Tito 3:5 - Nuevo Testamento Toba Sur

⁵ nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

Nuevo Testamento Toba Sombrero Negro

⁵ qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

La'aqtaqa Ñim Lo'onatac 'Enauacna 2013

⁵ na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Tito 3:5 Iomraidhean Croise

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Lucas 1:50

Ñimayi nachi 'eetai' da huo'o da lchoxonnataxanaxac nam ÿataqta ñi'iÿa ñimayi.

Lucas 1:54

Qataq itauan nam llalaqpi so Israel mayi l-latac, qaq sa ishit da icoua'ai da lchoxonnataxanaxac somayi.

Lucas 1:72

nataq'en da ÿataqta huo'o da lchoxonnataxanaxa som hua'au qadta'alpi, qataq da sa ishit da icoua'ai dam naÿamaxataxac mayi ÿanem somayipi.

Lucas 1:78

Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

Romanos 11:14

Cha'ayi ñishitaique da yaqto' na maichi ÿalamaxat iuo' l'ecpi ishit da huo'o ca lyaxa da qami' datalguete, yaqto' namayipi ishit da qanca'alaxateec.

Romanos 11:6

Qaq ÿoqo'oyi da huo'otaq nachida da lqouagaxanaqtaic ñi Dios da chigoqchigui namayipi, nachi sa ishit qone' da ñi 'oonolec maichi chigoqchigui cam l'onataxanaxac. Cha'ayi da huo'otaq nachi 'eetec de'eda, nachi da lqouagaxanaqtaic ñi Dios sa ishit qone' da nqouagaxanaqtaic.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Romanos 3:20

Cha'ayi qaica ca ishit da ÿaÿamaxadeeta ñi Dios souaxat da i'ottac nam damaxasoxoolec na nqataxacpi, cha'ayi ne'ena nqataxacpi, namayipi chaqdata da i'ot da qomi' ÿaÿajnaxanaxanque da qomi' huo'o cam qadasouaxashit.

Romanos 3:28

Qaq ÿoqo'oyi qomi' selaqa'a da ñi Dios ishit da ÿaÿamaxadeeta cam shiÿaxaua mayi huo'o da lpi'iÿaxac, qaq sa ishit da ilotapigui camayi da huo'otaq i'ottac cam 'enapec na nqataxacpi, huo'otaq da sa ishit da i'ot.

Romanos 4:5

Qalaxayi da huo'o ca sa ishit da do'onataxan, qalaxayi ÿataqta i'amaqten ñim Dios mayi ishit da ÿaÿamaxadeeta cam 'itaxaloxoic, nachi camayi ÿataqta ÿaÿamaxadeeta ñi Dios souaxat da lpi'iÿaxac.

Romanos 9:11

Cha'ayi soomayi co'ollaq saxanaxa da ñiyiñi, qataq saxanaxa da huo'otaq huo'o ca i'ot ca no'on huo'otaq ca qauem, qalaq ñi Dios 'enapega aso Rebeca, 'eeta': “Yim ÿi yiua 'ai'alqa, nachiyi qome yi l-latac yim n'asa.” Qaq damayi nateeteguet da 'enapec naua ñiyigui'shi l'aqtaqa ñi Dios mayi 'eeta': “Ÿauotaxat so Jacob, qaq so Esaú qalaxayi sa ishit.” Huaña, nachi ÿoqta yi'oqteec da 'eetec ñi Dios da maichi lca'ateu'a cam tajlec yi lavilÿaxac da iÿaxana, qaq sa ishit da ilotagui ca 'eetec ca i'ottac.

Romanos 9:16

Qaq ÿoqo'oyi sa ishit qone' da chigoqchigui ca maichi 'eetapeguec qataq ca l'añaxac ca shiÿaxaua, cha'ayi nachaqcata cam maichi chigoqchigui da nqouaguec ñi Dios.

Romanos 9:30

Qaq ÿoqo'oyi ¿chaq huá'ague ca 'eetec ca qad'aqtac? Yi nam sa ishit da judiopi qataq sa ishit da nmittaique da ÿaÿamaxadeeta ñi Dios, qalaq nachina nam ÿaÿamaxadeeta ñi Dios, chigoqchigui da lpi'iÿaxac.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Efesios 2:4

Qalaxayi ñi Dios ÿataqta lta'adaic da lchoxonnataxanaxa da qomi' ÿataqta ÿauoteque,

Efesios 4:23

Qataq qami' iuen da ÿataqta qanadalaxat da qadvilÿaxaqui qataq da qadhuennataxaqui.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

Tito 3:4

Qalaxayi ñi Dios mayi qadca'alaxaqui co'ollaq ÿachaxana da lsoxoyic qataq da lauotaxanaqtaic na shiÿaxauapi,

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Hebreos 6:6

qaq ne'ena shiÿaxauapi, da huo'otaq ÿi'iguelaxalec da dashiuec, nachi sa ishit da qaltaq ca'aisalo qanqoÿin naua n'onataxaco, cha'ayi namayipi 'eeta'am da qaltaq iuaxaneuo so llalec ñi Dios qataq qaÿauaachigui naq'en da ÿi'inai' somayi.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

1 Pedro 2:10

Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,