Tito 3:2 - Nuevo Testamento Toba Sur

² Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

Nuevo Testamento Toba Sombrero Negro

² 'Noota qom ja ja 'noe'n naa'me 'laqataqa jo'ne yachalo'te gaa'me laqaya'olqa, ja loequiaĝayaqa, nataq'aen 'noota qom choĝodenataĝanaĝayaqa, nataq'aen ja en 'te 'yoĝodenaĝaic da'me 'loyaĝa'j nale dajoya'agueta gaa'me laqaya'olqa.

La'aqtaqa Ñim Lo'onatac 'Enauacna 2013

² Qataq saishet da qauema naua la'aqtaqa da detaqtega ca lỹa, nachaqrata da nmitaique da nlagaxayec, qataq huo'o naq 'enec naqa'en ca lỹa, qataq ỹachaxan da huesota lataxac da ỹalectaigui na shiỹaxauapi.

Tito 3:2 Iomraidhean Croise

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Hechos 23:5

Nachi so Pablo 'enapeco': –Qami' ÿaqaÿañicpi, aÿim sa ishit da saÿaten ñimayi da nachiñi ñim lataxala' na ntaxaÿaxanaxanecpi; cha'ayi nachi 'enapec naua nanettrañi n'aqtaqa, 'eeta': “Sa ishit qome da 'aushiuen cam lta'a na 'adhuo' l'ecpi.”

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

Efesios 4:31

Qaq ÿoqo'oyi imauec qome da qai'axañiiuec da huo'o ca dalematatapega ca lÿa, huo'otaq da nquiÿatapega, huo'otaq da huo'o ca i'alaqtalec ca lÿa, huo'otaq da ishiueetac, qataq 'enauac nam sa ÿaÿamaxañisat.

Filipenses 4:5

Qaq 'enauac qome na shiÿaxauapi ÿataqta qami' ÿauattoote' da qami' huotaxanaqtaqaiqa. Cha'ayi so qadataxala' mashi sa qaÿapeque da nvi'.

1 Ts 2:7

Nachaqdata da qomi' huosotte' da qadsoxosoxonaxac da qoñiita, shinaqta'am aca 'alo da ÿataqta ÿaÿaten da ilo'ogue ca llalcolec.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Santiago 4:11

Qami' ÿaqaÿa't, saqco' qome ca quetapeguelec ca lÿa. Cha'ayi ca quetega ca lqaÿa, huo'otaq ÿaatapigui ca lasouaxashit, camayi 'ico' quetapeguelec na nqataxacpi qataq napacapeguelec. Qaq da nachi qoneta'ac de'eda, da qoquetega na nqataxacpi, nachi qoneta'am ca nmit na nasouaxashit, qaq sa ishit da 'aualaxalec na nqataxacpi.

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

1 Pedro 3:10

Cha'ayi naua nanettrañi l'aqtaqa ñi Dios 'eeta': Ca nshitaique da ÿauotec da nachaalataxac qataq machiguiñi 'enauaque naua na'axa'te mayi quetaiguilo, qaq no'on da ntela'a ñi lachaxat, da yaqto' sa nasaxauec ca qauem, qataq na alap sa ishit da nauoigui naq'en ca natenataxanaxac.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

2 Pedro 2:10

Qalaxayi ñi Dios ÿauo'o qome da nhuaxanaguec na shiÿaxauapi, lamaaxa nam maichi quetague' nam 'eetapeguecpi mayi qauem, qataq sa ishit da ÿaconguet da lamaxasoxonaxac ñi qadataxala'. Namayipi ÿataqta sa ÿalaq, qataq saq llivigui yi lauel. Sa ishit da ñi'iÿa da ishiuen nam damaxasoxonapecpi saq cha'a.

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.

Judas 1:8

Qalaxayi nachi 'eeta'am sa ishit da ÿaqalan de'eda ne'ena shiÿaxauapi. Namayipi quetagueto naua lchoxonaxaco, ÿoqo'oyi ishipaxanaqchit da l'oquiaxac, qataq sa ÿaconguet da lamaxasoxonaxac ñi qadataxala' na namaxashic piguem l'ecpi.