Tito 2:2 - Nuevo Testamento Toba Sur

² Qonapega da ÿi'axaiquipi da ÿataqta ilotegue da lliquiaxac, qataq no'on da n'aqtaguec, nloteec, qataq no'oita da lpi'iÿaxac, qataq da lsoxoyic, qataq da lhualaxavic.

Nuevo Testamento Toba Sombrero Negro

² Gaa'me 'yaĝaicachidi 'noota qom ja quejaĝayaqa, 'uo da'me nauategaĝa'j nataq'aen joĝodayaqa, nataq'aen 'noota qom yataqachiñe p'iida'a da'me yataqatelegue napaĝaguenataĝanaĝac, 'noota qom noqopitalo jogaa'me laqaya'olqa, nataq'aen naloteguet ta'le napogaĝadenegueta joda'me lachoĝodeco.

La'aqtaqa Ñim Lo'onatac 'Enauacna 2013

² Qonapega na ỹa'axaiquipi da ỹataqta ilotegue da llecỹaxac, qataq nllañi da lqopitaxanaqtaic qataq deuennataxaatelec da huo'o ca ỹo'ot. Qataq iuen da ỹauo'o da lpi'iỹaxac Ñim Lo'onatac 'Enauacna, qataq ỹauotec na laỹepi qataq huo'o da lhualaxavic.

Tito 2:2 Iomraidhean Croise

Marcos 5:15

Qaq co'ollaq qanvita ca hueta'a so Jesús, nachi qailalec so shiÿaxaua mayi huo'o co'ollaxa so l'ecpi da nso'ootañi, huo'oi naua alogo, ÿaÿamaqta. Nachi so shiÿaxauapi ÿataqta ñi'i.

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

1 Corintios 15:34

Qami' qavi'iguelaqaÿa qome da achaalataxac qui'itta qataq sa daÿactac, qataq qai'axañiiuec da qayi'itaxalqoi, cha'ayi huo'o da qoñiita na sa ishit da ÿauatton ñi Dios. Qaq de'eda shinapec, yaqto' huo'o da qad'alqoi.

1 Corintios 9:25

'Enauac na naÿamaxattac da tau'a ca qomitaxac, ÿataqta ndenguet 'enauac nam ishit da n'aqchit. Namayipi 'eetec de'eda, cha'ayi nshitaique da nauec aca ado'o mayi qo'ipaq laue acam saqaÿaloq da daqaqa. Qalaxayi qomi' sauoqtaique da ñauegaq acam sa ishit da huo'o ca loga't.

2 Corintios 5:13

Cha'ayi qomi' da 'ico' sa saÿamaxasoq, qalaxayi souaxat ñi Dios; qaq da huo'otaq saÿamaxasoqta, qaq souaxat da qoñiita.

Gálatas 5:23

sa n'amqajnaxaic, qataq ntel-la't. Qaq ca 'eeta'am de'eda qaica ca ishit da illapeguem ca shiÿaxaua.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Ts 5:6

Ÿoqo'oyi sa ishit da 'ico' so'ochaqtañi, se'enaxataqtapeguem na sa da'amqajnataxan. Chaqdato' da ñiloqteec, qataq seloqtegue da qoyiquiaxac.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

1 Timoteo 1:10

Na nqataxacpi nmit ca shiÿaxaua da ncachitapegue' ana 'alo, huo'otaq ca maichi lÿa 'eeta'am shiÿaxaua, nataq'en da decachiÿa ca lÿa, nataq'en da tenataxanaxaic, huo'otaq da i'axat ca 'eetega lataxac, qalaxayi chochi shipegaxanaxac. Na nqataxacpi nataq'en ividauga da nmit 'enauac na sa ÿalaxaguet da napaxaguenataxanaxac mayi no'oita.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

1 Timoteo 3:4

Qataq ÿaÿaten da ilo'ogue da lma'ÿaxac, qataq ÿapaxaguen da lco'oxoc da ÿalaq qataq detelaxanaqta.

1 Timoteo 3:8

Nachi 'eetec nataq'en na ltauapi ca nataxala' iuen da no'on da n'aqtaguec, qataq sa ishit da ÿatenachit da l'aqtac. Qataq sa ishit da taxaic, qataq sa ishit da quetaigui da latenataxanaxac da nmitta'a aca plata.

1 Timoteo 5:1

Sa ishit da 'audolec ca ntaxaÿaxac sa nsatta ca nquedoxonec. Chaqdata da 'auchittot da qonapega, 'au'enaxatchigui ca yi'oqchigui 'adta'a. Qataq da qonapega ca nsoq, 'au'enaxatchigui ca maichi 'adqaÿa.

Tito 1:13

Qaq ÿataqta 'eesa da l'aqtac. Ÿoqo'oyi nagui ÿataqta 'avidaxato'ot namayipi da qonapega, yaqto' ishit da no'oita da lpi'iÿaxac,

Tito 1:8

Chaqdata da nloshiguem, sa ishit da sa ilo'oguet ca lÿa da namaxasoxoic, qataq nqopita da i'ot ca ÿaÿamaqchiguiñi. Nloteec, no'on da lataxac, qui'itta, ilotegue da nachaalataxac.

Tito 2:7

Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

Filemón 1:9

qalaxayi aÿim sepacapegue' da 'am ñachoxodeetot, souaxat da nsoxoyic. Aÿim Pablo nagui mashi aÿim ÿi'axaiqui qataq aÿim qaicoñittai', souaxat da sasoilec so Cristo Jesús,

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,