JOSHUA 1:8 - Hakcipta - Biatah Bidayuh

⁸ Nakit ingat surat Ukum adat an ari dog basa darŭm angān tikuruk simayang. Birajar-i sandu singarŭm, ka nakit tunda barang kayuh adi dog nuris dieh. Simŭnŭ inŭh angān re sanang buang mujur.

JOSHUA 1:8 Iomraidhean Croise

TIBIRIK 24:63

Ngga arong ripas kumbeng ayŭh panu di arong tana anŭ, ka kiris dudu onta mandŭg.

2 KRONIKEL 26:5

Sitŭkŭd Zechariah, adi tukang pitayan ayŭh di adat, babŭ udip, ayŭh tŭtŭd bituan di TUHAN, ka Tapa nyiberkat ayŭh.

MAZMUR 119:11

Aku nyikŭn ukum-adat Mai darŭm atin ku, isa aku dŭh bidosa rawan Kaam.

MAZMUR 119:15

Aku birajar ajar Mai; aku piruh aran Mai.

MAZMUR 119:97

Aku raru rindu ukum-adat Mai! Aku bipikir pasar ukum-adat Mai ndi andu andu.

MAZMUR 119:99

Aku mirati dŭ so sopŭrŭg gurū ku, sabab aku nakit bipikir di ajar Mai.

MAZMUR 19:14

Isa-i pinganang ku, ka pikir-kira ku dog trima Mai. O TUHAN, pinyigrindung ku ngga pinubos ku!

MAZMUR 40:10

Aku dŭh pajam pasar agah pinyiramat anŭ; aku ari minyu pasar pinyitŭtŭd ngga pinurung Mai. Di tika daya Mai tikuruk aku bŭn pajam pasar pinyitŭtŭd ngga pinyirindu Mai adi dŭh bisa birubah.

PITAS 3:1

Dŭhnyah kambŭt kayuh adi aku ngajar di kuu, nak. Ari ingat kayuh adi aku kidaan di kuu bada ndai.

ISAIAH 59:21

Aku ndai simanya ngga angān: Aku mbŭh nggen di angān kuasa Ku ngga Ajar Ku adi re jadi jangān ndŭg situi tui, ka so madin angān re tunda pinganang Ku ka ngajar anak anak ngan ka sesang sesang ngan bada tunda pinganang Ku ndŭg situi tui.”

MATTHEW 12:35

Daya adi kana piruah kayuh kana so adŭp-i adi taŭn puno ngga pinyikana; daya adi arap piruah kayuh arap so adŭp-i adi taŭn puno ngga kayuh arap.

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

MATTHEW 7:21

“Dŭh sopŭrŭg daya adi bagan Aku ‘Tuhan, Tuhan’ re kinyam Pinyipritah Tapa, adŭ-i ngara adi ndai pinyiraan Sama Ku adi di shorga.

MATTHEW 7:24

“Jadi meh, barang naan daya adi dingah pinganang Ku ati ka tunda-i agi keya ka daya adi bijak adi pijog ramin-i di tunduh batuh.

LUKE 11:28

Pak Jesus nam, “Rabis bituah inŭh ngara adi dingah pinganang Tapa ka tunda-i!”

JOHN 13:17

Amai madin angān puan kayuh ati, munki masam sanang angān kambŭi angān ndai simŭnŭ!

JOHN 14:21

“Daya adi trima Pinyipesan Ku ka sita-i, ngara anŭ inŭh adi rindu Aku. Sama Ku re rindu ngara adi rindu Aku, ka Aku re rindu ngara ka pinandŭng adŭp Ku di ngara.”

EPHESUS 4:29

Dŭhnyah pinganang adi pirusak ruah so baba ngan, pak pinganang adi biguna adi pijog buang adi nggen pinurung, isa kayuh adi angān nang taban pinyikana di ngara adi dingah.

DITRONOMI 29:8

tambit tarun tana ngara ka kutung-i di dupan tibaran-asar Reuben ngga tibaran-asar Gad, ka di sitangah tibaran-asar Manasseh.

DITRONOMI 29:9

Tunda nakit gaya atur simanya ati, isa angān jadi mujur di barang kayuh adi angān ndai.

DITRONOMI 30:14

Pesan anŭ digiti, agi ngga angān. Angān tungang nyabŭt-i ngga baba ngan, angān tungang ingat-i ngga atin ngan, ngapŭi tunda nŭh meh pesan anŭ.

DITRONOMI 31:11

Basa-i di bara daya Israel kan ngara mandŭg di nyambah TUHAN adi Tapa ngan di tarun yŭn anŭ adi ndi adŭ yŭn bisambah.

DITRONOMI 31:24

Moses nuris Ukum-adat Tapa ngga nakit so puun ndŭg tŭbŭn-i.

DITRONOMI 5:1

Moses bagan bada mandŭg tikuruk sopŭrŭg daya Israel ka nang di ngara, “Angān daya Israel, dingah sopŭrŭg ukum-adat adi aku nggen di angān andu ati. Birajar nŭh ka nakit ingat adŭp nŭh tunda-i.

DITRONOMI 5:29

Kasi kah kambŭi ngara ari mun anŭ! Kasi kah kambŭi ngara ari stabi di Aku ka tunda sopŭrŭg pesan Ku, isa ngara ngga bara sesang ngara adu adu sanang.

DITRONOMI 5:32

“Angān daya Israel, ingat nakit angān dŭh siŭn dŭh ndai sopŭrŭg kayuh adi TUHAN adi Tapa ngan mbŭh pesan di angān. Dŭhnyah nyibireu tadŭ tadŭ ukum adat-I.

COLOSSAE 3:16

Isa-i ajar Kristus darŭm sopŭrŭg pinyikana-i ngisi atin ngan. Ngajar ka pitayan dingan ngga sopŭrŭg pinyibijak. Nang ragu mazmur, nang nyanyi, ka ragu kudus; biragu ka Tapa ngga atin trima kaseh.

JOSHUA 1:7

Bada adŭp mu birani, ka dŭhnyah atin mu arot; ka nakit ingat tunda sopŭrŭg Ukum-adat adi urun Ku Moses mbŭh nggen di kuu. Dŭhnyah kambŭt tadŭ tadŭ pinganang-i isa angān mujur di barang ka yŭn angān panu.

JOSHUA 8:34

Joshua basa meh tŭngŭn ukum-adat anŭ ngga sirŭŭn bana, samŭn pinganang berkat ngga pinganang pangu, nimun adi mbŭh dog nuris darŭm surat Ukum-adat.

PINANDŬNG 22:14

Sanang inŭh ngara adi ngu piraka ambu ngara da bisig ka biyŭn hak man buwa so tŭngŭn kayuh adi nggen udip, ka mŭrŭt so tiban di ka darŭm kupo.