JAMES 4:3 - Hakcipta - Biatah Bidayuh

³ Angān mite, pak dŭh trima-i, sirati-i pinŭtŭn ngan agi arap; angān mite kayuh yŭn pimunos adŭp ngan sadi.

JAMES 4:3 Iomraidhean Croise

1 JOHN 5:14

Ata pus di sirung jawin Tapa, sabab ata puan Ayŭh tatu an dingah ata kambŭi ata mite so Ayŭh kayuh adi nanyam ka pinyiraan-I.

1 JOHN 3:22

Ata kambat so Ayŭh tadŭ tadŭ kayuh adi ata mite, sabab ata sita pinyipesan-I ka ndai kayuh adi pimunos asŭng-I.

JAMES 4:1

So ki puun tibirik kaii ngga karit timbur di dupan ngan? Ayŭh timbur so pinyiripong di pinyanang ong, adi adu adu birawan darŭm angān.

MICAH 3:4

Tika-i re mandŭg kan angān re sien bagan TUHAN, pak Ayŭh dŭh re nam angān. Ayŭh dŭh re dingah dua ngan, amai angān mbŭh ndai arap.

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

PITAS 21:13

Kambŭi kuu abah dingah sirŭŭn daya sirata mite turung, sirŭŭn adŭp mu mite turung re dŭh dog dingah.

JOB 35:12

Ngara bagan mite turung, pak Tapa dŭh nam, amai ngara sambuh ka arap.

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

LUKE 15:13

Kudu kudu andu ripas anŭ, adi mara jua jangi utung so buat-rata anŭ ka bu tingge arŭn taban duit anŭ. Ayŭh di ka rais adi jo, di yŭn-i nyiraba duit anŭ ngga pimudip adi dŭh tatu.

MARK 10:38

Jesus nang di ngara, “Angān dŭh mirati kayuh adi angān mite. Bisa kah angān nok so makuk jera-birasa adi Aku dŭh siŭn dŭh nok? Bisa kah angān dog baptisa mun gaya Aku re dog baptisa?”

MATTHEW 20:22

“Angān dŭh puan kayuh adi angān mite,” Jesus nang di ngara duwŭh madis. “Bisa kah angān nok so makuk jera-birasa adi Aku re nok?” “Kieh bisa,” ngara nam.

JEREMIAH 11:14

Jeremiah, dŭhnyah bidua ka Aku bait mite turung so Aku ngga ngarun ngara. Kan ngara darŭm pinyusah ka bagan mite turung so Aku, Aku dŭh re dingah ngara.”

PITAS 21:27

TUHAN tiru di sadis adi daya ginaka jugan, rabis-i kambŭi ngara jugan-i ngga pinŭtŭn adi sarah.

PITAS 1:28

Nganŭ angān re bagan pinyibijak, pak aku re dŭh nam. Angān re jiroh aku di barang yŭn, pak angān dŭh re dapŭd aku.

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

MAZMUR 18:41

Ngara bagan mite turung, pak mating daya nyiramat ngara; ngara bagan TUHAN, pak Ayŭh dŭh nam.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

LUKE 15:30

Pak anak mai ati mbŭh nyiraba buat-rata mai ngga dayung sundar, ka kan ayŭh mari, kaam siŭ anak sapi adi gamu yŭn-i!’

1 RAJA 3:11

ngapŭi Ayŭh nang di ayŭh, “Sabab kuu mbŭh mite pinyibijak pakai mu mritah ngga pinyitŭnggŭn, ka dŭh mite udip tui yŭn adŭp mu, puan kah pinyikaya, puan kah pinyikabŭs pinganyu mu,

LUKE 11:10

Amai barang naan adi mite re kambat, ka ayŭh adi jiroh re dapŭd, ka tiban re tikuka yŭn tadŭ daya adi gutog.