Mateo 9:6 - Nuevo Testamento Toba Sur

⁶ Qalaxayi nachi 'en'am na shiÿaxaua llalec qami' nachaxanalo da ÿataqta huo'o naq 'enec da ishit da ÿapalaxat na nasouaxashitpi ana 'alhua. Ime, nachi 'enapega so sa da'añiigue, 'eeta': –Qoñishiguem qome, 'aunana't na 'admala'. Ime, qaq 'anqo'ona ca 'adma'.

Nuevo Testamento Toba Sombrero Negro

⁶ Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

La'aqtaqa Ñim Lo'onatac 'Enauacna 2013

⁶ Qalaxaye nache 'ena'am, Aỹem Shiỹaxaua Llalec qami' ñachaxanalo, da Aỹem ỹataqta huo'o da ỹa'añaxac da ishet da sapalaxat na nasouaxashetpi ana 'alhua.» Ime, nache So Jesús 'enapega so sa da'añiigue, 'eeta': «Qoñisheguem, 'aunana't na 'aracanec. Ime, qaq 'anqo'ona ca 'arma'.»

Mateo 9:6 Iomraidhean Croise

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Mateo 9:2

Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Mateo 9:5

Cha'ayi ¿chaq négue't ca ÿoqta saq alaq da qoÿinapec? ¿Peta'a da qoÿiita': “Na 'adasouaxashitpi mashi qaÿapalaxat,” huo'otaq da qoÿiita': “Qoñishiguem, ime, qaq 'auqueuoÿapigui'?”

Mateo 9:7

Nachi se'eso sa da'añiigue ñishiguem, nachi nqo'ona ca lma'.

Marcos 2:10

Qalaxayi nagui qami' nachaxanalo na shiÿaxaua llalec da namayi huo'o naq 'enec ana 'alhua da ÿapalaxat na nasouaxashitpi. Nachi 'enapego' so sa da'añiigue, 'eeta':

Marcos 2:7

“¿Tá'ainco' dam da' shiÿaxaua, yi 'eetec de'eda da l'aqtac? Ishiueetac ñi Dios, yi qaica ca ishit da ÿapalaxat ca nasouaxashit, chaqñita ñi mayi.”

Lucas 5:21

Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Juan 10:28

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 5:27

Qataq ÿanem da l'añaxac, da yaqto' ÿauo'o ca nhuaxanaguec ca shiÿaxaua, cha'ayi nachina nam shiÿaxaua llalec.

Juan 5:8

Nachi so Jesús 'enapega somayi, 'eeta': –Qoñishiguem qome, nachi 'aunana't na 'adacanec, nachi qojec.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

2 Corintios 2:10

Qaq ÿoqo'oyi nagui cam qami' mashi qauchoxoyiñi souaxat da huo'o ca ÿasouaxat, qaq nataq'en aÿim sechoxoden camayi. Cha'ayi cam aÿim sechoxoden, da huo'otaq huo'o ca ÿasouaxat, qalaq camayi sechoxoden souaxat da qoñiita. Qaq damayi ÿauaachigui ñaq'en so Cristo,

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

Efesios 4:32

Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

Colosenses 3:13

Ñi 'oonolec da qoñiita ÿataqta nhualaxaune' ca lÿa qataq ichoxoden da huo'otaq huo'o ca ÿasouaxat. Da 'eetec so Cristo da qami' ichoxode'n, qaq nachida qau'ochi.