JOEL 2:1 - Hakcipta - Biatah Bidayuh

¹ Mambak trompet; nguga bara daya di Zion, adi sandah kudus Tapa. Kimŭtŭr meh, bara daya Judah! Andu TUHAN mbŭh rikas re mandŭg.

JOEL 2:1 Iomraidhean Croise

1 KRONIKEL 15:28

Jadi sopŭrŭg daya Israel samah taban Pati Simanya anŭ ka Jerusalem ngga sirais gaŭn, jawŭn trompet, jawŭn tanduk, ka jawŭn sigager, ngga jawŭn musik dog mambak ngga kachapi.

MAZMUR 119:120

Sabab Kaam aku taru; aku mbŭh taru sabab ukum-adat Mai.

MAZMUR 87:1

TUHAN pijog kupo-I di tunduh sandah kudus;

PINYIRUAH 10:14

Kadis mbŭh raru bagŭ mandŭg ka mbap di ndi tarun tarun tana rais. Gi-bŭn daya kiris kadis raru bagŭ mun anŭ, diŭ so anŭ bait ripas anŭ.

ISAIAH 13:6

Nyikaong meh, amai andu TUHAN mbŭh sindŭk, tika TUHAN adi Bisa-pŭrŭg taban pinyirusag.

ISAIAH 13:9

Andu TUHAN re mandŭg, andu adi ngga baji ngga riyŭn-I adi bisā tambus. Ong re jadi tarun tana-pajam, ka barang naan daya bidosa re dog pirabur.

ISAIAH 2:12

Di andu anŭ TUHAN Bisa-pŭrŭg re pirapat barang naan daya di bikuasa, barang naan adi gambung ngga adi miruap.

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

ISAIAH 66:5

Dingah kayuh adi TUHAN nang, angān adi taru Ayŭh ka adi dingah pinganang-I: “Sabab angān tŭtŭd di Aku, agi so daya adŭp ngan re tiru di angān ka re tirawan angān. Ngara nyirimbe angān ka nang, ‘Bada TUHAN kiren di angān bās-I ka nyiramat angān, isa kieh bisa kiris angān pawŭn.’ Pak adŭp ngara inŭh adi re dog pimangŭh!

JEREMIAH 16:10

“Kan kuu kidaan di ngara sopŭrŭg kayuh ati, ngara re siken di kuu mani Aku mbŭh natu an ngukum ngara ngga karas. Ngara re siken ani sarah ngara ka ani dosa adi mbŭh ngara ndai rawan TUHAN adi Tapa ngara.

JEREMIAH 16:7

Mating daya re man bait nok ngga nyaduh daya adi dog nyatŭk susah pinyikabŭs. Mating daya adi re tukang kiren masi, bait-i yŭn daya adi kabŭs sama-i puan kah adi kabŭs sindŭ-i.

JEREMIAH 4:5

Mambak trompet di ndi tarun tana! Nyirais ngga tarang! Bada daya Judah ngga daya Jerusalem bikaduh ka kupo kupo adi bikuta.

JEREMIAH 5:22

Aku ati TUHAN; mani angān dŭh taru Aku? Mani angān dŭh kimŭtŭr di sirung jawin Ku? Aku na sumat ndu baat rawŭt, baat adi tatap adi dŭh rawŭt dapŭd mutas. Rawŭt bisa magā ka ndai girumbang, pak dŭh dapŭd mutas-i.

EZEKIEL 12:23

Madin kidaan di ngara kayuh adi Aku, adi TUHAN Raja, mbŭh nang pasar anŭ. Aku re pirŭŭ pitas anŭ. Pitas anŭ re dŭh tia pari pari dog nang darŭm Israel. Kidaan di ngara nang: tika mbŭh mandŭg, ka pininjau anŭ mbŭh re jadi bitŭtŭk!

EZEKIEL 21:12

Nyikaong meh darŭm susah, manusia; pedang anŭ inŭh ngga rawan daya Ku ka ngga rawan bara pinguru Israel. Ngara re dog siŭ samŭn sopŭrŭg daya Ku adi bŭkŭn. Nupap sudo mu darŭm susah!

EZEKIEL 30:3

Andu anŭ re rikas mandŭg, andu adi ngga TUHAN ngukum. Andu anŭ karŭm buang susah bangsa bangsa kinyam.

EZEKIEL 33:3

Kan ayŭh kiris pinganyu mandŭg, ayŭh mambak trompet ngga nguga barang naan daya.

EZEKIEL 33:6

Pak nyamtadar-i, kambŭi tukang jaga anŭ kiris pinganyu mandŭg ka dŭh nguga daya ngga trompet-i, ka pinganyu mandŭg ka siŭ bara adi bidosa, Aku re nang tukang jaga anŭ dapu tanggong di pinyikabŭs ngara.

EZEKIEL 7:10

Andu pinyirusag mbŭh aŭn mandŭg yŭn Israel. Pinyiganas mbŭh masang bagŭ. Pinyigambung aŭn parak,

EZEKIEL 7:12

Tika-i mbŭh aŭn mandŭg. Andu-i mbŭh sindŭk adi ngga bibiris ngga bijua re dŭh tia biyŭn rati, sabab ukum Tapa re nyatŭk barang naan daya.

DANIEL 6:26

Aku pesan di ndi tarun tana empaya ku nang sopŭrŭg daya patut taru ka stabi di Tapa Daniel. “Ayŭh inŭh Tapa adi udip, ka Ayŭh re mritah ndŭg situi tui. Pritah-I dŭh re tungang dog nyirubuh, ka kuasa-I dŭh re mungan.

DANIEL 9:16

Kaam ngibān kieh di jaman adi mbŭh, ka dŭhsah baji di Jerusalem tia. Anŭ inŭh kupo Mai, sandah kudus Mai. Sopŭrŭg daya di rais rais adi sindŭk ngamun Jerusalem samun daya Mai sabab dosa ami ngga arap adi tayung-babuk ami mbŭh ndai.

DANIEL 9:20

Aku babŭ bidua, ngaku dosa ku ngga dosa daya ku bangsa Israel, ka mite turung so TUHAN adi Tapa ku bada pari pijog Ramin-I adi kudus.

HOSEA 5:8

Mambak trompet di Gibeah! Mambak ngga nguga daya di Ramah! Ngab di Bethaven! Matak biperang, angān daya Benjamin!

HOSEA 8:1

TUHAN nang, “Mambak trompet ngga nguga bara daya! Pinganyu mbŭh aŭn nyerang tarun tana Ku mun beuh mūn nyambar nakap dangah-i! Daya Ku mbŭh miranggar simanya adi Aku mbŭh ndai ngga ngara, ka mbŭh rawan ajar Ku.

JOEL 1:15

Andu TUHAN mbŭh sindŭk, andu adi ngga Ayŭh adi Bisa-pŭrŭg taban pinyirusag. Munki masam sipŭ-i re andu anŭ!

JOEL 2:11

TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.

JOEL 2:15

Mambak trompet di Sandah Zion; nggen ukum bada daya bipusa ka bagan daya bagŭ bada mandŭg tikuruk!

JOEL 2:31

Batŭh andu re karŭm, ka buran re marui bireh mun deya diŭ so andu TUHAN adi bisā ka adi sipŭ anŭ mandŭg.

JOEL 3:14

Biribu ribu daya agi di Rubān Bisara. Diginŭ inŭh andu TUHAN re rikas mandŭg.

JOEL 3:17

“Komŭnŭ, Israel, angān re puan Aku ati TUHAN adi Tapa ngan. Aku rŭŭ di Zion, sandah kudus Ku. Jerusalem re jadi kupo kudus; daya tami dŭh re tia nyerang-i.

AMOS 3:6

Kan trompet tandā biperang dog mambak di kupo, dŭh kah daya re taru? Bisa kah pinyirusag nyatŭk kupo kambŭi TUHAN dŭh bada?

AMOS 5:18

Munki masam sipŭ-i re di angān adi gruwŭn andu TUHAN! Ani kana-i andu anŭ di angān? Di angān anŭ re andu adi karŭm ka dŭh-i andu adi jawa.

AMOS 8:2

TUHAN siken, “Amos, ani kiris mu?” “Bakur brisi ngga buwa kayuh,” aku nam. TUHAN nang di aku, “Mbŭh ripuan tipuh daya Ku Israel. Aku dŭh re nukar pikir Ku pasar re ngukum ngara.

OBADIAH 1:15

“Mbŭh re sindŭk andu adi ngga Aku, adi TUHAN, re bisara sopŭrŭg bangsa. Edom, anŭ adi kuu mbŭh ndai re dog ndai di kuu. Pingandai adŭp mu re nyatŭk kuu.

ZEPHANIAH 1:14

Andu bās TUHAN mbŭh sindŭk; raru sindŭk buang rikas! Anŭ inŭh andu adi raru bisā, sirabi ka bara soldadu adi siabo pagan re nyirais gŭh darŭm taru!

ZEPHANIAH 1:16

andu adi puno ngga jawŭn trompet perang ka ngāb bara soldadu nyerang kuta kuta kupo ka tawā tawā adi bigatung.

ZEPHANIAH 1:7

Andu mbŭh sindŭk adi ngga TUHAN re guru nggen bisara; jadi pajam meh di sirung jawin-I. TUHAN mbŭh sidia re nyadis daya-I ka mbŭh bagan bara pinganyu bada pirinda Judah.

ZEPHANIAH 3:11

Di tika anŭ angān, adi daya Ku, re dŭhsah tia mangŭh ngarun adŭp ngan ko rawan Aku. Aku re kadi daya adi sambuh buang gambung, ka angān re dŭh tia rawan Aku di sandah kudus Ku.

ZECHARIAH 14:1

Andu adi ngga TUHAN guru nggen bisara mbŭh sindŭk. Ka Jerusalem re dog mirupak, ka kayuh sirapas anŭ re dog kutung di sirung jawin mu.

ZECHARIAH 8:3

Aku re pari ka Jerusalem, kupo kudus Ku, ka rŭŭ diginŭ. Kupo anŭ re dog kadŭn kupo adi tŭtŭd, ka sandah TUHAN Bisa-pŭrŭg re dog kadŭn sandah kudus.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

PINYIKIANG 10:2

“Ndai duwŭh trompet so pirak adi dog maba ngga bagan daya bada tikuruk ka ngga piguru natas bari.

PINYIKIANG 10:3

Kan so-duwŭh trompet anŭ tui dog mambak, sopŭrŭg daya Israel siŭn tikuruk maning kuu di rawa tiban Bari Ku.

1 CORINTH 14:8

Ka kambŭi sianŭ adi digen trompet dŭh mambak-i ngga biruru, asi meh re sidia yŭn biperang?

PHILIPPI 2:12

Jadi meh, bara dingan ku adi aku rindu, nimun angān siraru tunda pinganang ku sitadŭn aku agi ngga angān, angān jung ka rabis patut tunda pinganang ku madin sitadŭn aku jo so angān. Ndai kraja ngan darŭm taru ka stabi ngga nyukup adŭp ngan yŭn dog nyiramat,

1 THESSALONICA 5:2

Amai adŭp ngan mbŭh puan nang Andu Tuhan re mandŭg keya ka pinaku mandŭg singarŭm.

JAMES 5:8

Angān gŭh dŭh siŭn dŭh an sabar. Nagap meh atin ngan, sabab andu adi ngga Tuhan mandŭg mbŭh sindŭk.

1 PETER 4:7

Pinŭbŭn sopŭrŭg kayuh mbŭh sindŭk. Angān dŭh siŭn dŭh an jaga adŭp ngan so pinyiripong adi sarah buang ari bijaga, siŭn angān tungang simayang.

PINANDŬNG 6:17

Andu adi raru sipŭ mbŭh mandŭg. Tapa ngga Anak Biri re kiren baji-I, ka asi meh re tungang nura-i?”