭn bada atin mu arot pak birani. Kuu re nguru daya Israel ka tarun tana adi Aku mbŭh bijanji an nggen di ngara, ka Aku re agi ngga kuu.”

DITRONOMI 31:28

Nguruk sopŭrŭg pinguru tibaran-asar ngan samŭn bara pinurung di sirung jawin ku, isa aku bisa kidaan di ngara sopŭrŭg kayuh ati; aku re bagan rangit ngga tana bada jadi saksi ku di ngara.

JOSHUA 1:10

Komŭnŭ Joshua ngatur bara pinguru bada

JOSHUA 1:17

Kieh re tunda pinganang mai, nimun kieh ko ari tunda pinganang Moses, ka isa-i TUHAN adi Tapa mai agi ngga kaam, nimun Ayŭh ko agi ngga Moses!

JOSHUA 1:18

Asi asi adi pagan kinabah kuasa mai, puan kah nyibireu tadŭ tadŭ pingatur mai re dog ukum kabŭs. Kaam dŭh siŭn dŭh birani ka dŭhnyah bada atin mai arot!”

JOSHUA 10:25

Komŭnŭ Joshua nang di bara pingubak, “Dŭhnyah taru puan kah jimŭ. Angān dŭh siŭn dŭh birani ka dŭhnyah atin ngan arot, sabab ati inŭh kayuh adi TUHAN re ndai di tunduh sopŭrŭg pinganyu ngan.”

JOSHUA 10:8

TUHAN nang di Joshua, “Dŭhnyah taru ngara. Aku mbŭh nggen di kuu pimanang. Ndi naan so ngara anŭ dŭh gŭh re tungang ngarah kuu.”

JOSHUA 3:7

TUHAN nang di Joshua, “Kayuh adi re Ku ndai andu ati re bada sopŭrŭg daya Israel piguru stabi di kuu keya ka di daya adi raru bās, ka ngara re rada nang Aku agi ngga kuu nimun Aku ari agi ngga Moses.

JOSHUA 6:27

Jadi TUHAN agi ngga Joshua, ka dŭn-i mbŭh raru timagah di ndi tarun tarun tana rais anŭ.

JOSHUA 8:1

TUHAN nang di Joshua, “Taban sopŭrŭg soldadu ka di ka kupo Ai. Dŭhnyah taru bait jimŭ. Aku re nggen di angān pimanang, ngarah raja di Ai; bara daya-i, kupo-i, ngga tana-i re jadi tung jangān.

AKIM 6:14

Jadi TUHAN mritah Gideon, “Panu ngga siabo pinyibake mu, ka pirupas Israel so daya Midian. Adŭp Ku inŭh pait kuu.”

1 SAMUEL 10:7

Kan kayuh anŭ jadi, ndai tadŭ tadŭ kayuh adi Tapa bada kuu ndai.