Tito 3:11 - Nuevo Testamento Toba Sur

¹¹ Cha'ayi mashi qaÿaÿaten que'eca shiÿaxaua da sa nateneueegue da ÿaÿamaqchiguiñi. Cha'ayi da lasouaxashit nachida da yi'oq naq'en da ÿataqta isomapec.

Nuevo Testamento Toba Sombrero Negro

¹¹ Joote auayaten queda'me qom naq'aeta ga'me jiyaĝaua qama'le nechiyoĝojoĝola't, nataq'aen mach'e najouaĝatoue ga'me mach'e loeco.

La'aqtaqa Ñim Lo'onatac 'Enauacna 2013

¹¹ Cha'aye mashe qaỹaỹaten que'eca shiỹaxaua da sa nateneueegue da ỹataqta 'eesa napaxaguenataxanaxac. Cha'aye da lasouaxashet, nachera da yo'oq naqa'en da ỹataqta isomapec.

Tito 3:11 Iomraidhean Croise

Lucas 19:22

Nachi som nta'a 'enapeco': “'Am nlatac qauemaic, da maichi 'ad'aqtac, nachida da sachigoxotchigui da sauo'o ca 'anhuaxanaguec. 'Am 'auaÿateetac mque' da aÿim saqadamchigui da sacona cam sa ÿalamaxat, qataq da ñaqat na ala cam saq ÿanguishic.

Lucas 7:30

Qalaxayi nam ÿalectaigui na fariseopi, qataq nam dapaxaguenataxaatapeguec na nqataxacpi mayi sa ishit da lachilaxanatac so Juan, namayipi n'otane' dam Dios ÿauotaique da i'otec namayipi.

Juan 3:18

Ca i'amaqten na llalec ñi Dios, nachi camayi sa ishit da huo'o ca nhuaxanaguec. Qalaxayi cam sa i'amaqten namayi, nachi sogote da huetalec da huo'o da nhuaxanaguec qanqoÿin, souaxat da sa ishit da i'amaqten na 'oonolec llalec ñi Dios.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Hechos 23:25

Nachi ÿamaxaguelo soomayi aso lede mayi huetalec da 'eeta':

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.

Tito 1:14

qataq nal'en da sa ÿoqocha'a na chochi n'aqtaxanaxacpi mayi chigaqaigui na judiopi, qataq da lamaxasoxonaxac nam mashi ca'ai da 'eesa lataxac.

Hebreos 10:26

Cha'ayi da nachi qadhuennataxa da soqolaqto'ot da so'otaq ca qadasouaxashit, da huo'otaq mashi sauattonaq dam 'eesa lataxac, nachi sa ishit qome da qaltaq huo'o ca qoÿan da qaÿalauat, da yaqto' qaÿapalaxat ca nasouaxashit.