JOEL 1:4 - Hakcipta - Biatah Bidayuh

⁴ Dudu kadis adi dŭh tungang dog mirang mbap di pimuruh ngga di buwa-i; anŭ adi tadŭh kadis adi diŭ, kadis adi sundis man.

JOEL 1:4 Iomraidhean Croise

1 RAJA 8:37

“Kan agi apag di tarun tana puan kah sesak-andam, puan kah pimuruh dog pirusak sabak adi paras, puan kah kadis, puan kah kan daya Mai dog nyerang pinganyu, puan kah kan agi andam di ruang ngara,

2 KRONIKEL 6:28

“Kan apag agi di tarun tana ati, puan kah sesak-andam, puan kah pimuruh dog pirusak sabak adi paras bait dudu kadis; puan kah kan daya Mai dog nyerang pinganyu bait andam,

2 KRONIKEL 7:13

Kan Aku bitan ujen, puan kah pait kadis bada man pimuruh, puan kah pait sesak-andam di daya Ku,

MAZMUR 105:34

Ayŭh minyu, ka kadis mandŭg, bijuta juta sopŭrŭg-i, ka dŭh tungang dog mirang;

MAZMUR 78:46

Ayŭh pait kadis da man pimuruh ngara ka pirusak ŭmŭh ngara.

PINYIRUAH 10:4

Kambŭi kuu gibabŭ gŭh dŭh raan bada ngara ruah, Aku re bada dudu kadis mandŭg ka rais mu andu sipagi.

PINYIRUAH 10:5

Sakan raru bagŭ-i kadis anŭ, tana re abo dog nutu-i. Kadis re man sopŭrŭg kayuh adi dŭh rusak da ujen batuh, samŭn tŭngŭn tŭngŭn kayuh adi dŭm.

ISAIAH 33:4

Kayuh adi ngara dapu dog sirabut ka jadi kayuh sirapas.

JEREMIAH 51:14

TUHAN Bisa-pŭrŭg mbŭh bipayu pakai asŭng adŭp-I nang Ayŭh re taban bagŭ daya bada nyerang Babylonia mun dudu kadis, ka ngara re nyirais ngga pimanang.

JEREMIAH 51:27

“Nggen tandā ngga nyerang! Mambak trompet isa bangsa bangsa dapŭd dingah! Sidia bangsa bangsa yŭn perang rawan Babylonia! Bada pritah Ararat, pritah Minni, ka pritah Ashkenaz nyerang. Tijuan ndi naan pingubak bada nguru serang. Taban kuda kuda bada mun dudu kadis.

JOEL 2:25

Aku re nggen pari kayuh ngan adi mbŭh manyap darŭm sawa adi ngga bara tibaran kadis man buwa pimuruh ngan. Aku inŭh adi pait dudu tibaran kadis anŭ bada nyusah angān.

AMOS 4:9

“Aku pait sabak adi paras ngga bada pimuruh ngan pisŭk. Kadis-baga pirusak teya ngan ka teya anggor ngan, tŭngŭn ara ngan ka tŭngŭn kanā ngan. Babŭ gŭh angān dŭh pari ka Aku.

AMOS 7:1

TUHAN Raja agi bada aku kiris kayuh keya ka darŭm pŭmŭh. Aku kiris Ayŭh napa dudu kadis-baga ripas daya muko kapŭg kupai yŭn raja. Di tika anŭ kupai mbŭh pari timbu.

MALACHI 3:11

Aku dŭh re bada kadis pirusak pimuruh ngan, ka tŭngŭn anggor ngan re sarad ngga buwa anggor.

DITRONOMI 28:38

“Angān re nabur bagŭ bine, pak nisŭ adŭ re angān ngatŭm, sabab dudu kadis re di man buwa buwa pimuruh ngan.

DITRONOMI 28:42

Sopŭrŭg tŭngŭn kayuh adi angān purun ngga buwa buwa pimuruh ngan re dog man kadis.