JOSHUA 1:7 - Hakcipta - Biatah Bidayuh

⁷ Bada adŭp mu birani, ka dŭhnyah atin mu arot; ka nakit ingat tunda sopŭrŭg Ukum-adat adi urun Ku Moses mbŭh nggen di kuu. Dŭhnyah kambŭt tadŭ tadŭ pinganang-i isa angān mujur di barang ka yŭn angān panu.

JOSHUA 1:7 Iomraidhean Croise

1 RAJA 2:2

“Tika adi ngga aku kabŭs mbŭh sindŭk. Kuu dŭh siŭn bada atin mu arot pak birani,

1 RAJA 2:3

ka ndai kayuh adi TUHAN adi Tapa mu pesan kuu bada ndai. Tunda sopŭrŭg ukum-adat ngga pinyipesan-I, nimun adi mbŭh dog nuris darŭm Ukum-adat Moses, isa di barang yŭn kuu di, kuu mujur di barang masam kayuh adi ndai mu.

2 RAJA 22:2

Josiah ndai kayuh adi pimunos asŭng TUHAN; ayŭh tunda suto danding babuk-i Raja David, batur batur tunda sopŭrŭg ukum-adat Tapa.

1 KRONIKEL 22:13

Kambŭi kuu tunda sopŭrŭg ukum-adat adi TUHAN nggen di Moses yŭn Israel, kuu re mujur. Kuu dŭh siŭn dŭh birani ka dŭhnyah atin mu arot, ka dŭhnyah taru tadŭ tadŭ kayuh.

2 KRONIKEL 15:7

Pak angān dŭh siŭn dŭh bake ka dŭhnyah jimŭ. Kraja adi angān ndai re agi upah-i.”

2 KRONIKEL 26:5

Sitŭkŭd Zechariah, adi tukang pitayan ayŭh di adat, babŭ udip, ayŭh tŭtŭd bituan di TUHAN, ka Tapa nyiberkat ayŭh.

JOB 1:8

“Agi kuu kiris urun Ku Job?” TUHAN siken. “Mating daya di ong re tŭtŭd buang kana mun ayŭh. Ayŭh nyambah Aku ka mbŭh kingat adŭp-i dŭh ndai kayuh arap.”

MAZMUR 80:19

Tambit pari kieh, TUHAN Tapa Bisa-pŭrŭg. Kiren masi di kieh, ka kieh re siramat.

PITAS 4:27

Pijo adŭp mu so pingandai adi arap, pak udip ngga tŭnggŭn. Dŭhnyah suba miriseu so aran adi batur.

PITAS 8:20

Aku panu kadŭg aran pinŭnggŭn; aku tunda aran pinyitŭnggŭn,

DANIEL 10:19

Ayŭh nang, “Tapa rindu kuu, ka dŭhnyah kuu susah bait taru.” Kan ayŭh nang sakanŭ, aku kinyam adŭp ku bitambah rabis bake ka nang, “Tuan, kidaan di aku kayuh adi re mai nang. Kaam mbŭh nggen di aku pinyibake.”

PINYIKIANG 27:23

Nimun TUHAN muko pesan, Moses na tangan-i di tunduh ubak Joshua ka kidaan di daya bagŭ nang ayŭh adi re gati adŭp-i.

DITRONOMI 11:8

“Tunda sopŭrŭg kayuh adi Aku mbŭh pesan di angān andu ati. Simŭnŭ angān dapŭd mutas yang anŭ ka ngisi tarun tana anŭ adi angān mbŭh re mŭrŭt.

DITRONOMI 12:32

“Ndai sopŭrŭg kayuh adi aku muko pesan di angān. Dŭhnyah nambah tadŭ tadŭ kayuh, puan kah kadi tadŭ tadŭ kayuh so pesan anŭ.

DITRONOMI 28:14

Pak angān sikari kari dŭhnyah nyibireu sopŭrŭg pinyipesan-I, puan kah nyambah ka bituan di tapa tapa adi bŭkŭn.

DITRONOMI 29:8

tambit tarun tana ngara ka kutung-i di dupan tibaran-asar Reuben ngga tibaran-asar Gad, ka di sitangah tibaran-asar Manasseh.

DITRONOMI 29:9

Tunda nakit gaya atur simanya ati, isa angān jadi mujur di barang kayuh adi angān ndai.

DITRONOMI 31:7

Komŭnŭ Moses bagan Joshua ka nang di ayŭh di sirung jawin sopŭrŭg daya Israel, “Kuu dŭh siŭn dŭh birani ka dŭhnyah bada atin mu arot; kuu inŭh adi re nguru bara daya ati di ngisi tarun tana anŭ adi TUHAN mbŭh bijanji an nggen di tayung-babuk ngara.

DITRONOMI 4:2

Dŭhnyah nambah di kayuh adi aku ko pesan di angān, ka dŭhnyah kadi ani ani so dieh. Tunda pesan TUHAN adi Tapa ngan, adi aku muko nggen di angān.

DITRONOMI 5:32

“Angān daya Israel, ingat nakit angān dŭh siŭn dŭh ndai sopŭrŭg kayuh adi TUHAN adi Tapa ngan mbŭh pesan di angān. Dŭhnyah nyibireu tadŭ tadŭ ukum adat-I.

JOSHUA 1:1

Ripas Moses adi urun TUHAN mbŭh kabŭs, TUHAN minyu di pinurung Moses, Joshua anak Nun.

JOSHUA 1:8

Nakit ingat surat Ukum adat an ari dog basa darŭm angān tikuruk simayang. Birajar-i sandu singarŭm, ka nakit tunda barang kayuh adi dog nuris dieh. Simŭnŭ inŭh angān re sanang buang mujur.

JOSHUA 1:9

Ingat Aku mbŭh pesan di kuu nang kuu dŭh siŭn dŭh birani buang dŭhnyah bada atin mu arot! Dŭhnyah taru puan kah jimŭ; Aku, TUHAN adi Tapa mu, agi ngga kuu di barang ka yŭn kuu panu.”

JOSHUA 11:15

TUHAN mbŭh nggen pinyipesan-I di urun-I Moses, Moses mbŭh nggen-i di Joshua, ka Joshua tunda sopŭrŭg-i. Ayŭh ndai barang masam kayuh adi TUHAN pesan di Moses.

JOSHUA 23:6

Ngapŭi nakit nakit ingat ka tunda sopŭrŭg kayuh adi mbŭh dog nuris darŭm surat Ukum-adat Moses. Ka dŭhnyah nyibireu tadŭ tadŭ-i darŭm surat anŭ,