Tito 2:3 - Nuevo Testamento Toba Sur

³ Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

Nuevo Testamento Toba Sombrero Negro

³ Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

La'aqtaqa Ñim Lo'onatac 'Enauacna 2013

³ Nache 'ena'am qonapega na ỹa'axaina'pi da ỹataqta quetelec da lataxac aca quetague' Ñim Lo'onatac 'Enauacna, qataq saishet da na'aqtaqa lo'o', qataq saishet da taxai. Nachaqrata da ỹachaxana ca no'on lataxac anam saxanaxa da ỹe,

Tito 2:3 Iomraidhean Croise

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

Efesios 5:3

Qaq cha'ayi qami' lalamqa'te ñi Dios, qaq no'on da sa ishit qome da qami' chimaxanguilo da huo'o ca quishishaxac qataq 'enauac nam laÿipi mayi ishit da deshipaxanaqtaxan, huo'otaq da qaÿoqopita'a ca ÿaqa'a.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

1 Timoteo 3:8

Nachi 'eetec nataq'en na ltauapi ca nataxala' iuen da no'on da n'aqtaguec, qataq sa ishit da ÿatenachit da l'aqtac. Qataq sa ishit da taxaic, qataq sa ishit da quetaigui da latenataxanaxac da nmitta'a aca plata.

1 Timoteo 5:23

Cha'ayi sa i'atai' da 'auet na 'adhuel, nagui sa ishit da ndoteec da 'anÿomgui na 'etaxat, chaqdata da 'anÿomgui na lataxa, qalaxayi saq 'amaqtaq naq'en.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

Tito 2:4

yaqto' na 'alpi mayi saxanaxa da ÿi'axaina'pi ishit da ÿauotec ca lhua qataq na llalaqpi,

Hebreos 5:12

Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.